Ægir - 01.08.2014, Side 61

Síðsumarstemning við Reykjavíkurhöfn. Erlendu ferðamennirnir kusu að hafa sjó, skip og Hörpu í bakgrunni Íslandsmyndarinnar sinnar.
Harpa er einmitt vettvangur Sjávarútvegsdagsins 8. október.
 Sjávarútvegsfyrirtæki fjárfesta nú á nýjan leik eftir efna-
hagshrunið og tilheyrandi stöðnun.
 Heildarskuldir sjávarútvegsins voru um 540 milljarðar
króna þegar mest var en voru líklega komnar niður í um
400 milljarða í lok árs 2013.
Þannig er staðan í grófum dráttum en Deloitte birtir nákvæmar
upplýsingar um fjárfestingar og skuldir sjávarútvegsins á
morgunfundi í Hörpu miðvikudaginn 8. október næstkomandi.
Samkomuna heldur Deloitte í samstarfi við Samtök atvinnulífs-
ins, Samtök fiskvinnslustöðva og Landssamtök íslenskra út-
vegsmanna í fyrsta sinn undir heitinu Sjávarútvegsdagurinn.
Lykiltölur úr gagnagrunni Deloitte
Hagstofa Íslands birtir jafnan í desember upplýsingar úr skatt-
framtölum um rekstur og efnahagsreikning sjávarútvegsfyrir-
tækja. Deloitte hefur hins vegar komið sér upp gríðarmiklum
gagnagrunni sem gerir mögulegt að afla mun meiri upplýsinga
um starfsemi og efnahagslegt „heilsufar“ sjávarútvegsins 2013
til birtingar strax í október. Þar má nefna lykiltölur um sjóðs-
streymi, beinar fjárfestingar, skuldir og arðgreiðslur til hluthafa.
Það segir sömuleiðis ákveðna sögu hve mikinn tekjuskatt sjáv-
arútvegsfyrirtækin greiða hverju sinni og það fáum við líka að
heyra hjá Deloitte á Sjávarútvegsdeginum. Fjölmargir bíða
spenntir eftir að fá þessar upplýsingar og samanburð við fyrri
ár.
Glögg heildarmynd af stöðu sjávarútvegsins
„Engin tilviljun er að Deloitte hefur komið sér upp þessum
gagnagrunni, sem við höfum haldið utan um frá aldamótum.
Það sýnir einfaldlega enn betur þá sterku stöðu og þá miklu
þekkingu sem við höfum á sjávarútvegi landsmanna,“ segir
Sigurður Páll Hauksson forstjóri Deloitte.
„Í gagnabankann færum við inn lykiltölur úr ársskýrslum fyr-
irtækja sem ráða yfir hátt í 90% af úthlutuðum aflaheimildum
og viðbótarupplýsingar frá viðskiptavinum. Þannig er unnt að
fá glögga heildarmynd af stöðu sjávarútvegsins á hverjum tíma
eða greina sérstaklega fyrirtæki sem stunda veiðar og vinnslu
uppsjávarfisks, botnfisks eða hvoru tveggja. Við nýtum upplýs-
ingarnar á ýmsa vegu. Nærtækt er að nefna umræðuna um
áhrif veiðigjalda á rekstur og afkomu fyrirtækjanna. Viðskipta-
vinir okkar njóta líka góðs af gagnagrunninum á þann veg að
þau geta fengið samanburð á sínu fyrirtæki við greinina í heild.
Viðskiptavinurinn sér þá, svo dæmi sé tekið, annars vegar eig-
in framlegð og hins vegar hliðstæða meðaltalsframlegð allra
sjávarútvegsfyrirtækja landsins. Slíkar upplýsingar eru ómetan-
legar öllum sem standa að rekstri fyrirtækja.“
57
Sjávarútvegsdagurinn 8. október