Víkurfréttir - 16.02.2012, Blaðsíða 22

22 FIMMTUdagUrInn 16. FEBrúar 2012 • VÍKURFRÉTTIR
Jón Björn Ólafsson
er að ryðja sér til rúms
sem einn af helstu
körfuboltaspekingum
á Íslandi enda er hann
ritstjóri og stofnandi
vefsíðunnar Karfan.is
sem er vinsæl meðal áhugamanna
um íþróttina. Við fengum Jón til
að spá í spilin varðandi helgina.
Keflavík – Tindastóll
„Vert verður að fylgjast með
Va l O r r a Va l s s y n i s t j ór n a
Keflavíkurliðinu í sínum fyrsta
bikarúrslitaleik í meistaraflokki.
Valur Orri er sigursæll leikmaður
úr yngri flokkum en er nú kominn
upp á stærsta sviðið hér heima
og fróðlegt að sjá hvernig einn af
efnilegustu leikmönnum landsins
spjarar sig við svona aðstæður. Allar
líkur eru á því að Jarryd Cole ætti
að geta fundið sig vel í þessum leik,
stóru leikmenn Tindastóls munu
lenda í vandræðum með Cole ef
hann mætir í sparigallanum eins og
í leiknum gegn KR. Maður leiksins
er svo að sjálfsögðu Magnús Þór
Gunnarsson, honum mun líða
best allra þarna í Höllinni og
reynast Keflvíkingum mikilvægur
enda með stáltaugar og gríðarlega
reynslu. Keflavík gæti lent í
vandræðum með Maurice Miller,
þó gætum við séð Charlie Parker
dekka hann, það gekk vel að hafa
Parker á Brown í KR leiknum svo
Sigurður þjálfari gæti brugðið á
það ráð að setja stóran skotbakvörð
á leikstjórnanda Tindastólsmanna,
sjáum til.
Miðað við fyrri leiki Keflavíkur
og Tindastóls á leiktíðinni þá
verður Keflavík bikarmeistari en
ég er búinn að veðja við Guðjón
Skúlason og auðvitað fékk Guðjón
að veðja á sína menn, ég held því
með Tindastól á laugardag enda
eru bílþrif í boði fyrir sigurvegara
veðmálsins.
Guðjón, þú Mjallar-bónar bílinn
minn – ég verð með græjurnar
með mér í Laugardalnum!“
Njarðvík – Snæfell
„Til þessa hafa Njarðvíkingar
unnið alla þrjá deildarleiki sína
gegn Snæfelli. Eru grænar með tak
á Hólmurum, mögulega, en þegar
út í svona leik er komið er oftar en
ekki margt annað sem ræður för
eins og t.d. einfaldlega stærðin og
sú athygli sem þessi skemmtilegasti
leikur ársins fær. Njarðvík fór síðast
í Höllina fyrir tíu árum en Snæfell
er þar í fyrsta sinn, tefla samt fram
mjög reyndum leikmönnum í
Öldu Leif og Hildi Sigurðardóttur
en Njarðvíkingar eiga einnig sína
reynslubolta í Petrúnellu og Ólöfu
svo liðin eru ansi áþekk að þessu
leyti.
Ég býst við því að þetta verði leikur
hinna stóru skota og þar muni
Petrúnella njóta sín sem og Alda
Leif. Erlendu leikmennirnir verða
iðnir við að klekkja hver á öðrum
og því stendur þessi leikur og fellur
með þeim íslensku leikmönnum
sem stíga munu upp.
Njarðvík f innst mér líklegri
s igur vegari að þessu s inni,
hreinlega því Snæfell hefur ekki
tekist að vinna þær í vetur, “
sagði Jón Björn og bætti við:
„Verið dugleg gott fólk við að
líta inn á Karfan.is, Korfubolti.
net og Leikbrot.is – ódrepandi
sjálfboðavinna við að færa ykkur
allt það helsta frá körfuboltanum!
Stórt LÆK á það.“
Önnu Maríu Sveins­
dóttur þarf vart að
kynna fyrir aðdáend-
um körfubolta en hún
er einn sigursælasti
körfuknattleiksmað-
ur Íslands frá upphafi.
Hún gerði garðinn frægan hér á
árum áður íklædd Keflavíkurtreyj-
unni.
Keflavík – Tindastóll
Ég hef fulla trú á því að Keflavík
vinni þennan titil í ár, það er allt of
langt síðan við vorum þarna síðast
og þá lágum við fyrir Grindavík
þannig að hungrið er klárlega
til staðar hjá mínum mönnum.
Maður leiksins verður Magnús
Þór Gunnarsson frændi minn og
stórskytta en annars snýst þessi
leikur ekki um einn mann heldur
liðið. Ef Keflavíkurliðið spilar
saman sem lið þá er ekkert lið sem
stoppar okkur!
Njarðvík – Snæfell
Þetta verður held ég skrítinn
leikur. Ég held að það verði mikil
barátta í báðum liðum og það
komi niður á gæðum leiksins
enda mikið í húfi. Ég hef einhvern
veginn tilfinningu fyrir því að
Njarðvík fari með bikarinn heim
úr Höllinni í ár. Þær fóru erfiðu
leiðina í úrslit og kláruðu tvo
síðustu leiki í framlengingu þannig
að ég hef trú á Sverri vini mínum
og stelpunum hans. Ég held ég spái
ekki um mann leiksins í þessum
leik en það skiptir gríðarlegu máli
fyrir Njarðvík að Petrúnella spili
vel og eins verður Hildur að vera
til staðar fyrir Snæfell, þá getur allt
gerst. Annars verður þetta barátta
útlendinganna í þessum liðum, nú
mæðir mikið á þeim.
Annars vona ég bara að fólk
fjölmenni í Höllina þetta eru
klárlega skemmtilegustu leikir
ársins og það er ekkert eins gaman
eins og að fara með bikar heim
úr Höllinni, trúið mér,“ sagði hin
sigursæla Anna María að lokum.
Eva Stefánsdóttir
var ein af leikmönn-
um Njarðvíkinga sem
komust í bikarúrslita-
leikinn fyrir 10 árum
síðan og hún hefur
trú á því nú takist
stelpunum að koma með bikarinn
heim.
Keflavík – Tindastóll
Spái Keflavík sigri 85-80. Reynslan
segir að þeir muni standast
pressuna betur en Tindastólsmenn
sem hafa minni reynslu af
úrslitaleikjum í Höllinni. Fylgjast
skal vel með Magga Gunn sem
nærist á svona úrslitaleikjum.
Njarðvík – Snæfell
Leikurinn fer 69-65 fyrir Njarðvík
að sjálfsögðu. Njarðvík hefur haft
betur í fyrri viðureignum þessara
liða í deildinni og ég er búin að
sjá miklar framfarir í liðinu í vetur
og baráttu sem mun skila sigri á
laugardaginn að mínu mati.
Petrúnella á eftir að koma sterk inn
ásamt báðum erlendu leikmönn-
unum. Þær þrjár eru burðarásar
liðsins. Reyndar hafa allir leik-
menn liðsins tekið miklum fram-
förum í vetur undir stjórn frábærs
þjálfara.
Joey D. Bianco er
einn af allra hörðustu
stuðningsmönnum
Keflvíkinga og spáir
báðum Reykjanes-
bæjarliðunum sigri á
laugardaginn.
Njarðvík – Snæfell
Ég ætla að sjálfsögðu að peppa
nágranna okkar í Njarðvík og minn
mann Sverri Þór (ekki Sveppa
krull!) og vona að stelpurnar
klári þennan leik og við tökum
tvöfalt sigurpartý í Reykjanesbæ á
laugardagskvöldið.
Ætla að spá þessu 88-86 fyrir
Njarðvík. Kanarnir verða öflugir
hjá Njarðvíkingum og ég vil sjá
hana Ólöfu Helgu taka nokkrar vel
séðar rispur í leiknum, en hún á
þann magnaða afmælisdag 24. maí
eins og ég, þannig að maður verður
að sjálfsögðu að peppa stelpuna.
Keflavík – Tindastóll 97­82
Maggi Gunn verður „on fire“
enda maður stórleikjanna og
smellir niður 5-7 þristum. Allt
Keflavíkurliðið verður „on“ á
laugardaginn og þetta verður bara
vonandi hörku leikur og öflug
stemning í stúkunni.
Stólarnir eru sýnd veiði en ekki
gefin, en við erum í körfu og þar
veiða menn lítið, kannski helst
villur, en þeir eru með hörku lið og
þá má alls ekki vanmeta.
Svo væri nú ekkert leiðinlegt að sjá
minn mann úr Offside hann Sidda
litla Síðsen (Sigurð F Gunnarsson)
koma inn á með látum og taka
nokkrar sveiflur.
En þetta verður Kef City sigur,
bæði á velli sem og í stúku!
Ps. Stuðningsmenn Kef lavíkur
munu hittast á Ölver fyrir leik og
peppa sig saman, menn eru að
stefna á að mæta á milli 13 og 14 og
verða flott tilboð á ölbert, burger og
gosi fyrir alla Keflvíkinga sem mæta
í bláu. Einnig verða fríar rútuferðir
í bæinn. ÁFRAM KEFLAVÍK !
Keflavíkurkirkja
Kynningarfundur
um Alfa námskeið verður í Kirkjulundi
kl. 19.30 í kvöld fimmtudaginn
16. febrúar.
Allir velkomnir.
Rétturinn veisluþjónusta - Hafnargötu 51
Reykjanesbæ - Sími: 421 8100 - retturinn@retturinn.is
www.retturinn.is
Rétturinn veisluþjónusta leitar eftir kraftmiklu
starfsfólki í dagvinnu frá 8-4 virka daga
Þarf að vera vant afgreiðslu og eldhússtörfum og
getað unnið sjálfstætt, reyklaust, hresst og kátt o.sv.frv.
Upplýsingar gefur Magnús í síma 421 8100
eða retturinn@retturinn.is

ATVINNA
AÐALFUNDUR
MÁNA
Framhaldsaðalfundur Hestamannafélagsins Mána
verður haldinn þann 23. febrúar í félagsheimili
Mána að Mánagrund og hefst kl. 20:00.
Dagskrá: Venjuleg aðalfundarstörf
Kveðja,
stjórn Mána
Sérfræðingar spá í spilin
Kærustupar
í Höllinni
Mun aldrei styðja Keflavík
Eyrún Sigurðardóttir og Valur Orri Valsson
leikmaður Keflvíkinga hafa verið saman í tæp
4 ár en hann lék með Njarðvíkingum um
skeið þegar hann var 14 ára gamall. Eyrún
segist ætla að horfa á leikinn hjá strákunum
eftir að þeirra leik lýkur en það séu þó ekki
miklar líkur á því að hún styðji Keflavík. „Ég
held að ég muni aldrei styðja Keflavík. Ég
sit alveg Keflavíkurmegin en er ekkert að
klappa eða slíkt. Ég vil að sjálfsögðu að
honum gangi vel en það sama á ekki
við um Keflvíkinga,“ segir Eyrún
og hlær.
Eyrún hefur reynslu af úrslitaleik
í bikarnum í yngri flokkum en
hún segir mikla stemningu
vera á slíkum leikjum. „Ég
held að þetta verði ennþá skemmtilegra núna
og okkur langar mikið til að vinna þetta um
helgina,“ segir hún en þegar hún var að alast
upp þá var Njarðvík ekki með lið um tíma og
titlarnir hafa ekki ratað í hús hjá stelpunum.
Eyrún segir að Njarðvíkingar séu búnar að
bíða lengi eftir því að komast í Höllina en
það hafi verið rætt í upphafi tímabils og mikil
eftirvænting er í hópnum.
Valur Orri hefur verið hvað atkvæðamestur
af ungu leikmönnunum í Keflavíkurliðinu
það sem af er tímabili og fer þessi ungi
leikstjórnandi vaxandi með hverjum leik.
Hann segist ekki vera viss um hvort hann nái
því að horfa á leikinn hjá kærustunni en lið
Keflvíkinga hittist heima hjá móður Magnúsar
Gunnarssonar fyrir leikinn og gæðir sér á
pasta. „Það verður örugglega einhver upphitun
hjá okkur en ég mun líklega ná seinni hálfleik
hjá Eyrúnu,“ segir Valur en hann mun reyna
hvað hann getur að horfa á allan leikinn.
Þekkir vel til á Sauðárkróki
„Þetta er einn leikur þar sem allt er undir.
Þannig eru bikarúrslitaleikir og markmiðið er
að komast í svona leiki þegar maður er kominn
í meistaraflokk,“ segir Valur en hann hefur
einhverja reynslu af því að spila slíka leiki í
yngri flokkum. „Þetta eru skemmtilegustu
leikirnir.“ Valur bjó í 6 ár á Sauðárkróki og lék
1 ár með Tindastóli þegar hann var að stíga sín
fyrstu skref í boltanum.
Valur kveðst vera orðinn spenntur og
segir að það verði alveg geðveikt að koma í
Laugardalshöllina á laugardag.