Ægir - 01.08.2014, Side 11

Tenging við flutningakerfið í Evrópu
Skipin þrjú sem hafa verið í flutningum á
vegum Samskipa til og frá landinu
undanfarin ár eru aðeins lítill hluti af
starfsemi fyrirtækisins. Samskip reka
einnig Grímseyjarferjuna Sæfara, en
langstærsti hluti af veltu félagsins, eða
um 80%, er hins vegar á meginlandinu.
Þar reka Samskip eitt umfangsmesta
vöruflutninganet Evrópu; í lestum, trukk-
um og á sjó. Þannig er Samskip með
þrettán gámaskip í föstum áætlunarsigl-
ingum erlendis, fimmtán skip eru í öðr-
um verkefnum þ.á.m. frystiflutningum,
auk fjölda leiguskipa sem eru í
tímabundnum verkefnum. Gunnar segir
að nú sé unnið að því að auka tengingu
flutningakerfis Samskipa á Íslandi við
flutningakerfi félagsins í Evrópu. „Þetta
er spennandi verkefni sem vonandi get-
ur leitt til enn hagkvæmari flutninga og
skemmri afhendingartíma.“ Að sögn
Gunnars teygir flutningakerfi Samskipa
sig til Rússlands í austri og frá nýrri og
öflugri flutningamiðstöð félagsins í Duis-
burg í Þýskalandi eru flutningar niður
eftir allri Evrópu. Nýjasta viðbótin er lest-
arlína niður til Tyrklands.
Gunnar segir sveiflur í sjávarútvegi
hér á landi óhjákvæmilega hafa mikil
áhrif á starfsemi Samskipa. Þannig hafi
mikill samdráttur í loðnu- og karfaveið-
um sett strik í reikninginn en mikil aukn-
ing í makrílveiðum vegi þar á móti. Allt
séu þetta ögrandi úrlausnarefni sem
þurfi að leysa. „Þannig höfum við til
dæmis fundið fyrir því að makrílvertíðin
hér heima skarast á við túlípanavertíð-
ina í Hollandi. Fyrir vikið hefur stundum
reynst erfitt að útvega hentuga gáma en
það leysum við að sjálfsögðu.“
Útflutningsdeildin
Alls starfa 11 manns í útflutningsdeild
Samskipa og sjálfur hefur Gunnar unnið
þar í 19 ár. Hann segir að innan deildar-
innar hafi safnast mikil þekking og
reynsla og þungamiðja starfsins sé
þjónustan við sjávarútveginn. „Hjá Sam-
skipum er lögð áhersla á persónulega
þjónustu. Við leggjum okkur fram um að
koma til móts við þarfir viðskiptavinanna
og bjóða lausnir sem henta hverju sinni.
Stundum þurfum við að fara óhefðbund-
ar leiðir og hugsa út fyrir boxið til að
þróa nýjungar,“ segir Gunnar Kvaran,
forstöðumaður útflutningsdeildar Sam-
skipa.
Í dag eru þrjú af skipum Samskipa í
Íslandssiglingum en stefnt er að því að
fjölga þeim í fjögur.
Góð reynsla af strand-
siglingum Samskipa
7
Um 80% af veltu Samskipa er vegna umsvifa erlendis en fyrirtækið rekur eitt af stærstu
flutningskerfum í Evrópu. Nú er unnið að því að tengja íslenska flutningskerfið betur við
erlenda kerfið.