Iðnaðarmál - 01.05.1959, Blaðsíða 28
hlut á réttan stað. Ákveðið sérhverj-
um starfsmanni vissa stund, er notuð
sé til að hreinsa og þrífa til á vinnu-
bekknum eða hirða vélina. Nokkrar
mínútur í byrjun eða við lok vinnu-
dags (vaktar) eru venjulega hentug-
astar til þeirra hluta.
7. Haldið lóSunum hreinum
Hreinlegt verkstæði stuðlar að góð-
um afköstum og dregur úr gölluðu
verki. Það eflir góðan anda á vinnu-
staðnum og hefur geðfelld áhrif á
þann, sem kemur í heimsókn.
Felið ákveðnum manni það sem
skyldustarf að þrífa til á vinnustaðn-
um, í göngunum, húsagarðinum,
birgðageymslunni, snyrtiherberginu
o. s. frv. Látið hann fylgja ákveðnum
reglum — hreinsa sumt daglega, ann-
að vikulega. Sjáið um, að hann hafi
hentug tæki til að þrífa með og ákveð-
inn stað til að geyma þau á. Til að
þrífa gólf þarf yfirleitt heitt vatn,
þvottaefni og stífa bursta.
Lausl. þýtt úr „The Small Factory
J.Bj.
( 'ý
Til áskrifenda
IÐNAÐARMÁLA
Iðnaðarmálastofnunin hefur
látið gera möppur undir tíma-
ritið IÐNAÐARMÁL. Tekur
hver mappa allt ritið frá byrjun
til ársloka 1959. Möppurnar
eru gráar að lit, með gyllingu á
kili, þar sem skráð er nafn
tímaritsins og árgangar. Þær
eru smekklegar að gerð og fara
vel í bókaskáp.
Möppurnar eru til sölu á
skrifstofu IMSÍ og kosta kr.
35.00 stykkið.
V_____________________________)
Verkstjórnarfræðsla
Frcanh. aí 82. bls.
leggja áherzlu á munnlegar umræð-
ur, þar sem skrifleg próf segja oft lítt
til um hæfni mannsins sem vinnuveit-
anda eða verkstjórnanda.
Kennsluaðferðir
Reynsla okkar í Noregi er sú, að
erfitt sé að setja ákveðnar reglur um
fræðslu í verkstjórn. Okkar skoðun
er sú, að megintilgangur fræðslunnar
sé að fá verkstjórnendurna til að
hugsa sjálfstætt, taka sjálfstæðar á-
kvarðanir að vel athuguðu máli.
Samt sem áður er nauðsynlegt að
vinna að kerfisbundinni framsetningu
og aðferðum á þessu sviði. Við leggj-
um áherzlu á það að byrja á þeim at-
riðum, sem þátttakendurnir þekkja af
eigin reynslu, og fara síðan yfir í
ákveðnar kenningar.. En við vörumst
eftir föngum að láta hina fræðilegu
meðferð verða óhlutræna.
Fljótt á litið virðist vera erfitt að
fá hentug verkefni í verkstjórn, en
með því að ganga út frá raunhæfum
verkefnum, sem tekin eru beint úr at-
vinnulífinu, og láta þátttakendur ræða
þau, er unnt að draga saman og varpa
góðu ljósi yfir reynslu þátttakenda
jafnt sem leiðbeinenda. Við leitumst
einnig við á annan hátt að vera eins
nærri veruleikanum og mögulegt er,
t. d. með hlutverkaskiptum, en þá
skiptast þátttakendurnir á um að vera
verkstjórnendur, starfsmenn, verk-
fræðingar o. s. frv. Hefur þessi að-
ferð reynzt vel. Góðar kvikmyndir og
myndræmur geta oft verið gagnlegar
við einstaka kringumstæður.
Fyrirlestrar skipa ákveðið rúm í
fræðslunni, þar sem það á við, t. d.
þegar veitt er vitneskja um athuganir
og reynslu vísindamanna. Fyrirlestr-
arnir eiga ekki að vera í formi beinna
erinda, sérstaklega ekki upplestur af
handriti. Stöðugt víxlverkandi sam-
band á að vera milli leiðbeinanda og
þátttakenda, svo að þeir fái tækifæri
til að varpa fram spurningum og
koma með athugasemdir.
Við höfum safnað saman miklum
fjölda dæma — eða svonefndum raun.
hæfum verkefnum — úr hinu daglega
lífi, og eru þau góður grundvöllur fyr-
ir umræðum.
Með hlutverkaleiknum eru sett á
svið samtöl innan fyrirtækja. Er þar
um að ræða samtöl við ráðningu,
flutning í annað starf, brottrekstur,
áminningar o. þ. h. Þátttakendurnir
tveir, sem ræðast við, eru settir í her-
begi út af fyrir sig, og er hátalari hjá
þeim, sem flytur samtalið yfir í næsta
herbergi, þar sem hópurinn er. Að
loknu samtalinu, er hefur verið tekið
upp á segulband, sameinast hópurinn
aftur. Samtalið er spilað aftur, og
síðan ræðir hópurinn um það.
í öðrum greinum en verkstjórn má
með góðum árangri nota raunhæf
verkefni.
í sérstökum tilfellum getur verið
gagnlegt og hentugt að nota bréfa-
skóla-kennslu. Ég hef útbúið náms-
bréfaflokk í verkstjórn fyrir norska
bréfaskólann (Norsk Korrespond-
anseskole). Samanstendur hann af 12
bréfum. Sérhverju bréfi lýkur með
einu eða fleiri raunhæfum verkefn-
um, sem nemendurnir verða að taka
afstöðu til og leysa. Hafa námsbréfin
gefið góða raun. Rétt er að vekja at-
hygli á ákveðinni tegund námskeiða
sem hefur verið mikið notuð hin síð-
ustu ár, nefnilega TWI-námskeiðin
(Training Within Industry). Upp-
runalega var gert ráð fyrir, að þessi
námskeið færu fram innan fyrirtækj-
anna í vinnutímanum, en okkar
reynsla er, að þessi námskeið megi
halda með góðum árangri utan þeirra.
Kennslukraítar
Varla gerir nokkur grein eins mikl-
ar kröfur til leiðbeinandans og verk-
stjórn. Þess vegna verður að vanda
mjög val þess manns, sem á að hafa
forustuna í þessum málum. Ég legg
til, að reynt verði að finna háskóla-
menntaðan mann, sem getur sjálfur
verið leiðbeinandi í mörgum þeim
greinum, sem kenndar eru. Það skipt-
ir ef til vill ekki mestu í þessu sam-
84
IÐNAÐARMÁL