Þjóðlíf - 01.02.1990, Page 77

sett upp. Krakkar á okkar aldri eru farnir
að sjá í gegnum auglýsingar, þ.e. að þær
eru bara gerðar til að selja.“
Valur, sem er mikill fótboltaáhugamað-
ur, segist varla skilja hvers vegna Ásgeir
Sigurvinsson er látinn dreifa súkkulaði til
nokkurra drengja í hálfleik. „Það sér það
hver einasti heilvita fótboltamaður að
súkkulaði er vont, bæði í munn og maga í
miðjum fótboltaleik. Þessi uppseming á
auglýsingu er ekki til að gefa gott for-
dæmi. Yngri strákar láta kannski blekkj-
ast vegna þess að þarna er frægur maður í
aðalhlutverki.“
Hvers konar auglýsingar haldið þið að
hafi mest áhrif á ykkur og jafnaldra ykk-
ar?
>,Það er sjaldan sem manni dettur í hug
að fara strax út í búð til að kaupa þá vöru
sem hefur verið auglýst í sjónvarpinu.
Kannski fer maður fyrir forvimi sakir til
að skoða, en treystir ekki öllu því sem sagt
er fyrr en maður hefur sjálfur skoðað vör-
una. Aftur á móti er smökkun í stórmörk-
uðum nokkuð áhrifamikil. Ef mat- eða
drykkjarvaran er góð, þá kaupir maður
hana eða biður foreldra sína að kaupa hana
til að prófa enn meira. Þó svo að við látum
ekki glepjast af auglýsingum í sjónvarpi þá
er oft gaman að horfa á þær sem eru fyndn-
ar og ósjálfrátt síast þær inn í mann. Áhrif-
in minnka ef grínið er allt of mikið og
ofleikið. Okkur finnst t.d. gaman að sjá
Sigga Sigurjóns leika í auglýsingum, en
við höfum kannski ekki hugmynd um
hvaða vöru er verið að auglýsa.“
Hafið þið einhvern tíma orðið vör við
auglýsingar þar sem vísvitandi er verið
að blekkja krakka?
„Ég man eftir einni þar sem bílar fóru af
stað þegar þeir voru fylltir af vatni,“ segir
Valur. „En það kom hvergi fram í auglýs-
ingunni að þeir gengju fyrir batteríum. Ég
hef líka séð á mörgum pökkum, t.d. utan
um Playmo-leikföng sem yngri bróðir
minn notar mikið, að þar eru sýndir alls
konar hlutir sem ekki eru inni í pakkan-
um. Þar er kannski bara einn kall, en
myndin sýnir hann t.d. fyrir utan bensín-
stöð og fullt af löggum í kring.“
Haldið þið að nafn á vöru hafi einhver
áhrif, ef það þykir fínt eða er erlent?
Þau kváðust ekki hugsa mikið út í það.
Aðalatriðið væru gæði vörunnar. „En oft
er reynt að selja vöruna bara út á nafnið;
orð sem kannski enginn skilur,“ segir
Hrafnhildur. Valur nefnir þá kókómjólk-
ina sem er í „slim“-umbúðum og segir að
nafnið sé „töff ‘ og hafi örugglega áhrif á
söluna. Hrafnhildur og Geirþrúður voru
þó ekki sammála um það að það væri
„töff‘, það væri hallærislegt.
Vita þau þá hvað enska orðið „slim“ þýð-
ir?
Nei, það höfðu þau ekki hugmynd um.
„Jaaá, auðvitað, umbúðirnar eru mjóar,“
sögðu þau hálfundrandi þegar þeim var
sagt frá merkingu orðsins.
Nú eru jólin nýafstaðin með öllum aug-
lýsingunum sem þeim fylgja. Höfðu þau
óskað sér einhvers sem þau sáu auglýst?
„Nei, ekki beint enda eru auglýsingar
ekki gerðar til að láta okkur kaupa, heldur
er verið að tala til fullorðinna. Þeir láta
glepjast og ímynda sér hvað börn vilja fá í
jólagjöf," sagði Geirþrúður. „Það er ein-
faldlega búið að prenta því inn í þá hvað sé
í tísku og oft er þetta eitthvað sem mann
langar ekkert í.“
0
ÞJÓÐLÍF 77