Ægir - 01.05.2003, Qupperneq 29

29
F R É T T I R
fiskeldinu. Netpokar fyrir eld-
iskvíar eru framleiddir á Neta-
verkstæði Friðriks Vilhjálmssonar
og litaðir með sérstöku efni sem
ver þá fyrir ágangi sjávargróðurs
og síðan þurrkaðir, litun og
þurrkun fer fram í þvottastöðinni.
Pokarnir þurfa reglulegt viðhald
og þá verður að taka úr sjó einu
sinni á ári til þvottar, viðhalds og
endurlitunar. Pokarnir eru fyrir-
ferðamiklir og krefst viðhald
þeirra mikillar sérhæfni í vinnu-
brögðum og tækjabúnaði eins og
fyrir hendi er í þvottastöð Neta-
gerðarinnar á Reyðarfirði.
Þjónar fyrirtækjum
af öllu landinu
„Markaðssvæði þvottastöðvarinn-
ar er allt Ísland því stöðin getur
auðveldlega þjónað fiskeldisfyrir-
tækjum af öllu landinu,“ segir
Jón Einar. „Staðsetning stöðvar-
innar hér á Reyðarfirði gerir það
að verkum að hún er miðsvæðis
gagnvart fiskeldi sem þróast mun
á Austurlandi á næstu árum og er
einnig flutningslega vel staðsett
gagnvart samgöngum við aðra
staði á landinu,“ segir Jón Einar
Marteinsson
Rótgróið fyrirtæki í veiðar-
færaþjónustu
Netagerð Friðriks Vilhjálmssonar
hf. er rótgróið fyrirtæki í veiðar-
færaframleiðslu og þjónustu og
hefur starfsemin vaxið mjög á síð-
ustu árum. Fyrirtækið starfrækir
alhliða veiðafærarþjónustu á
tveimur stöðum á landinu, í Nes-
kaupstað og á Akureyri og nú
bætist fullkomin þvottastöð fyrir
fiskeldiskvíar við á Reyðarfirði.
Netagerðin á að auki eitt dóttur-
félag, Gúmmíbátaþjónustu Aust-
urlands ehf. í Neskaupstað, sem
skoðar og þjónustar gúmmíbjörg-
unarbáta og björgunargalla. Í dag
eru 24 starfsmenn hjá Netagerð-
inni og heildarvelta félagsins á ár-
inu 2002 var tæpar 230 milljónir
króna.
Jón Einar Marteinsson, framkvæmdastjóri NFV, Jón Kristjánsson, heilbrigðis- og tryggingaráðherra, Guðmundur Bjarnason, bæjarstjóri í Fjarðabyggð og Val-
gerður Sverrisdóttir, iðnaðar og viðskiptaráðherra.
Guðmundur Valur Stefánsson, framkvæmdastjóri Sæsilfurs hf. og Björgólfur Jóhannsson, forstjóri Síldarvinnsl-
unnar hf, ræða málin.