Víkurfréttir - 16.02.2012, Blaðsíða 23

23VÍKURFRÉTTIR • FIMMTUdagUrInn 16. FEBrúar 2012
útspark Ómar JÓhannsson
Ómar Jóhannsson,
markvörður og
starfsmaður í Fríhöfninni
sparkar pennanum
fram á ritvöllinn.
Nú um helgina er komið að tveimur af stærstu
leikjum ársins í íslenskum körfubolta og ís-
lensku íþróttalífi yfir höfuð. Bikarúrslitaleik-
irnir verða þá spilaðir í Laugardalshöllinni,
vonandi fyrir framan troðfulla stúku af aðdá-
endum sem láta vel í sér heyra. Þetta verða
sannkallaðir landsbyggðarslagir þar sem að
Njarðvík mætir Snæfelli í kvennaflokki á með-
an Keflvíkingar etja kappi við Tindastólsmenn
hjá körlunum. Það sem er litlu landsbyggð-
arliðunum í hag í körfunni er að þú ert ekki
háður því að hafa mjög stóran hóp af afburðar
leikmönnum til að ná ágætis árangri. Tveir
til þrír góðir leikmenn plús heppni með út-
lendinga og þá er liðið þitt tilbúið. Þar er bik-
arkeppnin sérstaklega hagstæð því þar er allt
undir í einum leik. Í úrslitakeppninni þarf að
vinna fleiri leiki og þá getur það skipt sköpum
að vera með stærri hóp.
Ég er svo heppinn að hafa fengið að taka þátt
í bikarúrslitaleik sjálfur. Í fótbolta reyndar,
körfuboltaferillinn minn fór nánast eingöngu
fram í löngu frímínútunum í Myllubakkaskóla.
Einn af mínum stærstu leikjum á ferlinum og
klárlega sætasti sigurinn. 2-0 á móti KR. á
mildum og björtum haustdegi árið 2006. Þá
var bikarleikurinn síðasti leikur ársins sem
hafði mikinn sjarma. Því miður er íslenska
haustveðrið jafn áreiðanlegt og íslenska krón-
an þannig að ég skil vel þá ákvörðun að færa
leikinn fram í ágúst. Spennan var mikil fyrir
leiknum og maður fann greinilega fyrir því í
bænum á dögunum fram að leik. Allir töluðu
um leikinn. Í barnaafmæli, úti í búð, í vinnunni.
Alls staðar var fólk sem vildi ræða leikinn,
hvort sem maður þekkti það eða ekki.
Öll þessi umræða og áhugi fyrir leiknum gerði
það að verkum að maður komst ekki hjá því
að finna spennuna byggjast upp fyrir leikinn.
Nú er ekki svo langt á milli undanúrslitaleikj-
anna og úrslitaleiksins í körfunni en engu að
síður get ég ekki ýmindað mér annað en að
spennan muni vera mikil, bæði hjá leikmönn-
um og stuðningsmönnum. Þegar svo kom að
leiknum hjá okkur var vel mætt og spennan
náði hámarki í stúkunni þar sem gríðarlega
góð stemming myndaðist hjá báðum liðum.
Við vorum svo liðið sem höndluðum pressuna
betur og náðum að sýna okkar bestu hliðar og
stóðum því uppi sem sigurvegarar. Andlegi
þátturinn er alltaf mikilvægur í íþróttum en
í svona leik þar sem allt er undir skiptir hann
meira máli en vanalega. Sá sem nær að not-
færa sér spennuna á jákvæðan hátt stendur
alltaf betur að vígi.
Þar kemur að þætti stuðningsmannsins. Að
finna fyrir öflugum og jákvæðum stuðningi
gerir gæfumuninn. Trúin flytur fjöll og trú-
in vinnur titla. Hrópin, köllin, söngurinn og
klappið ýtir þér áfram og gefur þér kraft. Án
allrar spennunnar og pressunnar, án allra
áhorfendanna og látanna væru bikarúrslita-
leikir bara eins og hver annar leikur. Þess
vegna hvet ég alla sem áhuga hafa á körfubolta
og góðri skemmtun að fjölmenna á leikina á
laugardag og styðja sitt lið. Það er hægt að lofa
því að þarna verða lið sem gefa allt til að vinna.
Ef að fullt af fólki mætir svo líka og hefur helj-
arinnar læti, þá stefnir í partí sem getur ekki
klikkað.
Bikarpartí V i ð l e i t u m a ð
hæfileikafólki
á s k r á
ert þú með menntun
eða reynslu Við
kVikmyndagerð?

atlantic studios á ásbrú
er leigt út í ýmis konar
Verkefni og Viðburði
eins og kVikmynda- og
auglýsingatökur.

ViðskiptaVini okkar Vantar
oft að nýta sér þjónustu
fólks með menntun og
reynslu úr kVikmyndagerð
eins og:
á h æ t t u l e i k a r i
t ö k u m a ð u r
förðunarfræðingur
a u k a l e i k a r i
l e i k m y n d a s m i ð u r
b í l s t j ó r i
k l i p p a r i
eða eitthVað annað
sem gæti nýst Við
kVikmyndagerð?
ef þú hefur þessa þekkingu,
sendu okkur ferilskrá á:
info@atlanticstudios.is
sVo Við getum látið
ViðskiptaVini okkar Vita
af þér ef þeim Vantar
starfsmenn með þína hæfni.
www.atlanticstudios.is
Ákveðinn í því að vinna
Keflvíkinga á laugardaginn
Keflvíkingurinn Þröstur Leó Jóhannsson er í óvenjulegum
aðstæðum þessa dagana. Hann
leikur með liði Tindastóls og
mun mæta æskufélagi sínu,
Keflavík, í Laugardalshöllinni
á laugardaginn. Þröstur hefur
ekki leikið til bikarúrslita áður
en hann er spenntur fyrir því að
mæta sínum gömlu félögum í
úrslitum.
„Ég er búinn að koma mér vel fyrir
og hér er mjög gott að búa. Hér
er gott fólk og það er mikil eining
hérna á Sauðárkróki,“ segir Þröstur
en hann segir það meira sýnilegt
núna eftir að ljóst var að Tindastóll
væri á leið í bikarúrslitin. „Daginn
eftir undanúrslitaleikinn þá var
ekkert annað á vörum bæjarbúa
en árangur körfuboltaliðsins.
Þetta er stór áfangi sem við
vorum að ná.“ Þröstur lék eins og
áður segir upp alla yngri flokka
með Keflvíkingum og síðar með
meistaraflokki. Hann fór með
meistaraflokki í Laugardalshöll í
eitt skipti en þá lék liðið til úrslita
um fyrirtækjabikarinn.
Hvernig tilfinning er það að mæta
Keflvíkingum þegar þú kemst loks í
bikarúrslitin? „Það er mjög sérstakt.
Fyrst þegar ég spilaði á móti
Keflvíkingum í Toyota-höllinni í
vetur þá var það mjög kjánalegt og
það var einhvern veginn ekki búið
að setjast inn hjá mér. Núna er ég
hins vegar búinn að tapa tvisvar
illa á móti þeim og ég gæti ekki
verið meira ákveðinn í því að vinna
Keflvíkinga á laugardaginn,“ segir
Þröstur.
„Við höfum ekki verið að spila neitt
gríðarlega vel undanfarið þrátt
fyrir að sigra ÍR í síðasta leik en við
höfum samt jafnt og þétt verið að
bæta okkur. Við erum brattir og við
viljum sanna það að þetta sé ekki
bara einhver stemning hjá okkur
eða að við séum spútnik lið. Við
viljum sanna að við eigum skilið að
vera í úrslitum í bikarkeppninni.“
Hvernig er þetta tímabil búið
að vera hjá þér persónulega?
„Það hefur gengið þokkalega. Ég
byrjaði tímabilið á því að skipta
um stöðu. Ég var að leika í stöðu
kraftframherja en færði mig í
stöðu minni framherjans. Það tók
tíma að venjast því og það gekk
ekkert æðislega vel. En eftir að við
misstum einn af stóru mönnunum
okkar þá fór ég í gömlu stöðuna
mína og þar hefur mér gengið vel,
“ segir Þröstur en hann segir það
vera verkefni næsta sumars að
venjast nýrri stöðu.
Þröstur vildi koma því áleiðis til
Keflvíkinga að Skagfirðingar ætli
sér að fjölmenna á leikinn og því
væri þeim hollast að gera slíkt hið
sama. Hann vonast til þess að það
verði góð stemning og leikurinn
verði hin mesta skemmtun.