Skinfaxi - 01.05.2012, Blaðsíða 22
22 SKINFAXI – tímarit Ungmennafélags Íslands
Mikil uppbygging íþróttamannvirkja á Selfossi
vegna Landsmóta UMFÍ 2012 og 2013
15. Unglingalandsmót UMFÍ verður haldið á Selfossi dagana 3.–5. ágúst nk.
og 27. Landsmót UMFÍ verður haldið á sama stað dagana 4.–7. júlí 2013.
Eftir að ákvörðun lá fyrir um að Landsmót þessi yrðu haldin á Selfossi hefur
verið markviss uppbygging íþróttamannvirkja í Sveitarfélaginu Árborg en í
því er Selfoss stærsti þéttbýliskjarninn auk Eyrarbakka og Stokkseyrar.
Náin samvinna við íþróttahreyfinguna
Allt frá því að farið var að ræða um hvernig byggja ætti upp Selfossvöll hafa
fulltrúar íþróttahreyfingarinnar tekið þátt í hugmyndavinnunni til að sjónar-
mið notenda kæmu fram. Þessi aðferð tókst mjög vel og þegar áfram var
haldið var stofnaður sérstakur samráðshópur með fulltrúum bæjarstjórnar,
embættismanna sveitarfélagsins og Ungmennafélags Selfoss sem hittist
reglulega og lagði á ráðin um hvernig standa skyldi að uppbyggingu vallar-
ins. Átti að gera tvo keppnisvelli, annan fyrir knattspyrnu en hinn fyrir frjálsar
íþróttir? Átti að tyrfa grasvellina eða sá í þá? Þetta voru aðeins tvær af þeim
fjölmörgu spurningum sem hópurinn þurfti að finna svör við. Farið var í
skoðunarferðir á aðra íþróttavelli og sérfræðingar voru fengnir til aðstoðar.
Allt þetta ferli, þar sem álit notenda skipti miklu máli, skilaði því að Selfoss-
völlur er að verða með bestu íþróttasvæðum á landinu. Uppbyggingin er
langt komin, tilbúnir eru keppnis- og æfingavellir fyrir knattspyrnu, frjáls-
íþróttavöllur og sérstakt kastsvæði, gervigrasvöllur í fullri stærð, stúka og
brekkur fyrir áhorfendur. Búningsklefar undir stúkumannvirkinu eru í smíð-
um en þeir verða tilbúnir vorið 2013. Keppendur á Unglingalandsmótinu
þurfa þó engu að kvíða því að nóg er af búningsklefum á svæðinu.
Gestir á Landsmótunum hvattir til að taka
reiðhjólin með sér
Fremur stutt er á milli allra keppnissvæðanna á Selfossi og tjaldsvæði kepp-
enda og fjölskyldna þeirra einungis 1,5 km frá aðalkeppnissvæðinu á Selfoss-
velli. Bæjarlandið er flatt og því er kjörið að taka reiðhjólið með sér á Ungl-
ingalandsmótið sem og Landsmótið 2013 og ferðast á því milli staða.
Göngustígakerfið innan bæjarins gerir það að verkum að í mörgum tilfellum
er fljótlegra að hjóla en að fara á bílnum milli staða. Keppendur og gestir
eru því hvattir til að taka með sér reiðhjól enda er frábært að geta nýtt sér
heilsusamlegan ferðamáta á mótunum. Einnig er stutt í skemmtilegar
gönguleiðir, t.d. um Hellisskóg eða upp á Ingólfsfjall.
Strætó mun þó ganga reglulega milli tjaldsvæðisins við Suðurhóla, Selfoss-
vallar og miðbæjarins á Selfossi alla keppnisdagana sem keppendur og
gestir geta nýtt sér endurgjaldslaust.
Fjölþætt verslun og þjónusta á Selfossi
Á Selfossi má finna fjölþætta og skilvirka verslun og þjónustu fyrir íbúa og
aðkomufólk. Fjöldamargar verslanir bjóða þar upp á fjölbreytt vöruúrval.
Þar má nefna matvöru, föt, tölvur, skrifstofuvörur, byggingarvörur, hjólreiða-
vörur, íþróttabúnað, veiðisport og gjafavörur. Á heimasíðu Sveitarfélagsins
Árborgar, www.arborg.is og á www.ulm.is munu verða aðgengilegar upp-
lýsingar um opnunartíma verslana á meðan Unglingalandsmótið stendur
og einnig kort af svæðinu sem sýnir m.a. akstursleiðir inn á Selfoss en auk
þess að aka að vestan yfir Ölfusárbrú eða að austan fram hjá mjólkurbúinu
er hægt að koma inn eftir Eyrarbakkavegi, ef ekið er yfir Ölfusá um Óseyrar-
brú, t.d. ef komið er eftir Þrengslavegi eða Suðurstrandarvegi, og lenda þá
nánast beint inn á tjaldsvæðið.
Fyrir þá sem vilja komast í fjölbreytta afþreyingu eru t.d. söfn á Stokkeyri
og Eyrarbakka sem og stórbrotið fuglafriðland við ósa Ölfusár. Húsið og
Sjóminjasafnið eru á Eyrarbakka og Veiðisafnið, Álfa-, trölla- og norðurljósa-
safnið sem og Draugasetrið og Lista- og menningarverstöðin eru á
Stokkseyri.
Sveitarfélagið Árborg býður keppendur, fjölskyldur þeirra og aðra gesti
velkomna á 15. Unglingalandsmót UMFÍ.