Fréttatíminn - 31.10.2014, Side 2

kynntu þér
málið!
SIÐMENNT
w w w . s i d m e n n t . i s
Siðmennt styður trúfrelsi og
aðskilnað ríkis og kirkju
Trúfrelsi
Annað þing Arctic Circle
hafið
Forseti Finnlands, Sauli Niinistö, kom í gær
til Íslands til að taka þátt í alþjóðaþingi
Arctic Circle – Hringborðs Norðurslóða.
Forsetinn hélt ræðu á setningarfundi
Arctic Circle í morgun, föstudag, og opnaði
sérstakan fund Arctic Circle þar sem gerð
var grein fyrir stefnu Finnlands í málefnum
Norðurslóða, framtíðarsýn og umsvi-
fum. Fyrsta þing Arctic Circle var haldið í
Hörpu í fyrra og þingið nú sitja um 1400
þátttakendur frá 34 löndum, ráðherrar,
embættismenn, forystumenn í atvinnulífi
og vísindum og fulltrúar náttúruverndar-
samtaka. - eh
Ótengt Fréttatímanum
Vefritið Kjarninn ræddi í vikunni við Ólaf M.
Magnússon, fyrrum stjórnarformann DV,
og hafði eftir honum að Hrólfur Ölvisson,
framkvæmdastjóri Framsóknarflokksins,
hefði þrívegis fundað með sér undir því
yfirskini að menn tengdir flokknum vildu
kaupa DV. Þar sagði enn fremur: „Ólafur
var beðinn um að taka sæti í stjórn DV að
nýju eftir að nýir eigendur, undir forystu
Þorsteins Guðnasonar, tóku við miðlinum
í september. Hann segir að í kjölfarið hafi
Þorsteinn sagt honum að í bígerð væri stór
sameining DV við annan fjölmiðil. Heimildir
Kjarnans herma að fjölmiðlarnir sem
Þorsteinn hafi áhuga á að sameinast séu
Vefpressan (sem rekur m.a. Eyjuna, Bleikt
og Pressuna), Fréttatíminn og/eða Útvarp
Saga. Einhverjar viðræður hafa átt sér
stað við að minnsta kosti hluta þessarra
fjölmiðla.“
Vegna þessa skal það áréttað að þetta
er rangt hvað Fréttatímann varðar. Blaðið
hefur hvorki tengst slíkum sameiningar-
hugmyndum né meintum viðræðum. - jh
Barist um formennsku
í Norðurlandaráði
Höskuldur Þórhallsson, þingmaður
Framsóknarflokksins, var í gær kjörinn
formaður Norðurlandaráðs. Fyrirfram
var reiknað með því að Höskuldur yrði
nýr formaður Norðurlandaráðs en í fyrsta
skipti fékk forsetaefni Norðurlandaráðs
mótframboð, frá Steingrími J. Sigfússyni,
þingmanni Vinstri grænna. Vísir.is greinir
frá því að Steingrímur hafi orðið að láta í
minni pokann en meðal þeirra sem hann
studdu voru systurflokkar Vinstri grænna
á Norðurlöndum en einnig Róbert Mars-
hall, þingmaður Bjartrar framtíðar, sem
segist ekki geta stutt framsóknarmann til
slíkra trúnaðarstarfa á meðan Framsókn
hefur ekki svarað skýrt fyrir stefnu sína í
málefnum trúfrelsis og byggingar mosku á
Íslandi. - eh
Titancar í Kópavogi alltaf með lægsta verðið
180%
VERðMuNuR á
DEKKJASKiPtuM
á JEPPA MEð
18” álFElGuM
(265/60R18)
E nn sem komið er geta kon-ur á Íslandi ekki látið frysta ófrjóvguð egg. Ég á þó von
á því að við förum að bjóða upp á
þann möguleika, jafnvel strax á
næsta ári,“ segir Þórður Óskars-
son, læknir og annar eigenda
ART Medica – læknastöðvar og
tæknifrjóvgunarstofu. „Það er
fyrst á síðustu árum sem frysting
á ófrjóvguðuðum eggjum er að
verða raunhæfur kostur. Lengst
af var lélegur árangur af því að
frysta ófrjóvguð egg því þau hrein-
lega skemmdust. Hins vegar hefur
lengi verið hægt að frysta frjóvguð
egg sem þá kallast fósturvísar og
við gerum það hér,“ segir hann.
Fyrr í þessum mánuði bárust
fregnir af því að tæknifyrirtæki
á borð við Apple og Google ætli
að bjóða kvenkyns starfsfólki að
frysta úr sér egg til að fresta barn-
eignum og helga sig starfsframan-
um. Fyrirtækin greiða allan kostn-
að við að frysta og geyma eggin,
sem samsvarar allt að tveimur og
hálfri milljón íslenskra króna.
Þórður segist aldrei hafa fengið
beiðni um frystingu á eggjum
vegna starfsframa viðkomandi og
mælir hreint ekki með því. „Þetta
er auðvitað lúxusvandamál og
ekkert sem við myndum gera út á.
Mestar líkur eru á að meðgangan
gangi eðlilega fyrir sig þegar
konur eru ungar og hraustar. Við
myndum ekki hvetja konur til
að fresta barneignum og þannig
óbeint stuðla að erfiðari og hættu-
legri meðgöngu þegar þær verða
eldri,“ segir hann.
Þeim möguleika að frysta
ófrjóvguð egg hér á landi væri
fyrst og fremst beint að ungum
konum sem greinast með alvarlega
sjúkdóma þar sem sjúkdómurinn,
eða meðferð við honum, getur
skemmt eggjaforða konunnar.
„Hingað til hefur eina leiðin verið
að frjóvga eggin fyrst. Þá hafa kon-
urnar ýmist átt maka eða fengið
hefur verið gjafasæði. Það er hins
vegar ekki alltaf ákjósanlegt því
konan er mögulega komin í annað
samband og þá er búið að frjóvga
egg með sæði annars manns. Það
er fyrst og fremst þessi hópur sem
við myndum einbeita okkur að og
sem betur fer er hann ekki stór,“
segir Þórður.
Ýmsir aðrir kostir eru í boði
fyrir fólk vegna frjósemisvanda-
mála og á þeim tíu árum sem ART
Medica hefur starfað hafa að jafn-
aði verið um 450-550 glasafrjóvg-
unarmeðferðir á ári og um 600
tæknisæðingar. „Það hefur farið
vaxandi að einhleypar konur og
samkynhneigðar konur í sambandi
nýti sér þessa þjónustu,“ segir
hann. Þá hefur það færst í aukana
að íslenskar konur gefi egg sem þá
nýtist barnlausum pörum. „Þegar
konur gefa egg þarf oft ekki að
nota öll eggin sem fást og þegar
sá möguleiki verður fyrir hendi
að frysta ófrjóvguð egg nýtist það
einnig í þessu sambandi,“ segir
hann.
Erla Hlynsdóttir
erla@frettatiminn.is
 FrjósEmi Ekki hEFur vErið hægt að Frysta óFrjóvguð Egg hér
Konur geta brátt
fryst ófrjóvguð egg
Þórður Óskarsson, læknir og annar eigenda ARt Medica, vonast til að geta boðið upp á frystingu
ófrjóvgaðra eggja, jafnvel á næsta ári. Erlendis hefur færst í aukana að konur láti frysta egg til að
helga sig starfsframanum en Þórður mælir ekki með því. Markhópur þessarar þjónustu hjá ARt
Medica væri ungar konur sem greinast með alvarlega sjúkdóma sem hafa áhrif á eggjabúskapinn.
læknastofur í Valencia á Spáni eru
taldar standa hvað fremst í rannsóknum
á frystingu ófrjóvgaðra eggja. Eftir egg-
heimtu tekur starfsfólk á rannsóknar-
stofu við vökva úr eggbúum og skoðar
undir smásjá. NordicPhotos/Getty
Þórður Óskarsson, læknir og annar eigenda ARt Medica – læknastöðvar og tæknifrjóvgunarstofu, vonast til að geta boðið upp
á frystingu ófrjóvgaðra eggja jafnvel á næsta ári. ljósmynd/Hari
Í slenska gámafélagið hefur hafið sölu á burðarpokum úr maís og fjölmargar verslanir
bjóða nú upp á þennan umhverfis-
væna valkost við afgreiðslukass-
ana. Þeirra á meðal eru Krónan,
Bónus, Frú Lauga, Kostur, Olís,
Vínbúðin og Lyfja. „Núna eru pok-
arnir sérmerktir frá okkur en versl-
unum býðst að sérmerkja sé pantað
í stærra upplagi,“ segir Jón Þórir
Fransson hjá Íslenska gámafélag-
inu. „Um er að ræða þann poka sem
reynst hefur best á Ítalíu en um 10
ár er síðan verslanir þar hættu að
bjóða plastpoka undir vörur sínar.“
Stóru verslunarkeðjurnar
munu þó ekki taka plastið úr
umferð í bráð. „Eins og er
vilja verslanir fá reynslu á
pokana og viðbrögð
frá neytendum áður
en farið er í að sér-
merkja og panta í
stóru upplagi,“ seg-
ir Jón Þórir. Guð-
mundur Marteinsson,
framkvæmdastjóri
Bónus, tekur í sama
streng. „Við þurfum að
fá reynslu á þetta og ef
hún verður góð, eins og
við auðvitað vonum, þá verðum við
fljót að skipta plastinu út fyrir
maíspokana.“ Það lít-
ur þó ekki út fyrir að
við munum fá að sjá
gula pokann með
bleika grísnum fara
úr plasti í maís í
bráð.
„Það er ekki
hægt eins og
staðan er í
dag því það
er ekki um-
hver f isvænt að
setja litarefni í pokana,“
segir Guðmundur, „en þróunin á nú
samt vonandi eftir að verða hröð í
þeim efnum.“ Hann bætir því við
að viðbrögð neytenda við fjölnota
pokunum í Bónus hafi farið fram úr
björtustu vonum. „Það eru komnir
yfir 100.000 fjölnota pokar í umferð
og plastpokanotkun hefur minnkað
í takt við það.“ -hh
Fjölmargar verslanir bjóða nú upp
á nýja maíspoka frá Íslenska gáma-
félaginu við kassana. Stóru verslunar-
keðjurnar vilja fá jákvæð viðbrögð
við pokunum frá neytendum áður en
plastið verður tekið úr umferð.
Yfir 100.000 fjölnota Bónuspokar seldir
Allt að 9.000 krónu verðmunur er á þjónustu við dekkja-
skipti fyrir jeppa af stærri gerðinni með álfelgur af
stærð 265/60R18. Þetta kemur fram í verðkönnun sem
verðlagseftirlit ASÍ gerði hjá 27 hjólbarðaverkstæðum
víðsvegar um landið þann 27. október. N1 var oftast með
hæsta verðið á þjónustunni en titancar í Kópavogi var
alltaf með lægsta verðið. Mestur verðmunur í könnuninni
var á þjónustu við dekkjaskipti á jeppa með 18 tommu
álfelgur (265/60R18) sem var ódýrust á 5.000 kr. hjá
titancar en dýrust á 14.010 kr. hjá N1. Verðmunurinn var
9.010 kr. eða 180%. - eh
2 fréttir Helgin 31. október-2. nóvember 2012