Frjáls verslun - 01.09.2013, Side 35

FRJÁLS VERSLUN 8-9. 2013 35
saman hefur verið hægt að byggja upp
hóp af hæfileikaríku fólki með því að vera
svona stór og ganga svona vel, því að þá
vill fólk koma til starfa hjá okkur.
Tækifærin í rekstrinum hjá okkur eru held ég ennþá næstu þrjú til fjögur árin í samheitalyfjunum en eftir það má alveg gera ráð fyrir
að það fari að hægja á þeim því að það eru
færri og færri frumlyf að koma á markað.
Það verða tæpast 30 til 35 frumlyf sem
koma á markað eftir þrjú ár, frekari á bilinu
15 til 20 en þau verða hugsanlega flóknari.
Þá taka við næstu skrefin í vextinum og
það eru þessi einkaleyfisvernduðu lyf.
Við erum þannig að horfa fram til 2020
og reiknum þá með að samheitalyfin
muni drífa vöxtinn næstu tvö til þrjú
árin, þá taka einkaleyfisvernduðu lyfin
við og 2017­2018 koma þessi líftæknilyf,
þessi samheitalíftæknilyf, en þar erum
við að vinna með Amgen, sem er eigandi
Ís lenskrar erfðagreiningar í dag. Hvort
fyrirtæki hefur lagt fram 400 milljónir
dollara eða alls 800 milljónir dollara til
að þróa bara fjögur lyf þannig að kostn­
aðurinn við þessa þróun er mjög hár.
Þessi lyf, frumlyfin, eru það dýr í dag að
sjúklingar í mjög mörgum löndum hafa
ekki efni á þeim, m.a. hér á Íslandi, þar
sem er mjög takmörkuð notkun á þeim. En
þegar samheitalyf þeirra koma á markað
opnast tækifæri til að nota þau í meira
mæli. En svona er þessi lyfjamarkaður.
Menn verða að horfa sex til átta ár fram
í tímann, þar sem eitt tekur við af öðru, og
haga fjárfestingunni í samræmi við það.
Actavis fjárfestir þannig miklu minna í svona
einföldum hylkjum og töflum í dag en meira
í plástrum og svona tæknilega erfiðum lyfja­
f ormum því að þar liggja verðmætin tl að
byggja upp fyrirtækið frekar.
Það er síðan mismunandi eftir löndum
hvaða lyf seljast mest. Hvert og eitt land
innan Actavis er eiginlega sérfyrirtæki og
við lögum okkur að markaðsaðstæðum á
hverjum stað. Samheitalyfjavelta Actavis
í Bandaríkjunum er til að mynda um það
bil fjórir milljarðar dollara á ári. Þar er ég
með fjóra sölumenn og hver þeirra selur
þannig fyrir um einn milljarð dollara. Fari
ég síðan til Búlgaríu erum við þar stærsta
fyrirtækið á lyfjamarkaðinum og má rekja
það allt aftur til daga Björgólfs Thors í
Balkanpharma. Þar erum við með 300
sölumenn en ólíkt minni veltu.
Í Bretlandi aftur á móti erum við næst ­
stærstir á markaðinum og gengur geysilega
vel en erum þar með enga eiginlega sölu ­
menn en mjög mikla veltu. Erum með
verksmiðju í Barnstaple, vestur af London,
sem framleiðir um sex milljarða taflna á
ári. Við, sem sagt; stjórnum hverjum og
einum markaði eins og hentar þeim mark ­
aði. Breytist heilbrigðiskerfið eða endur ­
greiðslukerfið í einhverju landinu, þá
breyt um við okkar starfsháttum.
Í Bandaríkjunum til dæmis erum við að
selja geysilega mikið af getnaðar varnar ­
töflum, erum stærsti framleiðandinn á
því sviði í landinu, erum með 33 tegundir
á markaðinum. Einhverjum þykir með
ólíkindum að það skuli þurfa 33 tegundir
en í Bandaríkjunum er þetta staðreynd, það
þarf sérhæfða framleiðslu og ekki er leyfð
Sigurður Óli
Nafn: Sigurður Óli Ólafsson.
Fæddur: Í Reykjavík árið 1968.
Maki: björg Harðardóttir.
börn: Tvö.
Starf: Frkvstj. samheitalyfjasviðs
Actavis á alþjóðavísu. Undir
hann heyra níu þúsund
starfsmenn.
Menntun: Lyfjafræðingur frá Háskóla
Íslands 1993.
Ferill: Omega Farma, Pfizer,
Actavis Group, Watson og
Actavis.
Forstjóri Actavis Group
2008-2010.