Frjáls verslun - 01.09.2013, Qupperneq 31

FRJÁLS VERSLUN 8-9. 2013 31
Hann er í lykilstöðu á alþjóðlegum lyfja ­mark aði en segir að hjart að slái samt alltaf á Íslandi. Sigurður Óli Ólafsson hefur
sem atvinnustjórnandi náð meiri frama
en flestir aðrir Íslendingar. Hann stýrir
samheitalyfjasviði Actavis á alþjóðavísu,
í 62 löndum. Actavis hefur gengið í gegn­
um ótrúlegar umbreytingar og vöxt á
tiltölulega skömmum tíma og er nú skráð
á hlutabréfamarkaði í New York, Wall
Street, og er markaðsvirði þess um 1.600
milljarðar kr. Ferlið hófst fyrir rúmu ári
þegar bandaríska lyfjafyrirtækið Watson
Pharmaceuticals keypti Actavis Group og
var um stærstu fyrirtækjaviðskipti á Íslandi
að ræða. Ákveðið var að notast við Actavis­
nafnið, enda það mjög þekkt á alþjóðavísu,
yfir hið sameinaða fyrirtæki. Nýlega var
síðan gengið frá kaupunum á írska fyrir ­
tækinu Warner Chilcott og í framhaldi af
því ákveðið að skrá formleg heimkynni
þess á Írlandi en þar eru skattar á fyrirtæki
mun hagstæðari en í Bandaríkjunum. Auk
þess sem Actavis er með kaupunum að
fara meira inn á braut einkaleyfisverndaðra
lyfja sem Warner Chilcott er með.
Sigurður Óli var forstjóri Actavis árin
2008­2010 en réðst þá til Watson Pharma ­
ceuticals og þegar Watson keypti síðar
Actavis varð Sigurður Óli yfirmaður sam ­
heitalyfjasviðs hins sameinaða fyrir tækis. Á
þessu breytingaskeiði má segja að Sigurður
Óli hafi lengst af verið í lykilhlutverki innan
fyrirtækisins endan hokinn af reynslu eftir
um tveggja áratuga störf innan lyfjafram ­
leiðslugeirans, bæði hér heima og erlendis.
Aðsetur Sigurðar Óla er í stjórnstöð
Actavis í New Jersey. Þegar hann gerði hér
stuttan stans ekki alls fyrir löngu settist
Frjáls verslun niður með honum til að fá
hann til að fara yfir lyfjafram leiðslu mark ­
aðinn í heiminum um þessar mundir. Fyrst
var Sigurður þó spurður hvað það þýddi
raunverulega að vera kominn í stjórn
Actavis plc.
„Fyrst og fremst það að stjórnir félaga
sem skráð eru á markaði í Bandaríkjunum
hafa stærra hlutverk en víða tíðkast vegna
hins stranga regluverks sem fyrirtæki á
hluta bréfamarkaðnum þar ytra þurfa að
upp fylla. Auðvitað er viss upphefð að fá
TexTi: bJörn ViGnir siGurpálsson / Myndir: Geir ólafsson
Hann er í lykilstöðu á alþjóðlegum lyfjamarkaði. Sigurður Óli
Ólafsson hefur líklegast náð meiri frama sem atvinnustjórnandi en
nokk ur annar Íslendingur í hinum harða heimi alþjóðaviðskipta.
Hann stýrir samheitalyfjasviði Actavis á alþjóðavísu, í 62 löndum,
og ný lega settist hann í 13 manna stjórn samstæðunnar. Þess má
geta að Actavis á Íslandi er með stærstu fyrirtækjum landsins.
Hjartað slær á Íslandi
Sigurður Óli Ólafsson: