Skinfaxi - 01.05.2012, Blaðsíða 3
SKINFAXI – tímarit Ungmennafélags Íslands 3
Um verslunarmannahelgina verður 15. Ungl-
ingalandsmót Ungmennafélags Íslands hald-
ið á Selfossi í umsjón Héraðssambandsins
Skarphéðins og sveitarfélagsins Árborgar.
Unglingalandsmót Ungmennafélags Íslands
er sá viðburður á Íslandi sem er hvað vinsæl-
ast að sækja heim um verslunarmannahelg-
ina. Fyrsta Unglingalandsmótið var haldið á
Dalvík 1992 og síðan var mót haldið þriðja
hvert ár þar til árið 2000 þegar mótið var
haldið í fyrsta skipti um verslunarmannahelg-
ina á Bíldudal og Tálknafirði. Sú ákvörðun
ungmennafélaga að halda mótið árlega um
verslunarmannahelgi var tilraun til að láta á
það reyna hvort hægt væri að halda vímu-
efnalaust íþrótta- og fjölskyldumót um þessa
mestu ferða- og útivistarhelgi landsmanna.
Fáum leist vel á þessa hugmynd í upphafi og
töldu menn hana vonlausa. Verslunarmanna-
helgin væri í hugum landsmanna skemmti-
helgi þar sem Bakkus væri kærkominn ferða-
félagi. Ungmennafélagar ákváðu hins vegar
að leggja allt undir og láta reyna á þátttök-
una sem fór fram úr björtustu vonum og að
loknu fyrsta verslunarmannahelgarmótinu
var ljóst að í framtíðinni yrðu mótin haldin á
hverju ári um þessa helgi.
Unglingalandsmótin eru fjölbreyttar og
skemmtilegar fjölskyldu-, íþrótta- og for-
varnahátíðir þar sem keppendur eru á aldr-
inum 11–18 ára og stórfjölskyldan getur
tekið þátt í fjölbreyttri dagskrá.
Segja má að hið uppeldislega gildi Ungl-
ingalandsmótanna, þar sem öllum börnum
og unglingum á aldrinum 11–18 ára er gert
kleift að taka þátt, sé að leggja áherslu á
að árangur í íþróttum verði ekki eingöngu
mældur í afrekum heldur að í þátttökunni
felist einnig heilsuefling, forvörn og góður
félagsskapur.
Fjöldi rannsókna sýnir að þátttaka í íþrótt-
um eykur sjálfstraust, hún eflir vitund einstakl-
ingsins um sjálfan sig og aflar honum virðing-
ar annarra, ýtir undir tengslamyndun og
traust. Hún minnkar líkurnar á neyslu áfengis
og annarra vímuefna. Hún skapar sameigin-
lega hagsmuni og gildi og kennir félagslega
færni sem er nauðsynleg í lýðræðissamfélagi.
Það er því til mikils að vinna og Unglinga-
landsmótin eru það lóð á vogarskálina sem
ungmennafélagshreyfingin vill leggja þar til
að ná fram þessum markmiðum.
Samvera fólks er ein af áhrifamestu þátt-
um Unglingalandsmótanna. Fjölmargar rann-
sóknir hafa ítrekað sýnt fram á tengsl upp-
byggilegrar samveru, umhyggju og hlýju frá
fjölskyldunni, við forvarnir í uppvexti barna
og unglinga. Börn úr samheldnum fjölskyld-
um eru mun ólíklegri en önnur börn til að
ánetjast áfengi eða öðrum vímuefnum eða
lenda í slæmum félagsskap.
Sá mikli fjöldi fólks sem sækir Unglinga-
landsmótin á hverju ári er sammála hreyfing-
unni um að hægt sé að halda áfengis- og
vímuefnalausa hátíð um verslunarmanna-
helgina. Tilraunin, sem lagt var af stað með í
upphafi árið 2000, hefur því heppnast full-
komlega.
Unglingalandsmótið er stærsta íþróttamót-
ið sem haldið er á Íslandi árlega. Til að halda
slíkt mót þarf aðstaða fyrir keppendur og
mótsgesti að vera góð. Mikil uppbygging
hefur átt sér stað á íþróttamannvirkjum á
Selfossi undanfarin ár. Aðstaðan á svæðinu
er einstaklega góð þar sem nær allir keppnis-
staðir eru í göngufæri hver við annan. Lík-
lega er þetta svæði besta landsmótssvæðið
hingað til, nánast fullkomið, enda allt í göngu-
eða reiðhjólafæri sem er mikill kostur.
Það er aðdáunarvert og til eftirbreytni að
sveitarfélagið Árborg skuli með svo myndar-
legum hætti styðja við íþróttahreyfinguna,
ekki aðeins á Selfossi heldur einnig á öllu
Suðurlandi og landinu öllu. Með jákvæðum
stuðningi sínum hefur sveitarfélagið gert HSK
kleift að halda Unglingalandsmótið í ár og
Mikill ávinningur fyrir okkur öll
Landsmótið 2013 og til viðbótar hefur verið
útbúið tjaldsvæði með góðri aðstöðu þar sem
mun fara vel um keppendur og mótsgesti.
Á Selfossi er góð þjónusta í boði, úrval
verslana, veitingastaðir, hótel og gististaðir.
Í Árborg og nágrannasveitarfélögum eru
einstakar náttúruperlur og sögustaðir sem
vert og gaman er að heimsækja.
Undirbúningur og framkvæmd Unglinga-
landsmótsins er mikið verkefni fyrir mótshald-
ara. Stór hópur sjálfboðaliða kemur að mót-
inu sem gerir alla undirbúningsvinnu og
framkvæmd þess mögulega. Þetta fórnfúsa
og mikla starf sjálfboðaliða og starfsmanna
og með góðu samstarfi við sveitarfélagið og
öflugum stuðningi styrktaraðila gerir það að
verkum að öll umgjörð og undirbúningur
mótsins verður hin glæsilegasta.
Ríkisvaldið hefur stutt vel við uppbyggingu
og framkvæmd Unglingalandsmótanna frá
upphafi og fyrir þann góða stuðning, ásamt
stuðningi frá styrktaraðilum mótsins, er
hreyfingin ákaflega þakklát.
15. Unglingalandsmót UMFÍ á Selfossi er
góður valkostur fyrir alla og því er um að
gera að skella sér á mótið því þar finna allir
aldurshópar eitthvað við sitt hæfi. Forgangs-
röðum og gefum okkur tækifæri til að upp-
lifa einstaka skemmtun í góðra vina hópi þar
sem ungmennafélagsandinn ræður för.
Verið öll hjartanlega velkomin á Unglinga-
landsmót og njótið þess að taka þátt í
skemmtilegri og fjölbreyttri dagskrá. Það
verður tekið vel á móti þér og við hlökkum
til að sjá þig.
Íslandi allt!
Helga Guðrún Guðjónsdóttir,
formaður UMFÍ
Helga Guðrún
Guðjónsdóttir,
formaður UMFÍ.
Helga Guðrún Guðjónsdóttir, formaður UMFÍ:
Stella Guðmundsdóttir, ekkja Pálma
Gíslasonar, fyrrum formanns Ung-
mennafélags Íslands, færði 29. mars sl.
UMFÍ peningagjöf sem renna á í
Umhverfissjóð UMFÍ, minningarsjóð
Pálma Gíslasonar.
Peningagjöf í
Umhverfissjóð,
minningarsjóð
Pálma Gíslasonar
Helga Guðrún Guðjónsdóttir, formaður
UMFÍ, og Stella Guðmundsdóttir við
afhendingu peningagjafarinnar.
Æskuvinkona Stellu, Björg S.
Dranidzke, búsett á Long Island í Banda-
ríkjunum, ákvað að láta fé af hendi
rakna í umræddan sjóð til minningar
um Pálma. Helga Guðrún Guðjóns-
dóttir, formaður UMFÍ, tók við gjöfinni
úr hendi Stellu Guðmundsdóttur í
þjónustumiðstöð UMFÍ.
Helga Guðrún sagðist við þetta tæki-
færi vilja koma á framfæri þökkum fyrir
hönd UMFÍ en þessi gjöf væri hreyfing-
unni ómetanlegur stuðningur og jafn-
framt til að heiðra minningu fyrrum
formanns UMFÍ.