Skinfaxi - 01.05.2012, Blaðsíða 35

SKINFAXI – tímarit Ungmennafélags Íslands 35
Þátttaka í Frjáls-
íþróttaskóla UMFÍ
aldrei betri
Frjálsíþróttaskóli Ungmennafélags Íslands
var haldinn í fimmta sinn í sumar og voru
haldin námskeið á fjórum stöðum víðs veg-
ar um landið. Námskeiðin fóru fram á Egils-
stöðum, Laugum í Þingeyjarsýslu og á
Sauðárkróki, dagana 11.–15. júní. Skólinn
var starfræktur í Borgarnesi 18.–22. júní og
síðasta námskeið sumarsins var haldið á
Selfossi 16.–20. júlí.
Frjálsíþróttaskólinn var fyrst haldinn árið
2008 á þremur stöðum á landinu; í Borgar-
nesi, á Sauðárkróki og Egilsstöðum. Frjáls-
íþróttaskólinn er ætlaður ungmennum á
aldrinum 11–18 ára. Ungmennin koma
saman á hádegi á mánudegi en skólanum
lýkur á hádegi á föstudegi í sömu viku. Aðal-
áhersla er lögð á kennslu í frjálsum íþrótt-
um. Auk frjálsra íþrótta er farið í sund, leiki,
óvissuferðir og haldnar eru kvöldvökur.
Ungmennafélag Íslands hefur yfirumsjón
með framkvæmd skólans og annast sam-
eiginlega kynningu á starfseminni. Sam-
bandsaðilar á því svæði sem skólinn er
haldinn á hverju sinni sjá um að finna kenn-
ara og aðstoðarmenn til starfa við skólann.
Lagt var upp með að hafa fagmenntaða
kennara á hverjum stað til að tryggja sem
besta kennslu fyrir ungmennin.
Námskeiðin gengu alls staðar mjög vel
og hefur aðsóknin aldrei verið eins góð að
sögn Sigurðar Guðmundssonar, landsfull-
trúa UMFÍ. Þátttakendur lýstu á öllum stöð-
unum yfir mikilli ánægju og margir eru
staðráðnir í því að mæta aftur næsta sumar.
Þjálfarar við skólann á Egilsstöðum voru
Hildur Bergsdóttir, Heiður Vigfúsdóttir,
FRJÁLSAR:
Lilý Viðarsdóttir, Daði Fannar Sverrisson
og Elsa Guðný Björgvinsdóttir. Þátttakend-
ur voru 22. Oktavía Edda Gunnarsdóttir
sá um þjálfunina í skólanum í Borgarnesi,
en alls sóttu 32 krakkar námskeiðið þar.
Jón Friðrik Benónýsson var aðalþjálfari
við skólann á Laugum í Þingeyjarsýslu
og Selmdís Þráinsdóttir var honum til
aðstoðar. Þátttakendur voru alls 15 á
Laugum. Árni Geir Sigurbjörnsson og
Gunnar Sigurðsson sáu um þjálfunina
á Sauðárkróki en alls voru 25 krakkar á
námskeiðinu. Ólafur Guðmundsson var
aðalþjálfari á Selfossi.
Þátttakendur í Frjálsíþrótta-
skólanum á Egilsstöðum.
Brosmildir þátttakendur í Frjálsíþróttaskólanum í Borgarnesi.
Pokasjóður úthlutaði þann 5. júní sl. 70
milljónum króna til 83 aðila og fór
athöfnin fram í Salnum í Kópavogi. Að
þessu sinni ákvað sjóðurinn að styrkja
verkefni af tvennum toga, þ.e. verkefni
sem tengjast mannúðarmálum og verk-
efni sem tengjast umhverfismálum.
Alls bárust sjóðnum yfir 400 umsóknir
en þetta var í 16. sinn sem úthlutað er úr
sjóðnum. Ungmennafélag Íslands, sem
heldur úti verkefninu Fjölskyldan á
fjallið, fékk styrk upp á 500 þúsund krónur
sem fer í merkingar gönguleiða á fjöllum.
Styrkþegar fyrir utan Salinn í Kópavogi þar
sem úthlutunin fór fram.
Verkefnið Fjölskyldan á fjallið fékk styrk úr Pokasjóði