Ægir - 01.01.2012, Blaðsíða 38

38
Samkvæmt nýrri samantekt
Hagstofu Íslands lækkaði
hagnaður sjávarútvegs lítil-
lega sem hlutfall af heildar-
tekjum milli áranna 2009 og
2010. Í fiskveiðum og -vinnslu
lækkaði þetta hlutfall úr 31%
í 28,9%. Í fiskveiðum hækkaði
það úr 26,3% árið 2009 í
26,6% af tekjum árið 2010 en
lækkaði í fiskvinnslu úr 20,8%
í 16,1%.
Hreinn hagnaður botnfisk-
veiða og -vinnslu, reiknaður í
hlutfalli við tekjur samkvæmt
árgreiðsluaðferð, lækkaði úr
25,1% af tekjum árið 2009 í
21,5% árið 2010. Hreinn
hagnaður botnfiskveiða lækk-
aði úr 18,3% af tekjum í
15,9% en hagnaður botnfisk-
vinnslu lækkaði úr 18,7% af
tekjum í 15,3%. Afkoma sjáv-
arútvegsins í heild var mjög
góð og var hagnaður 19,8%
að frádregnum milliviðskipt-
um með hráefni.
Verð sjávarafurða á er-
lendum mörkuðum í íslensk-
um krónum hækkaði um
3,6% frá fyrra ári en verð á
flotaolíu hækkaði um 17% að
meðaltali á milli ára. Útflutn-
ingsverðmæti sjávarútvegs
jókst um 5,7%, verð á útflutn-
ingsvörum í sjávarútvegi
hækkaði um 6,7% þannig að
magn útfluttra sjávarafurða
dróst saman um 1%. Afli upp
úr sjó metinn á föstu verði
dróst saman um 8% á sama
tímabili. Hluti af skýringunni
á þessum mismun er sam-
dráttur í birgðum sjávarút-
vegsins milli áranna 2009 og
2010.
Hagnaður var á rekstri
mjölvinnslu og uppsjávar-
veiðiskipa á árinu 2010.
EBITDA mjölvinnslu, þ.e.
hagnaður fyrir fjármagnsliði,
skatta og afskriftir, var 28,9%
og uppsjávarveiðiskipa 32,3%
af tekjum. Afli þessara skipa
var um 8% minni en fyrra ár
en verð á uppsjávarfiski
hækkaði um 10%.
Um 570 bátar, flestir minni
en 10 brúttótonn, voru við
strandveiðar fiskveiðiárið
2009/2010. Afli bátanna var
um 6.300 tonn og aflaverð-
mætið rúmlega 1,7 milljarðar.
EBITDA strandveiðanna árið
2010 var 14,6%.
Eiginfjárhlufallið hækkar
Samkvæmt efnahagsreikningi
voru heildareignir sjávarút-
vegs í árslok 2010 rúmir 559
milljarðar króna, heildar-
skuldir rúmir 500 milljarðar
og eigið fé tæplega 59 millj-
arðar. Verðmæti heildareigna
lækkaði um 5,2% frá 2009 en
skuldir lækkuðu um 11,2%.
Eiginfjárhlutfallið reyndist
10,5% en 4,5% í árslok 2009.
Eiginfjárhlutfallið hafði verið
neikvætt um tæplega 12% í
árslok 2008 en árin þar á
undan var eiginfjárhlutfallið á
bilinu 24-29%.
S J Á V A R Ú T V E G U R
K R O S S G Á T A
Afkoma sjávarútvegs árið 2010:
Hreinn hagnaður um 20%
Siglingastofnun Íslands vinnur að auknu öryggi og velferð sjófarenda og stuðlar að
hagkvæmni í siglingum, sjávarútvegi og samgöngum. Á meðal hlutverka stofnunarinnar
eru rannsóknir á sviði siglinga- og hafnamála, upplýsingakerfi um veður og sjólag,
siglingavernd og hafnarríkiseftirlit, undirbúningur og eftirlit við hafnir og sjóvarnir,
rekstur vita og leiðsögukerfis og veiting starfsleyfa til áhafna og útgerða.
Í einkunnarorðunum Í örugga höfn felst leiðarljós
og inntak starfs Siglingastofnunar Íslands.
Í ÖRUGGA
HÖFN