Listin að lifa - 01.12.2004, Qupperneq 54

Frá Reykjavíkurfélaginu
Menningarhátíö
Reykjavíkurfélagsins
í Borgarleikhúsinu 9. október 2004
Hugmyndin að menningarhátíð
varð til síðasta vetur og undir-
búningur hófst fljótlega upp úr
því. Leitað var til Borgarleikhússins um
aðstöðu og tókst mjög góð samvinna við
forsvarsmenn þess um þetta verkefni.
Einnig var leitað til Reykjavíkurborgar
sem styrkti menningarhátíðina með 100
þúsund krónum. Borgarstjórinn í Reykja-
vík, Þórólfur Arnason, flutti ávarp við
setningu hátiðarinnar.
Menningarhátíðin er nýjung í starfi
félagsins. Tilgangurinn er m.a. að virkja
eldri borgara til meiri þátttöku, bæði með
því að koma opinberlega fram og veita af
listfengi sínu, en einnig að hvetja þá til að
koma og njóta þeirra lista og ánægju sem á
boðstólum voru. í röðum eldri borgara er
mikið af frábæru listafólki sem á sannar-
lega erindi til okkar allra. Viðhorf til eldra
fólks birtast stundum á þann hátt að líta á
þá sem sérstakan samfélagshóp sem ekki
er ætlast til að sé virkur þáttakandi í við-
burðum þjóðfélagsins. í stað aðgreiningar
þurfum við að stuðla að samþættingu milli
kynslóða þar sem allir aldurshópar virða
hver annan.
Dagskrá menningarhátíðarinnar
endurspeglaði á vissan hátt þessa afstöðu
því að þar komu fram allir aldurs-
hópar. Má nefna fjölmennan kór eldri
borgara sem söng undir stjórn Kristínar
Pjetursdóttur ásamt barnakór úr Lang-
holtskirkju, Graduale futura, stjórnandi
Bjarney I. Gunnlaugsdóttir. Undirleikarar
voru Hólmfríður Sigurðardóttir og Bragi
Hlíðberg. Þarna sameinuðust æskan og
ellin í fögrum söng. Einnig söng hinn
sívinsæli Ragnar Bjarnason einsöng með
kór eldri borgara. Fleiri tónlistaratriði
voru á boðstólum. Tveir ungir söngvarar,
Jóna Fanney Svavarsdóttir sópran og
Erlendur Elvarsson tenór, sungu nokkur
lög við mikinn fögnuð áheyrenda, en
undirleikari var Richard Simms.
Matthías Johannessen skáld las eigin
ljóð af sinni alkunnu snilld og snerti
strengi í brjósti áheyrenda. Leiklistinni
voru einnig gerð góð skil. Leikinn var ein-
þáttungurinn „Jólakleinur", gamanleikur
eftir Þórunni Guðmundsdóttur sem
leikarar úr leikfélaginu Hugleikur fluttu
við góðar undirtektir. Og annar leikþáttur,
„Hægara um að tala en í að komast",
eftir Unni Guttormsdóttur. Félagar úr
leikfélaginu Snúður og Snælda sáu um
flutninginn ásamt félögum úr Hugleik.
Leikararnir Guðrún Asmundsdóttir og
Jón Hjartarson fóru með atriði úr gömlum
revíum, sungu og léku af hjartans list,
fóru á kostum og kitluðu hláturtaugar
áhorfenda svo um munaði. Danshópurinn
Sporið úr Borgarfirði sýndi þjóðdansa,
ásamt undirleikurum og söngvurum.
Stórglæsileg sýning í alla staði.
Aður en sjálf dagskráin hófst, gafst
gestum kostur á að hlýða á tónlist í and-
dyri leikhússins sem Jónas Dagbjartsson
og Jónas Þórir sáu um. Kynnir á menn-
ingarhátíðinni var Helgi Seljan, sem strax
í upphafi sló hinn rétta tón með vísum,
ortum í tilefni dagsins, eins og honum
einum er lagið. Félag eldri borgara í
Reykjavík færir öllum sem komu fram og
tóku þátt í dagskránni hugheilar þakkir.
Menningarhátíðin var vel sótt, nánast
hvert sæti skipað í Borgarleikhúsinu. Von-
andi verður slík hátíð árviss viðburður í
félagsstarfinu á komandi árum.
Undirbúningsnefndina skipuðu: Bryn-
hildur Ólafsdóttir, Helgi Seljan, Hinrik
Bjarnason, Margrét Margeirsdóttir og
Stefanía Björnsdóttir.
Margrét Margeirsdóttir tók saman
Tíu daga Færeyjaferð 24. maí til 2. júní
Reykjavíkurfélagið efnir til tíu daga
ferðar til Færeyja í maí 2005. Lagt verður
af stað frá Reykjavík að morgni 24. maí
og ekið um Norðurland. Kvöldverður
snæddur á „Sel-Hótel“ við Skútustaði
en gist verður á Hótel Svartaskógi. Eftir
morgunverð er ekið til Seyðisfjarðar
og um borð í Norrænu. Gist í fjögurra
manna klefum á leið til Þórshafnar í
Færeyjum og eins á heimleiðinni. Enginn
matur um borð er innifalinn í verði.
Til Þórshafnar er komið snemma
næsta morgun. Jóhanna Traustadóttir
leiðsögumaður tekur á móti hópnum á
bryggjunni og verður með honum allan
tímann. Ekið frá Þórshöfn um Straumey og
Austurey og siglt til Klaksvíkur á Borðey,
þar sem gist verður í tvær nætur á Hótel
Klaksvik. Kristjánskirkja skoðuð, ekið til
Viðeyjar, Kuney og víðar. í bakaleiðinni
er komið við í Götu og Runavík, í Gjánni
og á fleiri stöðum.
í Þórshöfn er gist í fjórar nætur á
Hótel Hafnia í miðbænum og farnar
skoðunarferðir um Tinganesið, til Kirkju-
bæjar, Vogeyjar, Kollafjarðar og víðar.
Fornminjasafnið skoðað, verið við messu
og drukkið kaffi í Tilhaldinu með eldri
borgurum í Þórshöfn. í Færeyjum er gist
í tveggja manna herbergjum með baði,
morgunverður innifalinn.
Frá Þórhöfn er siglt síðdegis 1. júní
og komið til Seyðisfjarðar að morgni
næsta dags. Eftir góðan morgunverð á
Egilsstöðum er ekið um Skriðdalinn og
Öxi og um Suðurströndina, borðaður
kvöldverður á Klaustri og komið til
Reykjavíkur um kl. 21-22. Fararstjóri
er Valgarð Runólfsson. Verð: kr. 88.750
(áskilinn réttur til verðbreytinga). Aríð-
andi er að tilkynna þátttöku sem fyrst. í
síðasta lagi fyrir 5. febrúar 2005.