Skinfaxi - 01.05.2012, Blaðsíða 13
SKINFAXI – tímarit Ungmennafélags Íslands 13
„Unglingalandsmótin eru frábær ung-
mennahátíð. Mótin hafa þróast og breyst
mikið frá því að ég sjálf tók þátt í mótinu
sem haldið var á Blönduósi fyrir mörgum
árum. Það er alveg ótrúlegt hvað þessi mót
hafa vaxið og dafnað með þeim jákvæða
hætti sem raun ber vitni. Mótin eru í senn
ekki bara fyrir keppendur heldur er þetta
fjölskylduhátíð. Ég kom á mótið á Egils-
stöðum í fyrra og það var einstaklega
glæsilegt. Það er gaman að sjá hvað stór
hópur fólks er tilbúinn að leggja á sig sjálf-
boðavinnu svo að allt gangi sem best,“
sagði Bryndís Gunnlaugsdóttir sem
dæmdi körfuknattleik á Unglingalands-
mótinu á Egilsstöðum í fyrrasumar.
Bryndís lék lengi körfuknattleik með
nokkrum félögum og hefur setið í stjórn
Körfuknattleikssambands Íslands sl. fjögur
ár. Hún er lögfræðingur að mennt, vinnur
hjá Ríkisskattstjóra og er forseti bæjar-
stjórnar Grindavíkur.
„Það stóð nú ekki til að ég dæmdi körfu-
bolta á Egilsstöðum í fyrra. Ég var í sumar-
fríi og var að heimsækja félaga mína,
Gunnar Gunnarsson og Stefán Boga
Sveinsson hjá UÍA. Þeir voru báðir á kafi í
undirbúningi fyrir mótið og báðu mig um
að aðstoða og þar á meðal að ég dæmdi
körfuboltann á mótinu. Þetta var ofsalega
gaman en körfuboltinn hefur alltaf verið
vinsæl grein á Unglingalandsmótunum.
Það er gaman að sjá hvað margir krakkar
eru að kynnast körfuboltanum í fyrsta sinn
á mótunum og fara síðan mörg hver að
æfa og keppa eftir mótið. Ég hvet alla til
að fara og keppa á Unglingalandsmóti.
Þetta er ógleymanleg upplifun fyrir alla
fjölskylduna,“ sagði Bryndís Gunnlaugs-
dóttir í samtali við Skinfaxa.
Bryndís Guðlaugsdóttir, lögfræðingur og forseti bæjarstjórnar Grindavíkur:
Ógleymanleg upplifun fyrir alla fjölskylduna
arionbanki.is – 444 7000
Að hlúa
að sparnaði
fyrir þig og þína
Byrjum að hlúa að sparnaði fyrir stóru stundirnar í lífinu.
Það er nóg að byrja með lága upphæð á mánuði, fyrstu skrefin
þurfa ekki að vera stór til að þú sjáir árangurinn.
Hvernig vilt þú leggja fyrir? Viltu leggja inn á sparnaðar-
reikning, kaupa í ríkistryggðum sjóðum eða öðrum sjóðum?
Byrjaðu í dag að hlúa að sparnaðinum þínum.
Hafðu samband í síma 444 7000 eða komdu við
í næsta útibúi. Við tökum vel á móti þér.
Bryndís Gunn-
laugsdóttir dæmdi
í körfuknattleiks-
keppninni á Ungl-
ingalandsmóti UMFÍ
á Egilsstöðum í
fyrrasumar.