Ægir - 01.07.2010, Síða 62

62
S J Á V A R Ú T V E G S R Á Ð S T E F N A N 2 0 1 0
Sjöfn Sigurgísladóttir, for-
stjóri Matís og prófessor við
Háskóla Íslands, sagði í
ávarpi á Sjávarútvegráðstefn-
unni 2010 nú í byrjun septem-
ber að framþróun og nýsköp-
un í sjávarútvegi verði ekki
tryggð nema með öflugra
rannsókna- og þróunarstarfi.
Á árinu 2007 var varið 35
milljörðum króna til rann-
sókna og þróunar og þar af
fóru 27% til fiskveiða, fisk-
vinnslu og landbúnaðar. Um
50% þeirrar upphæðar eru
fjármögnuð af fyrirtækjum,
38% koma frá ríkisvaldinu og
um 10% er erlent fjármagn.
Hún sagði Íslendinga eiga
nokkuð í land til þess að
standa jafnfætis hinum Norð-
urlandaþjóðunum. Afrakstur
nýsköpunar, s.s. einkaleyfi, sé
heldur minna hér en í ná-
grannalöndunum, en mikill ár-
angur hafi þegar náðst í formi
framleiðsluvara og aukinna
afkasta.
Sjöfn telur að til þess að
auka afrakstur þurfi að huga
betur að menntun í tækni- og
verkfræðigreinum. Efla þurfi
samstarf fyrirtækja og rann-
sóknaraðila til mikilla muna,
m.a. með því að nýta starfs-
krafta ungs fólks í styttri og
lengri nýsköpunarverkefnum.
Á vegum Matís hafa rann-
sóknir og nám aukist og 17
hafa lokið doktorsprófi. Matís
er í dag með forystuhlutverk í
tveimur ESB-verkefnum og
sem dæmi um framtíðarverk-
efni benti Sjöfn á að hérlend-
is þyrfti að horfa til fleiri teg-
unda í fiskeldi. Hún vakti
einnig athygli á að frárennsli
hjá flestum fiskvinnslum er
mjög köfnunarefnisríkt og
velti fyrir sér þeirri áleitnu
spurningu af hverju það sé
ekki nýtt til framleiðslu á
grænmeti.
Fjölbreytt rannsóknaverkefni
hjá AVS
AVS rannsóknasjóður starfar
á vegum sjávarútvegs- og
landbúnaðarráðuneytisins og
veitir styrki til rannsókna- og
þróunarverkefna sem auka
verðmæti sjávarfangs. Styrkir
eru veittir sem taka á öllum
þáttum sjávarútvegs og fisk-
eldis. Á árinu 2009 hafði sjóð-
urinn til ráðstöfunar 335 millj-
ónir króna, en auk þess var
sjóðnum falið að sjá um um-
sóknir vegna sérstakra fjár-
veitingar til rannsókna á eldi
sjávardýra, en til þeirra verk-
efna er ráðstafað 19 milljón-
um króna árlega.
Um 42% upphæðarinnar
fóru til rannsókna í veiðum
og vinnslu, 29% til fiskeldis,
17% til markaðsrannsókna og
12% til líftækni. Meðal verk-
efna í veiðum og vinnslu má
nefna verkefnið Valka sem
snýst um sjálfvirka röðun inn
á lausfrysta og í kassa, rann-
sóknir á vöðvadrepi í letur-
humri, aðlöðun og gildrun
þorsks, veiði, vinnsla og út-
flutningur á lifandi kúfskel. Í
líftækni má nefna nýtingu
grásleppuhvelju til kollagen-
framleiðslu, áhrif þorskeldis á
villta stofna, kynbætur á
þorski og seiðaeldi, bætt
frjóvgun lúðuhrogna, áhrif
seltu á vaxtarhraða, fóðurnýt-
ingu og líffræði þorsks og
styttingu ræktunartíma kræk-
lings.
Frekari umfjöllun verður
um Sjávarútvegsráðstefnuna
2010 í næsta tölublaði Ægis.
POKABEITA – POKABEITA
ÝSA – STÓRÝSA– ÝSA
Línusjómenn og útgerðarmenn
Nú er ýsan í algleymingi og verðið gott og rétti tíminn til að
huga að bættri nýtingu veiðiheimilda og afla.
Þeir sem nota pokabeitu tryggja jafnframt
framfarir í línuveiðum
aukna valhæfni tegunda og stærða
hreinlegri og þægilegri vinnu
meiri fjölbreytni í beituhráefni
betri nýtingu hráefnis
ótal blöndunarmöguleika og margt fleira.
Beitingavél komin á markað og virkar vel.
Bernskan ehf.
Njarðarbraut 1 – Súðavík – Sími 896 0940 – Netfang: sud.bernskan@simnet.is – Heimasíða: www.pokabeita.is
Þátttakendur í Sjávarútvegsráðstefnunni 2010 hlýða á framsöguerindi. Myndir:
Geir Guðsteinsson
Aukinn afrakstur
með menntun í
tækni- og verk-
fræðigreinum
- sagði Sjöfn Sigurgísladóttir, forstjóri
Matís á Sjávarútvegsráðstefnunni 2010
Sjöfn Sigurgísladóttir, forstjóri Matís.