Þjóðlíf - 01.02.1990, Blaðsíða 39

verið kallaður pólitískur fóstursonur
Brandts. í viðtalinu við Þjóðlíf í október,
sagði Oskar Lafontaine að rekja mætti
breytingarnar fyrir austan til slökunar-
stefnu Brandts og mærði þennan vin sinn
enn frekar. Hann væri þekktastur þýskra
stjórnmálamanna erlendis „af því að hann
stendur á grundvelli persónulegrar sögu
sinnar, sem táknmynd fyrir lýðræðislegt,
félagslegt og friðsamlegt Þýskaland í
heiminum“.
í Vestur—Þýskalandi er kosningabar-
áttan háð samhliða mögnuðum þjóðfélags-
hræringum í Austur-Þýskalandi, sem hafa
mikil áhrif á hvunndagspólitík vestan
megin. Á næstu mánuðum munu sósíal-
demókratar undir forystu Oskars Laf-
ontaines etja kappi við kristilega demó-
krata undir forystu Helmuts Kohls. Skoð-
anakannanir eru misvísandi um
sigurvegara. Kosningabaráttan gæti
breytt miklu á báða vegu. Svarið fæst í
desemberkosningunum næsta vetur.
-óg
Oskar Lafontaine í viðtali við Þjóðlíf í Islandsheimsókn hans sl. haust.
Jafnaðarmenn munu reyna að afla
stefnu sinni fylgis með kosningapró-
gramminu „Framfarir 90“, en Oskar Laf-
ontaine átti drjúgan hlut að smíði þess.
Þar er talað um „náttúrlega umbyltingu“
iðnaðarþjóðfélagsins. I þágu umhverfis-
verndar á að leggja nýja skatta á orku og
efni, sem valda mengun, alls um 32.8
milljarða marka, en á móti kemur að
launa- og tekjuskattur á að lækka um 15
milljarða.
Áætlanir Oskars Lafontaines í um-
hverfismálum eru ekki alls staðar jafn vel
séðar í hans eigin flokki. En þær hafa hins
vegar fengið æ betri hljómgrunn. í viðtali
við Þjóðlíf (10. tbl.1989) lýsti hann þeirri
skoðun sinni að Evrópubandalagið og
Nató verði að taka mið af viðfangsefni
nýrra þjóðfélagshreyfinga; umhverfis-
vernd og afvopnun. Þessi bandalög séu
verkfæri til að bæta mannlífið og umverf-
ið. Þar lýsti hann einnig yfir stuðningi
sínum við frumkvæði íslendinga á vett-
vangi Nató um afvopnun á höfunum.
Oskar Lafontaine útilokar ekki sam-
stjórn sósíaldemókrata með neinum flokki
nema Repúblikönum í Þýskalandi. í
kosningabaráttunni mun hann njóta góðs
af samvinnunni innan hópsins um „Fram-
farir 90“, þar sem er t.d. Ingrid Matt-
haus-Maier fjármálaráðherra í skugga-
ráðuneyti Lafontaines. Mikilvægasta
hjálparhella kanslaraefnisins verður hins
vegar hinn 76 ára gamli Willy Brandt, sem
er vinsælli en nokkru sinni eftir bylting-
una í Austur-Þýskalandi. Oskar hefur oft
ÞJÓÐLÍF 39