Ægir - 01.01.2012, Blaðsíða 12

12
ist frá Eystrahorni suður um til Breiðafjarðar, en fullorðnir fisk-
ar höfðu ekki fundist fyrr en nú. Þessi smávaxni kýtlingur er
botnfiskur sem heldur sig mest á 25-125 m dýpi.
Svarthveðnir, Centrolophus niger
Svarthveðnis varð vart við landið, líkt og undanfarin ár.
Mest varð vart við hann undan Suðvesturlandi, en einnig und-
an Suðausturlandi þar sem Börkur NK veiddi einn 41 cm lang-
an í flotvörpu.
Bretahveðnir, Schedophilus medusophagus
All nokkrir bretahveðnar veiddust á árinu, einkum undan
suðausturströnd landsins, en einnig á Reykjaneshrygg.
Dílakjafta, Lepidorhombus boschii
Þessi tegund hefur nýlega tekið sér búfestu við Ísland, en
fyrstu fiskarnir sem vitað er um hér við land veiddust árið
2008. Til þessa hefur einungis fréttst af dílakjöftu í humarleið-
angri Hafrannsóknastofnunar, en í þeim leiðangri hefur hún
veiðst á 136-279 m dýpi á Reykjanesgrunni, Selvogsbanka, suð-
ur af Surtsey, í Háfadjúpi og Skeiðarárdjúpi. Alls hafa veiðst 15
fiskar, 21-39 cm á lengd. Gera má ráð fyrir að dílakjafta slæðist
með í afla humarbáta og væri fróðlegt ef þeir létu vita ef þeir
rekast á “skrýtna” stórkjöftu. Dílakjafta er með mun styttri
trjónu og með fjóra áberandi svarta bletti aftarlega á bak- og
raufarugga.
Tunglfiskur, Mola mola
Það fréttist af þremur tunglfiskum á árinu. Í lok júní fékk
Kap VE um eins metra langann tunglfisk í flottroll suðvestur af
Reykjanesi og í lok júlí fannst annar álíka stór rekinn á fjörur í
Mýrdal. Með þann þriðja var komið með til Hafrannsóknastofn-
unar, en þeir sem tóku á móti honum láðist að taka niður nafn
þess sem kom með gripinn og upplýsingar um veiðistað. Er
hér með auglýst eftir þeim góða manni og hann beðinn að
hafa samband við greinarhöfund.
Ýmsar forvitnilegar tegundir veiddust í leiðöngrum Hafrann-
sóknastofnunar. Í haustralli, sem farið er umhverfis land bæði
djúpt og grunnt, voru þessar helstar: Digurnefur (Hydrolagus
mirabilis), langnefur (Harriotta raleighana), hvítnefur (Hy-
drolagus pallidus), grænlandsnaggur (Nansenia groenlandica),
kryppuangi (Platytroctes apus), kjálkastirnir (Gonostoma elon-
gatum), broddatanni (Borostomias antarcticus), marsnákur
(Stomias boa ferox), kolskeggur (Trigonolampa miriceps), kol-
bíldur (Malacosteus niger), uggi (Scopelosaurus lepidus),
trjónuhali (Caelorinchus caelorhincus), mjóhali (Coryphaenoi-
des brevibarbis), svartdjöfull (Melanocetus johnsonii), svart-
hyrna (Oneirodes eschrichtii), bjúgtanni (Anoplogaster cor-
nuta), ennisfiskur (Platyberyx opalescens), grænlandsmjóri
(Lycodes adolfi), djúpmjóri (Lycodes terraenovae) og gleypir
(Chiasmodon harteli).
Úr öðrum leiðöngrum Hafrannsóknastofnunar veiddust t.d.
þessar tegundir: Stuttnefur (Hydrolagus affinis), hvítaskata
(Raja lintea), drumbur (Thalassobathia pelagica), bletta (Gai-
dropsarus vulgaris), ljóskjafta (Ciliata septentrionalis), rósafisk-
ur (Rhodichthys regina), brynstirtla (Trachurus trachurus), guli
brandáll (Gymnelus retrodorsalis), álbrosma (Lycenchelys mu-
raena), aurláki (Lycodonus flagellicauda), kambhríslungur
(Chirolophis ascanii), fuðriskill (Icelus bicornis), flekkjaglitnir
(Callionymus maculatus), skrautglitnir (Callionymus lyra), og
litli flóki (Phrynorhombus norvegicus).
Helstu heimildir
Gunnar Jónsson og Jónbjörn Pálsson. 2006. Íslenskir fiskar. Edda,
Reykjavík. 336 bls.
Cohen, D.M., T. Inada, T. Iwamoto & N. Scialabba. 1990. FAO species
catalogue.
Vol. 10. Gadiform fishes of the world (Order Gadiformes). An annota-
ted and illustrated catalogue of cods, hakes, grenadiers and other
gadiform fishes known to date. FAO Fisheries Synopsis. No. 125,
Vol. 10. Rome, FAO. 1990, 442 bls.
S J A L D G Æ F I R F I S K A R
Tunglfiskur sem veiddist árið 2010.