Læknablaðið - 15.06.2007, Page 27

YFIRLITSGREIN / INNANKÚPUÞRÝSTINGUR
Sjálfsprottinn innankúpulágþrýstingur -
sjúkratilfelli og umræða
Ágrip
Ólafur Árni
Sveinsson1
Læknir
Albert Páll
Sigurðsson'
Taugalæknir
Ólafur
Kjartansson2
Röngenlæknir
Þrjátíu og þriggja ára kona leitaði á slysa- og
bráðamóttöku með þriggja daga sögu um versn-
andi höfuðverk sem varð betri við að liggja út
af. Skoðun var eðlileg en segulómun af höfði
sýndi upphleðslu í heilahimnum. Gerð var
mænuholsástunga en þrýstingur var ekki mæl-
anlegur og fékkst mænuvökvi með því að reisa
höfðalag sjúklings. Próteinhækkun kom fram
í mænuvökva en engin merki um sýkingar né
bólgur. Tölvusneiðmyndataka með skuggaefni
af mænuholi sýndi leka frá slíðri annarrar háls-
taugar hægra megin. Gerð var blóðbót við aðra
hálstaugarót hægra megin með nokkrum árangri.
Sjúklingur lagðist aftur inn fjórum dögum síðar
þar eð höfuðverkur hafði versnað. Blóðbót var
endurtekin yfir annarri hálstaugarót með litlum
árangri. Því var gerð bót með trefjalími á sama
stað, en batinn af henni entist aðeins í sólarhring.
Tölvusneiðmyndataka með skuggaefni af mænu-
holi sýndi leka frá áttundu háls- og fyrstu brjóst-
taugarót vinstra megin en engan leka frá annarri
hálstaugarót. Gerðar voru endurteknar bætur
á báðum þessum bilum með nokkrum árangri.
Vegna takmarkaðs árangurs var gerð segulóm-
mynd af háls- og brjósthrygg sem sýndi ummerki
um bætur á fyrstu brjósttaugarót vinstra megin
en engin merki um bót við áttundu hálstaugarót
vinstra megin. Því var gerð bót með trefjalími á
því bili. Við það varð sjúklingur einkennalaus og
útskrifaðist heim við ágætis líðan. Hér að neðan
verður tilfelli af sjálfsprottnum innankúpu lág-
þrýstingi með leka frá fleirum en einum stað lýst
auk yfirlits yfir sjúkdóminn.
Sjúkratilfelli: Þrjátíu og þriggja ára kona leit-
aði á slysa- og bráðamóttöku Landspítala vegna
höfuðverkja. Þremur dögum áður fór hún að
finna fyrir höfuðverk sem óx á hálfri klukkustund.
Verkurinn byrjaði aftan til í hálsi en leiddi síðar
fram í höfuðið beggja vegna. Verkurinn lýsti sér
sem sláttur, verstur um 9,5/10 á VAS (Visual
Analog Scale) og fylgdi honum ógleði og uppköst.
Hún var með viðvarandi höfuðverk í liggjandi
stöðu sem versnaði við að rísa upp að því marki
að hún gat varla lengur reist höfuð frá kodda við
komu á slysa- og bráðamóttöku.
Heilsufarsaga var ómarkverð, það var engin
saga um höfuðverki, áverka né nýleg veikindi. Hún
tók engin lyf. Almenn líkams- og taugaskoðun var
'Taugalækningadeild,
2röntgendeild Landspítala.
Fyrirspurnir og bréfaskipti:
Albert Páll Sigurðsson,
taugadeild Landspítala
Fossvogi, 108 Reykjavík.
alberts@landspitali. is
Lykilorö: höfuðverkur, leki á
mœnuvökva, innankúpulág-
þrýstingur.
ENGLISH SUMMARY
Sveinsson ÓÁ, Sigurðsson AP, Kjartansson Ó
Spontaneous intracranial hypotension - a case report and discussion
Læknablaðið 2007; 93: 487-91
Abstract: Thirty three year old woman came to the
emergency room with of 3 days history of worsening
headache which was relived by lying down. Examination
was normal. Magnetic Resonance Imaging (MRI) of the
head showed an enhancement of the meninges. No
pressure could be measured during lumbar puncture
and cerebrospinal fluid (CSF) was obtained by elevating
the patient’s head. There was an elevation of protein
in the CSF without signs of infection or inflammation.
Computerised tomography (CT) myelogram showed
a prominent leak from the 2nd right cervical nerve
sheath. A blood patch was done at this level with some
improvement of symptoms. The patient was readmitted
four days later as the headache had worsened. A blood
patch was repeated at the same level with limited results.
Therefore a fibrinogen patch was done at the same level,
of which the effect lasted only 24 hours. A repeated CT
myelogram showed a leak from the left 8th cervical and
1st thoracic nerve sheets, but not from the 2nd right
cervical nerve sheath. Blood and fibrinogen patches
were done at these levels repeatedly with limited results.
Therefore, a MRI of cervical-thoracic spine was done
which showed signs of previous blood patch at the 1st
left thoracic nerve sheath but no sign of a patch over the
8th left cervical nerve sheath. A fibrinogen patch was
done at this level. The patient became symptom free
and was finally discharged home. We present a case of
complicated spontaneous intracranial hypotension and
review of the literature.
Key words: headache, cerebrospinal fluid leak, intracranial
hypotension.
Correspondence: Albert Páll Sigurðsson,
alberts@landspitali.is
Læknablaðið 2007/93 487