Ægir - 01.02.2001, Síða 16

16
V E S T F I R Ð I R
vinnslu- og sjávarútvegsfyrir-
tækja, sem stóla fyrst og síðast á
smábátaaflann, séu stundum önd-
verðir því sem hentar stærri fyrir-
tækjum þá séu þau öll atvinnulíf-
inu afskaplega mikilvæg. Ítrekar
Halldór í þessu sambandi mikil-
vægi Hraðfrystihússins - Gunn-
varar hf. fyrir Ísafjarðarbæ, en fyr-
irtækið starfrækir myndarlegt
frystihús í Hnífsdal og gerir út
alls fimm togara, þar sem háseta-
hlutur er með því hæsta sem
þekkist.
„Menn hér hafa mikla trú á að
framtíðin sé björt og að botninum
í sjávarútveginum sé náð. Hins
vegar eru verulegar blikur á lofti,
þar sem eru hugmyndir um að
kvótasetja ýsu og steinbítsafla
smábáta. Þetta á að óbreyttu að
gerast þann 1. september í haust
þegar nýtt fiskveiðiár hefst. Þessar
hugmyndir eru í raun meira en
blikur, þetta eru óveðursský,“
segir Halldór Halldórsson.
Byggt á starfsemi
Básafells
Á Suðureyri starfar fyrirtæki Ís-
landssaga hf., og eigendur þess
eru fjórir. Guðmundur Kristjáns-
son frá Rifi, kenndur við Básafell,
á þriðjungshlut; bræðurnir Guðni
og Elvar Einarssynir eiga þriðj-
ung; og þriðja hlutinn á Óðinn
Gestsson, sem er framkvæmda-
stjóri. Fyrirtækið, sem tók til
starfa 6. desember 1999, er stofn-
að út úr Básafelli hf. og byggir á
starfsemi sem áður var á þess veg-
um í byggðarlaginu. Samanlögð
kvótaeign Íslandssögu eru 212
tonn og á fyrirtækið einn smábát,
en byggir annars hráefnisöflun
sína mikið á föstum viðskiptum
við litla báta með því fyrirkomu-
lagi sem kallað er „tonn á móti
tonni“. Viðskiptabátarnir í dag
eru alls níu. Einnig er afli til
vinnslu keyptur í miklum mæli á
mörkuðum „...sem er strembið oft
og tíðum en þarf hreint ekki að
vera dýrara en föst viðskipti við
báta ef allt er tekið með í reikn-
inginn,“ segir Óðinn Gestsson.
Hann segir afkomu fyrirtæksins á
síðasta ári hafi verið réttu megin
við strikið.
Hjá Íslandssögu eru starfsmenn
um 60 talsins. „Ég sé ekki að
starfsmannafjöldinn hjá okkur
aukist mikið á næstunni. Þegar
mikill afli berst höfum við frekar
reynt að keyra á yfirvinnu,“ segir
Óðinn. Fyrirtækið einbeitir sér að
vinnslu á þorski og vinnur aflann
í flök sem fara ýmist fersk eða
frosin á Ameríkumarkað.
„Nóg að náttúruöflin
setji okkur takmörk“
„Við getum ekki verið annað en
þokkalega sáttir eftir þetta fyrsta
ár, en við byrjuðum í rauninni
með núllstöðu,“ segir Hinrik
Kristjánsson, framkvæmdastjóri
Fiskvinnslunnar Kambs hf. á
Flateyri. Fyrirtækið tók til starfa
snemma á sl. ári, en líkt og á Suð-
ureyri en það er stofnað út úr
Básafelli hf. og byggir á starfsemi
sem var áður á þess vegum í
byggðarlaginu. Kambur á 350
tonna kvóta í þorskaflahámarki,
og kemur að útgerð sjö smábáta.
Tvo þeirra á fyrirtækið sjálft, fjóra
í félagi við skipstjóra og leigir
þann sjötta. Þrír í þessum flota
eru glænýir Gáskabátar, sem
komu vestur nú í haust. Kambur
hf. vinnur einvörðungu þorsk og í
gegnum vinnsluhúsið á Flateyri
fóru í fyrra alls 4.200 tonn. Bæði
er það afli eigin báta, en einnig
fiskur sem keyptur er á mörkuð-
um og af bátum sem leggja sinn
afla upp hjá fyrirtækinu. Kambur
leigði til sín aflaheimildir í fyrra
fyrir alls 72 milljónir króna. Afl-
inn er yfirleitt unninn í salt og fer
á markað í löndum Suður-Evrópu.
Afkomuna segir Hinrik vera
ásættanlega. Að vísu hafi gengi
evrunnar verið lágt um mitt árið
og það hafi aftur leitt af sér lágt
skilaverð fyrir afurðir. Gengið hafi
svo aftur hækkað á haustdögum
og þá hafi hagur vænkast. En hitt
skipti ekki síður miklu máli að
Kambur hf. veiti mörgum at-
vinnu. Við vinnsluna á Flateyri
starfa að jafnaði um 35 manns og
viðlíka við bátaútgerðina, bæði
sjómenn og menn í landi, svo sem
við línubeitningu. „Við erum
bjartsýnir, þótt við séum vissu-
lega með hnút í maganum yfir
þeim fyrirætlunum að setja allan
afla smábáta undir kvóta. Hvort
þær fyrirætlanir ganga eftir er í
hendi Reykjavíkurvaldsins. Sjálf-
um finnst mér nóg að náttúruöfl-
in setji okkur takmörk hvað hægt
er að sækja úr sjó, þó við þurfum
ekki líka að slást við ráðamenn.
Stórútgerðarmenn virðast sjá of-
sjónum yfir því sem smábátasjó-
menn afla og sjálfum finnst mér
afskaplega sárt ef það er að setja þá
á hliðina. Mennina sem eru með
sín fyrirtæki á þingi og hafa
þannig fengið mikið ódýrt fjár-
magn inn í sinn rekstur og styrkt
hann.“
„Við erum bjartsýnir, þótt við séum vissu-
lega með hnút í maganum yfir þeim fyrir-
ætlunum að setja allan afla smábáta undir
kvóta,“ segir Hinrik Kristjánsson, fram-
kvæmdastjóri Fiskvinnslunnar Kambs hf. á
Flateyri. Það fyrirtæki hefur unnið sig
verulega upp á fyrsta starfsári sínu.
Við höfnina á
Suðureyri. Þar hefur
atvinnuástand
fiskvinnslufólks
batnað með tilkomu
Íslandssögu ehf.