Ægir - 01.08.2014, Síða 14

10
Nærri lætur að nú séu þegar í smíðum
og að samið hafi verið um smíði nýrra
fiskiskipa fyrir íslenskar útgerðir fyrir um
eða yfir 30 milljarða króna. HB Grandi
hf. er stærsta útgerðarfyrirtæki landsins
og það endurspeglast vel í þeirri 14 millj-
arða króna endurnýjun sem framundan
er á flota fyrirtækisins.
Nýlega samið um smíði
þriggja ísfisktogara
HB Grandi samdi nýlega um smíði
þriggja nýrra ísfisktogara. Skipin verða
55 metrar á lengd og 13,5 metrar á
breidd og munu vega um 1830 tonn.
Verða skipin útbúin fullkominni kæli-
tækni sem mun skila verðmætara hrá-
efni ásamt því að auka nýtingu og
geymslutíma. Nýju togararnir eru mun
umhverfisvænni og eyða þar með minni
olíu en eitt af helstu markmiðum fyrir-
tækisins er að stuðla að umhverfis-
vænni veiðum. Síðast en ekki síst verð-
ur vinnuaðstaða og aðbúnaður áhafnar
til fyrimyndar. Áætlað er að fyrsti togar-
inn komi til landsins á fyrsta ársfjórðungi
2016.
Smíði ísfisktogara er hluti af mikilli
endurnýjun HB Granda á skipaflota sín-
um. Til viðbótar togurunum þremur hef-
ur fyrirtækið samið um smíði á tveimur
nýjum og fullkomnum uppsjávarveiði-
skipum. Heildarverð þessara fimm skipa
nemur um 14 milljörðum króna.
Hagstætt umhverfi til nýsmíða
Nautic ehf. Í Reykjavík hannaði ísfiskt-
ogarana og verða þeir allir smíðaðir í
Celiktrans skipasmíðastöðvinni í Tyrk-
landi. Verulegur samdráttur hefur orðið í
nýsmíði skipa í Tyrklandi og á síðustu
5-6 árum hefur starfsmönnum í greininni
fækkað um 65%. Verkefnaskortur skipa-
smíðastöðva hefur því skapað kjörað-
stæður til samninga um nýsmíði.
Vilhjálmur Vilhjálmsson, forstjóri HB
Granda hf. segir að lög um veiðigjöld
hafi sett allar fjárfestingar í frost en nú
þegar væntingar séu um meiri hófsemi í
þeirri skattlagningu sé lag að til að tak-
ast á við uppsafnaða þörf fyrir endurnýj-
un flota fyrirtækisins.
Einnig eru tvö tvö ný og fullkomin
uppsjávarveiðiskip fyrir HB Granda í
smíðum hjá Celiktrans en samið var um
smíði þeirra í fyrra. Skipin eru 80 metra
löng og 17 metra breið með 2900
rúmmetra kælilestum. Þau eru búin
4600 kW aðalvélum frá Wärtsilä. Gangi
allar áætlanir eftir ætti fyrra uppsjávar-
skipið að koma til landsins í mars á
næsta ári. Uppsjávarskipin munu leysa
af hólmi Víking AK 100 og Lundey NS
14. Bæði hafa reynst mikil aflaskip en
eru smíðuð árið 1960 og því verulega
komin til ára sinna.
HB Grandi
begins overhaul
of fleet
HB Grandi, one of Iceland’s largest
fisheries company, has entered a
phase of major overhaul of its fleet
with five new vessels now being
constructed. The company has
commissioned the Celiktrans
shipyard in Turkey to build and
deliver two new pelagic trawlers
and three wetfish trawlers over the
next two years. The total worth of
the five new vessels is around IKR
14 Billion (USD 120 Million).
Teikning af einum af nýju ísfisktogurunum sem verið er að smíða fyrir HB Granda hf. í Tyrklandi.
Fimm ný skip fyrir 14 milljarða
HB Grandi hf.
Norðurgarði 1, Reykjavík
Sími 550 1000
hbgrandi@hbgrandi.is
hbgrandi.is