Frjáls verslun - 01.09.2013, Blaðsíða 110

110 FRJÁLS VERSLUN 8-9. 2013
„Það eru mörg brýn
verkefni sem hæglega
mætti setja meira
fjármagn í en á móti
eru önnur sem draga
mætti úr og þar er
helst að nefna að
alltof mikið fer í
vaxtagjöld.“
1. Hvað ertu ánægðastur með í
íslensku atvinnulífi um þessar
mundir?
Mikill kraftur hefur einkennt
ferðaþjónustuna undanfarin
misseri og henni hefur tekist vel
upp. Þótt fara verði með gát á
því sviði eins og öðrum er þessi
mikli vöxtur í heild jákvæður.
Sjávarútvegurinn skilar miklum
gjaldeyri í hús, sem er mjög
mikilvægt. Almennt er staðan að
batna hjá fyrirtækjum, skuldir
og vanskil fara lækkandi og
fjárhagsleg endurskipulagning,
þar sem það á við, að skila sér
með jákvæðum hætti í flestum
tilvikum.
2. Ríkisútgjöld í fjárlagafrum­
varpinu fyrir árið 2014 eru
áætluð þau sömu og á þessu
ári. Ertu sáttur við þá niður­
stöðu?
Mikilvægt er að endar nái
saman og því ánægjulegt að
frumvarpið er þannig lagt fram.
Það eru mörg brýn verkefni
sem hæglega mætti setja meira
fjármagn í en á móti eru önnur
sem draga mætti úr og þar er
helst að nefna að alltof mikið fer
í vaxtagjöld. Fara þarf í stærri
og djúpstæðari aðgerðir til að
draga hratt úr skuldum og spara
þannig vaxtagreiðslur og í því
sambandi gæti ríkið t.d. selt
hluti í Landsbankanum.
3. Núna eru fimm ár liðin frá
hruninu. Hvaða væntingar
hefur þú til næstu tveggja ára?
Það er margt sem má nefna.
Mikilvægast er að afnema fjár­
magnshöft eins hratt og hægt
er. Jafnframt þarf að varða
veginn fyrir vaxtarskeið á Ís­
landi með skýrri stefnumótun
og öruggri framkvæmd, klára
skuldaaðgerðir fyrir þau heimili
sem verst standa, lækka skuldir
ríkissjóðs, skapa aðstæður fyrir
nýsköpun og auka framleiðni
og fjárfestingu þannig að sam­
keppnisstaða íslenskra fyrir­
tækja batni og um leið staða
þjóð arinnar. Þetta eru raunhæf
verk efni næstu tveggja ára.
4. Áttu von á auknum fjár­
festingum í íslensku atvinnu­
lífi á næstunni?
Stefna Landsbankans er að
vera hreyfiafl og að nýta sterka
stöðu bankans til að styðja við
góð viðskiptatækifæri. Bank inn
hefur á síðustu árum mark­
visst unnið að því að aðstoða
fyrirtæki við að koma fjár fest­
ingu í gang og má t.d. nefna
ýmsar aðgerðir til að styðja við
ferðaþjónustuna. Við sjáum
merki þess að fjárfestingar
eru að aukast og er ástæða til
nokkurrar bjartsýni í því sam­
bandi, sérstaklega ef vel tekst
til við að draga úr óvissu og
ýmsum neikvæðum þáttum
hrunsins sem enn hafa of mikil
áhrif, svo sem fjármagnshöftum.
5. Hver verða forgangsverkefni
þíns fyrirtækis á næstu sex
mánuðum?
Eins og alltaf er forgangs­
verkefni að bæta stöðugt þjón­
ustu við okkar viðskiptavini
og við stefnum að sjálfsögðu
að því að áfram séu viðskipta­
vinir Landsbankans ánægð­
ustu viðskiptavinir fjármála­
fyrirtækja í landinu. Af öðr um
brýnum verkefnum má nefna
leiðréttingu endur reiknings
og fjárhagslega endur­
skipulagningu þar sem hennar
er enn þörf. Þessu ætlum við
að ljúka á næstu mán uðum.
Auk þess þurfum við að
semja við gamla bankann um
skuldbreytingu, ekki síst til að
styðja við afnám fjármagns ­
haftanna.

6. Skuldavandinn hefur tekið
mestan tíma frá stjórnendum
síðustu árin en hver eru helstu
verkefni stjórnenda núna?
Landsbankinn hefur skýra
stefnu og framtíðarsýn, sem
er öllum aðgengileg á ytri
vef bankans, og snúast verk­
efnin á hverjum tíma um
að koma áherslum stefn ­
unnar í framkvæmd. Núna
er áherslan í auknum mæli
á að auka skilvirkni og hag­
kvæmni bankans en sam­
hliða að fara fram af ábyrgð í
markaðs starfinu með áherslu
á virðisaukandi þjónustu fyrir
viðskiptavini. Ein birtingar­
mynd þess er sú byltingar­
kennda breyting sem gerð
verður á útibúi bankans í
Vestur bæ Reykjavíkur, en þar
munum við hætta að afgreiða
reiðufé, hætta með sérstakar
gjald kerastúkur, auka sjálfvirkni
almennra bankaviðskipta en
bjóða þess í stað upp á ítar ­
legri fjármálaráðgjöf af hálfu
starfsmanna. Við munum nýta
okkur reynsluna af þessari
breytingu til að þróa starfsemina
áfram.
7. Ertu með eitt gott ráð handa
stjórnvöldum?
Sparið vaxtaútgjöld með
skulda lækkun ríkissjóðs og
beinið því fjármagni frekar til að
við halda öflugum grunnstoðum
í sam félaginu.
STEinþóR PálSSon, BanKaSTJóRi landSBanKa
Ástæða til bjartsýni
Steinþór Pálsson.