Víkurfréttir - 16.02.2012, Blaðsíða 20

20 FIMMTUdagUrInn 16. FEBrúar 2012 • VÍKURFRÉTTIR
Á laugardaginn munu íbúar Reykjanesbæjar sjálfsagt
fjölmenna í Laugardalshöllina
enda leika bæði karlalið Kefla­
víkur og kvennalið Njarðvíkur
til úrslita í Powerade­bikarnum
í körfubolta. Þetta eru jafnan
stærstu leikir ársins í körfubolt­
anum og ljóst að körfuboltaaðdá­
endur bíða með óþreyju eftir því
að mæta í Höllina frægu og styðja
sitt lið til sigurs. Víkurfréttir tóku
leikmenn og þjálfara liðanna tali
og hér á eftir má sjá viðtöl og spár
frá fólki sem lifir og hrærist í bolt­
anum. Fjörið hefst klukkan 13:30
með leik Njarðvíkur og Snæfells
en strákarnir hefja leik klukkan
16:00.
Ef við förum yfir sögu þessara liða
í bikarúrslitum þá kemur margt
skemmtilegt í ljós.
Karlalið Keflavíkur hefur unnið
5 sinnum (1993, ‘94, ‘97, 2003,
‘04) en 9 sinnum hafa þeir leik-
ið til úrslita og verður þetta því
tíunda ferð Keflvíkinga í Höllina
um helgina. Fyrst léku Keflvík-
ingar til úrslita árið 1990 en þá
töpuðu þeir gegn Njarðvíkingum.
Sigurður Ingimundarson þjálf-
ari Keflvíkinga hefur tvisvar sigr-
að sem þjálfari karlaliðsins, árið
1997 og 2003. Keflvíkingar hafa 17
sinnum fagnað bikarmeistaratitli
í bæði karla- og kvennaflokki en
aðeins KR hefur sigrað oftar, eða
20 sinnum.
Njarðvíkingar komust síðast í Höll-
ina árið 2002 í kvennaflokki en
töpuðu gegn KR eftir framlengd-
an leik. Njarðvíkingar hafa þrisvar
komist í úrslitaleikinn en ekki tekist
að sigra enn. Njarðvík hefur 8 sinn-
um orðið bikarmeistari í karlaflokki
en kvennaboltinn á eftir að næla í
titilinn eins og áður sagði. Kannski
er stund þeirra runnin upp.
vf.is
Magnús Gunnarsson hefur farið í Laugardals­höll í fjögur skipti og er hann reynslumestur
í liði Keflvíkinga þegar kemur að því að spila leiki á
stóra sviðinu.
Keflvíkingar hafa sigrað Tindastól tvívegis nokkuð
örugglega á tímabilinu en Magnús segir að leikurinn
á laugardaginn muni ekki ráðast af því eða á hæfileik-
unum einum saman. „Þetta er bara 50/50 leikur og
hann mun ekki ráðast af getu eða hæfileikum. Það verð-
ur bara krafturinn og ákveðnin sem gildir í svona leik,“
segir Magnús sem hefur farið fjórum sinnum í Höllina
og tvisvar hefur hann lyft bikarnum á loft.
Hvernig líst þér á lið Tindastóls? „Það er bara gaman
að nýtt lið sé að komast í Höllina og þeir eru greinilega
með hörku lið fyrst þeir eru komnir í úrslit. Það verður
gaman að berjast við þá.“
Áhorfendur taka þessu oft
sem sjálfsögðum hlut
„Þetta er skemmtilegasti leikur sem hægt er að kom-
ast í og tilfinningin sem ríkir í svona leikjum er bara
mögnuð. Það eru margir, og þá sérstaklega áhorfendur
sem taka því sem sjálfsögðum hlut að komast í bikarúr-
slitin en ef maður hugsar aðeins út í þetta þá er kannski
15% leikmanna sem eru að stunda körfubolta sem
kemst í svona leik á ferlinum. Þannig að maður á að
nýta tækifærið sem best og njóta augnabliksins,“ segir
fyrirliði Keflvíkinga.
Biðin hefur verið löng hjá Keflvíkingum en Magnús
segist búinn að vera að bíða lengur en þessi 6 ár sem
eru liðin frá síðustu heimsókn í Laugardalinn. „Ég er
eiginlega búinn að bíða síðan 2005, en ég var svo lélegur
í þeim leik. Þannig að ég bíð spenntur og er fyrir löngu
farinn að hugsa um þennan leik.“
Magnús er einn af fáum reynsluboltum í Keflavíkurlið-
inu og hann mun miðla af reynslu sinni til ungu leik-
mannanna í liðinu. „Þeir eiga að njóta augnabliksins.
Þetta er bara körfubolti eins og hann er spilaður alls
staðar í heiminum. Það er í lagi að vera smá stressaður,
en ekki um of,“ segir Magnús og bætir því við að hann
geti nú kennt ungu strákunum eitt og annað. Hann seg-
ir útlendingana ekki alveg gera sér grein fyrir því hvað
þeir séu að fara út í en vikan fram að leik er notuð í það
að undirbúa þá og ungu strákana undir stóra leikinn.
„Ég ætla nú bara rétt að vona að keflvískir áhorfendur
láti sjá sig á laugardaginn. Það eru liðin 6 ár frá því að
við vorum í Höllinni og margir hafa tekið stóru titl-
unum sem sjálfsögðum hlut, en það er bara ekki þannig
og við verðum að nýta þetta tækifæri því það gefst ekki
á hverju ári,“ segir Magnús en hann hefur fregnir af því
að fólk muni fjölmenna á leikinn frá Sauðárkróki og
að bænum verði hreinlega lokað á meðan leikurinn fer
fram. „Fólk getur horft á leikinn í endursýningu en ekki
horfa á hann í sjónvarpinu,“ sagði skyttan að lokum.
„Margir hafa tekið
stóru titlunum sem
sjálfsögðum hlut“
Tvöföld bikargleði
Keflavíkur sigrar:
1993: Keflavík 115-76 Snæfell
1994: Keflavík 100-97 Njarðvík
1997: Keflavík 77-66 KR
2003: Keflavík 95-71 Snæfell
2004: Keflavík 93-74 Njarðvík
2012: Keflavík-Tindastóll? Njarðvík Bikarleikir:
1983: KR 56-47 Njarðvík
1996: Keflavík 69-40 Njarðvík
2002: KR 81-74 (68-68) Njarðvík
2012: Snæfell - Njarðvík?