Skinfaxi - 01.05.2012, Blaðsíða 29

SKINFAXI – tímarit Ungmennafélags Íslands 29
AÐALFUNDUR NSU:
Anna Möller
heiðruð fyrir
störf sín
Aðalfundur Nordisk Samorganisation for
Ungdomsarbejde, NSU, var haldinn í
Reykjavík 14. apríl sl. en UMFÍ er meðlimur
í þessum samtökum. Á þeim vettvangi er
unnið mikið af sameiginlegum verkefnum
sem tengja Norðurlöndin saman. Þar má
nefna ungmennaskipti, ungmennavikur
og markmiðsráðstefnur.
Anna Möller, sem hefur gegnt for-
mennsku í samtökunum síðastliðin tíu ár,
gaf ekki kost á sér til endurkjörs og var
Morten Meng frá Suður-Slésvík kjörinn
formaður í hennar stað. Anna var heiðruð
sérstaklega fyrir störf sín fyrir samtökin.
Morten Meng hafði betur í baráttu við
Norðmanninn Kristian Fjellanger. Morten
kemur úr SDU-samtökunum (Slésvík).
Auk Önnu Möller sátu fundinn Gunnar
Gunnarsson, Jörgen Nilsson, Björn B.
Jónsson, fyrrum formaður UMFÍ og NSU,
sem var fundarstjóri, og Helga Guðrún
Guðjónsdóttir, formaður UMFÍ. Björg
Jakobsdóttir, sem var aðalmaður í stjórn
NSU, gaf ekki kost á sér áfram og tekur
Jörgen Nilsson sæti hennar. Gunnar
Gunnarsson kemur nýr inn í varastjórn.
Anna Möller með þeim Frode Aleksander Rismyhr
og Carsten Kronborg Andersen sem báðir eru
varaformenn NSU.
Morten Meng,
nýkjörinn formaður
NSU.
Ársþing starfsíþróttaráðs UMFÍ var haldið í
Selinu á Selfossi 28. apríl sl. Þingforseti var
Guðríður Aadnegaard, formaður HSK, og
Aðalbjörg Hafsteinsdóttir, UFA, ritari.
Formaður starfsíþróttaráðs, Halldóra
Gunnarsdóttir, HSÞ, flutti skýrslu stjórnar
og sagði hún frá aðdragandanum að stofn-
un ráðsins og því hvert hlutverk þess væri,
sem er að halda utan um starfsíþróttir
UMFÍ. Reglugerðir starfsíþrótta eru komn-
ar inn á heimasíðu UMFÍ. Í máli formanns
kom fram að helsta hlutverk ráðsins síð-
ustu tvö árin hefði verið að leiðbeina fólki
og veita ráðgjöf um starfsíþróttir. Hún
lagði mikla áherslu á að starfsíþróttir nytu
sömu virðingar og aðrar íþróttir.
Hjá þingfulltrúum kom m.a. fram að starfs-
íþróttir væru ákaflega heillandi og því mikil-
vægt að gera veg þeirra sem mestan. Starfs-
íþróttir eru ekki eingöngu bundnar við Lands-
mót UMFÍ heldur er hægt að skella á starfs-
íþróttamóti í einni eða fleiri greinum hvenær
og hvar sem er. Einn þingfulltrúa kom með
hugmynd að keppni í tölvuleikjum sem nýja
starfsíþróttagrein og annar kom með hug-
mynd að keppni í kveðskap og rímum. Leist
þingfulltrúum vel á báðar hugmyndirnar.
Á Unglingalandsmóti UMFÍ á Selfossi verð-
ur keppt í tveimur starfsíþróttagreinum, staf-
setningu og upplestri, og mun keppnin fara
fram í Fjölbrautaskólanum á Selfossi. Keppt
verður í tveimur aldurshópum, 11–14 ára og
15–18 ára. Á Landsmóti UMFÍ 50+ í Mos-
fellsbæ í sumar var keppt í þekkingu á Lax-
ness og bókum hans og í pönnuköku-
bakstri. Töluverð umræða varð um það
hvenær starfsíþrótt teljist starfsíþrótt.
Halldóra Gunnarsdóttir, HSÞ, var endur-
kjörin formaður starfsíþróttaráðs UMFÍ,
Aðalbjörg Hafsteinsdóttir, UFA, ritari og
Sigurður Aðalsteinsson, UÍA, féhirðir. Vara-
menn í stjórn voru kosnir Hallfríður Aðal-
steinsdóttir, HSK, og Jóhanna Gunnlaugs-
dóttir, UMSE. Skoðunarmenn reikninga
voru kosnir þeir Sigurjón Bjarnason og
Sigurjón Jónasson.
Helga G. Guðjónsdóttir, formaður UMFÍ,
var gestur á þinginu.
Fulltrúar aðildar-
félaga á aðalfundi
NSU, Nordisk Sam-
organisation for
Ungdomsarbejde.
Ársþing starfsíþróttaráðs UMFÍ: