Ægir - 01.10.2005, Blaðsíða 15

15
H O F S Ó S
hafa sett umtalsverða fjármuni í
þessa uppbyggingu, en ekki tekið
krónu að láni.
„Ég reikna með að það verði á
bilinu 6 til 8 manns í kringum
þetta í landi. Ég á von á því að
það verði rólegra í kringum þetta
í vetur, en næsta sumar verður ör-
ugglega mikið fjör. Nú þegar
hafa útgerðaraðilar haft samband
við mig og spurst fyrir um þessa
þjónustu og þeir eru alvarlega að
velta fyrir sér að koma norður í
vor og leggja upp hjá okkur.“
Þrátt fyrir að hafa staðið í þess-
ari uppbyggingu meira og minna
sjálfur undanfarna mánuði, ætlar
hann eftir sem áður að stunda sjó-
inn. „Nei, blessaður vertu, ég er
bara sjóari og ætla mér að vera
áfram á sjónum. Aðalmálið var að
koma þessu af stað, en síðan verð
ég að komast á sjóinn.“
Í gamla húsi Hraðfrystihúss
Hofsóss
Starfsemi Sjóskips á Hofsósi er í
gamla húsi Hraðfrystihúss Hofs-
óss, sem FISK Seafood á Sauðár-
króki á. Viggó segir að stjórnend-
ur FISK Seafood hafi reynst sér
afar hjálplegir við að koma þess-
um rekstri á koppinn og hann fer
lofsamlegum orðum um samstarf-
ið við þá. „Kolka var síðast með
rekstur í þessu húsnæði, en hann
var síðan lagður af.“
Viggó segir að á þetta „brölt“ á
Hofsósi beri að líta sem tilraun til
þess að skapa vinnu í landi. „Við
getum ekki ætlast til þess að ein-
hverjir rétti okkur hjálparhönd ef
við gerum ekki eitthvað sjálfir,“
segir hann og bætir við að hann
komi til með að verka harðfisk úr
bæði þorski og ýsu sem og stein-
bít.
Afkastamikil þurrkun
Harðfiskframleiðsla Sjóskips er
nú þegar hafin og segir Viggó að
hún fari vel af stað. Spurður um
hvort nægur markaður sé fyrir
fiskinn, segir Viggó að alltaf sé
markaður fyrir góðan harðfisk.
„Ég er með mjög afkastamikla
þurrkun, en hins vegar lít ég á
harðfiskframleiðsluna fyrst og
fremst sem uppfyllingu við aðra
starfsemi fyrir það fasta starfsfólk
sem ég er með í vinnu. Það er
með þetta eins og útgerðina hjá
mér að góðir hlutir gerast hægt.
Ég hef lengi verið með þetta í
undirbúningi, ég hafði lengi horft
til þess að gera eitthvað við fisk-
inn hérna á svæðinu í stað þess að
keyra hann allan í burtu. Mark-
miðið hjá mér er að sá afli sem er
landað í heimabyggð sé unninn í
heimabyggð.“
Bætt hafnaraðstaða á Hofsósi
Viggó segir að á vegum Sveitarfé-
lagsins Skagafjarðar sé nú átaks-
verkefni í gangi sem nefnist „Ver-
stöðin Hofsós“, en í því felst m.a.
að endurbæta hafnaraðstöðu á
Hofsósi verulega. „Hér er að
koma flotbryggja og búið er að
koma upp steyptri rennu, sem
gerir það að verkum að unnt er að
sjósetja báta úr vögnum. Þetta
verkefni er virkilega þarft og
styður við bakið á okkur í þessari
uppbyggingu.“
Viggó hefur byggt sína útgerð
á leigukvóta. „Umhverfið í þessu
er vissulega að verða alltaf erfiðara
og erfiðara. Þetta er alltaf að
leggjast á færri hendur. Stórút-
gerðin hefur verið að kaupa kvót-
ann af smábátunum. Þetta eru að-
ilarnir sem hafa endalausan að-
gang að fjármunum.“
Kvótinn sem Viggó býr yfir er
aðeins 520 kíló, en á síðasta ári
veiddi hann 350 tonn!
Þorskurinn er ætislaus
Við víkjum talinu að fiskgengd
í Skagafirði. Viggó orðar það svo
að það sé fullur fjörður af fiski.
„Það hefur verið mjög góð ýsu-
veiði, en hins vegar er þorskurinn
ætislaus, sem er kannski ekki
skrítið þegar haft er í huga að við
erum búnir að drepa sílið og
loðnuna - sem sagt það sem
þorskurinn étur. Það er óhuggu-
leg staðreynd að nú er þorskurinn
fyrst og fremst að éta sjálfan sig,“
segir Viggó Jón Einarsson.
Viggó Jón Einarsson, trillukarl og atvinnurekandi á Hofsósi.
Með tilkomu löndunar- og slægingarþjónustu - sem og harðfisk-
verkunarinnar - skapast nokkur ný störf á Hofsósi.
aegir10nov2005.qxd 30.11.2005 16:49 Page 15