Frjáls verslun - 01.09.2013, Blaðsíða 102

102 FRJÁLS VERSLUN 8-9. 2013
RannVEig RiST, foRSTJóRi Rio TinTo alcan STRauMSVíK
Endurheimta traust
1. Hvað ertu ánægðust með í
íslensku atvinnulífi um þessar
mundir?
Framtakssemi og áræði at ­
hafnafólks á mörgum sviðum.
En vandamál er þó enn hve
margir halda að sér höndum og
bíða átekta.
2. Ríkisútgjöld í fjárlaga­
frum varpinu fyrir árið 2014
eru áætluð þau sömu og á
þessu ári. Ertu sátt við þá
niðurstöðu?
Þau dragast reyndar saman á
föstu verðlagi. Mögulega hefði
mátt ganga eitthvað lengra í
aðhaldi en meiru skiptir þó
að útgjöldin fari ekki umfram
heimildir fjárlaga eins og oft
gerist, og að áætlanir um tekjur
reynist raunhæfar. Við þurfum
að gæta að því að halda vel
uppi þeirri þjónustu sem er
hluti af grunni samfélagsins en
mér finnst nokkuð skorta á að
traust og sátt ríki um þá þætti í
þjóðfélaginu
3. Núna eru fimm ár liðin frá
hruninu. Hvaða væntingar
hefur þú til næstu tveggja ára?
Ég vona að íslenskt efnahagslíf
endurheimti það traust bæði
innanlands og á al þjóða vett ­
vangi sem er forsenda við skipta
og þar af leiðandi auk innar
velmegunar.
4. Áttu von á auknum fjár ­
festingum í íslensku atvinnu ­
lífi á næstunni?
Við í Straumsvík höfum
staðið fyrir stærstu fjárfestingu
á Íslandi frá hruni eða sem
nemur nú þegar yfir fimmtíu
milljörðum, þar af um sex
milljörðum á þessu ári. Nú
er þeim verkefnum að ljúka.
Almennt hafa fjárfestingar á
Íslandi verið í slíku lágmarki að
það er erfitt að spá öðru en að
þær aukist eitthvað.
5. Hver verða forgangsverkefni
þíns fyrirtækis á næstu sex
mánuðum?
Heilbrigðis­, öryggis­ og
umhverfismál eru alltaf í mest ­
um forgangi hjá okkur. Að öðru
leyti einbeintum við okkur að því
að fylgja eftir kostn aðaraðhaldi
í ljósi hall arekstr ar og í öðru lagi
að ljúka uppsetningu á nýrri
fram leiðslulínu sem gerir okkur
kleift að skipta alfarið yfir í
verð mætari afurðir á fyrri hluta
næsta árs.
6. Skuldavandinn hefur tekið
mestan tíma frá stjórnendum
síðustu árin en hver eru helstu
verkefni stjórnenda núna?
Það er væntanlega misjafnt
eftir fyrirtækjum og greinum
en almennt hlýtur að vera mik­
il áhersla á að ná áfram því
besta út úr fólki við krefjandi
aðstæður.
7. Ertu með eitt gott ráð handa
stjórnvöldum?
Samstarf við erlenda fjárfesta
skapar mikil umsvif og dýr ­
mætar gjaldeyristekjur fyrir
Ísland en til að svo megi áfram
verða þarf að styrkja laskað
orðspor landsins með því að
leikreglur séu skýrar og staðið
við fyrirheit og samninga.
„Við í Straumsvík
höfum staðið fyrir
stærstu fjárfestingu
á Íslandi frá hruni
eða sem nemur nú
þegar yfir fimmtíu
milljörðum.“
Rannveig Rist.