Morgunblaðið - Sunnudagur - 04.01.2015, Blaðsíða 37

4.1. 2015 MORGUNBLAÐIÐ SUNNUDAGUR 37
Sé leitað að orðinu „ljósritunarvél“ á hinum stórgóða vef
timarit.is kemur í ljós að elsta niðurstaðan sem fæst er frá
árinu 1970. Ekki verður hér fullyrt um hvenær fyrsta ljós-
ritunarvélin barst til Íslandsstranda en þó er ljóst að orðið
sjálft hefur hafið innreið sína í íslenska fjölmiðla í upphafi
áttunda áratugarins. Remington-ljósritunarvélin sem aug-
lýst var í Morgunblaðinu hinn 5. júlí 1970 var fær um að
prenta allt upp í 30 eintök á mínútu og tekið var fram að
hún skilaði af sér fyrsta afritinu eftir aðeins sjö sekúndur
og það án nokkurrar forhitunar. Lesendur blaðsins voru
hvattir til þess að kynna sér yfirburði vélarinnar.
Faðir ljósritunarvélarinnar var Bandaríkjamaðurinn
Chester Carlsson og fékk fyrsta einkaleyfi sitt fyrir vélinni
árið 1938. Ekki þarf að óttast að hann hafi ekki vitað
hvert hann átti að snúa sér í þeim efnum því svo heppilega
vildi til fyrir Carlsson að hann starfaði einmitt sem lög-
fræðingur á sviði einkaleyfa.
Á næstu áratugum náði vélin smám saman útbreiðslu
um víða veröld og hefur síðan þá auðveldað skrifstofufólki
lífið þar sem hún dælir út hverju afritinu á fætur öðru á
meðan viðkomandi stendur yfir henni og sötrar rjúkandi
kaffi.
GAMLA GRÆJAN
Ljósritunarvélin
Hver hefur ekki sett sér það
markmið að drekka nú aðeins
meira vatn? Eitt glas á morgnana.
Muna að drekka eitt glas fyrir
svefninn. Drekka tvö glös af vatni
fyrir hvern kaffibolla. Þótt alþekkt
sé að vatn sé líkamanum mik-
ilvægt og að mikill hluti mannslík-
amans sé vatn þjást afar margir af
vökvatapi og það getur leitt af sér
ýmsa sjúkdóma. Flest okkar eru
hins vegar of upptekin til að
drekka reglulega vatn. Yfirleitt
drekkum við ekki fyrr en við erum
orðin þyrst, sem er leið líkamans
til að tilkynna okkur að vatns-
magn sé ójafnvægi og að frumur
hans glími nú við vökvatap. Daily
Water er snjallsímaforrit sem ætl-
að er að stemma stigu við þessu
og hjálpa fólki að drekka nóg af
þessum magnaða vökva og fylgjast
með inntöku sinni. Vatn flytur
næringarefni og súrefni til
frumna, stillir af líkamshita, stuðl-
ar að efnaskiptum og svo fram-
vegis.
APPIÐ
Vatns-
drykkjan
greind
Viðmót smáforritsins er heiðblátt
eins og vökvans sem það varðar.
2/3 mannslíkamans eru vatn og það
er lífsnauðsynlegt öllum mönnum.
AFP