Ægir - 01.08.2014, Síða 84

80
Það er þéttur og samheldinn hópur sem
starfar í Veiðarfæraþjónustunni í Grinda-
vík. Hluti starfsmanna hefur unnið
saman allt frá unglingsaldri og þar
gengur hver maður að sínum verkum án
þess að þurfi að koma til fyrirskipana.
Allir kunna hlutverk sitt utanbókar. Hug-
takið „vanir menn“ hefur oft verið notað
en það á óvíða betur við en hjá þessum
þrautreyndu köppum.
Hörður Jónsson netagerðarmeistari
fer fyrir sjömenningunum sem starfa hjá
Veiðarfæraþjónustunni. Hann er með
meira en 40 ára reynslu í faginu og hóf
ferilinn hjá Jóni Holberssyni 1970. Tveir
netagerðarmeistarar starfa hjá fyrirtæk-
inu og þrír sveinar í faginu. „Við erum
klárir í hvað sem er enda með viðskipta-
vini um allt land og reyndar langt út fyrir
landsteinana,“ segir hann og bendir á
að stutt sé síðan fyrirtækið hafi selt
veiðarfæri til Portland í Maine í Banda-
ríkjunum á nýjan leik.
Samkeppnishæfni mikilvæg
Hörður telur að trúin á gæði þeirra
veiðarfæra sem hann og hans menn
framleiða hafi ráðið mestu um að þessir
bandarísku útgerðarmenn keyptu af
þeim á ný eftir nokkurra ára hlé. Hann
segir hönnun veiðarfæra stælda og
henni stolið um allan heim og erfitt að
bregðast við slíku. „Á endanum er það
samkeppnishæfnin sem ræður úrslitum
og þar koma reynsla, þekking og gæði
inn í myndina,“ segir Hörður.
Hörður segir kjarnann í viðskiptunum
vera í kringum botntroll og dragnætur.
Talið berst um stund að dragnótinni og
Hörður segist ekki skilja hvers vegna
hún sé jafn úthrópuð og raun ber vitni.
„Það er leitun að umhverfisvænna
veiðarfæri. Dragnótin er létt í drætti og
hentar frábærlega til veiða á sendnum
botni og það er auðvelt að stýra henni í
sókn á tilteknar tegundir.“
Alhliða þjónusta
Veiðarfæraþjónustan var stofnuð 1. janú-
ar 2002 við sameiningu Netagerðar
Þorbjarnar-Fiskaness hf. og SH Veiðar-
færa í Grindavík. Útgerðarfyrirtækin tvö
höfðu rekið netagerð um áratugaskeið
samhliða útgerðinni en SH Veiðarfæri
voru stofnuð 1997 af þeim Herði og
Sverri Þorgeirssyni.
Hörður og félagar bjóða fiskiskipa-
flotanum þjónustu og þekkingu sem
ekki á sér marga líka hérlendis. Að sjálf-
sögðu fella þeir net og yfirfara allar
gerðir veiðarfæra en þeir hanna þau
einnig frá grunni ef með þarf – eða laga
þau að óskum kaupandans. Þeir eiga
flestar gerðir víra og hólka á lager og
eru t.d. með 600 tonna vírapressu og
líkast til eina netaverkstæði landsins
sem er með nálavél.
„Það er í raun afar fátt sem við ekki
ráðum við þegar kemur að veiðar-
færavinnu. Hér innanhúss er gríðarleg
uppsöfnuð reynsla og þekking. Við
fylgjumst grannt með allri þróun í gerð
veiðarfæra og nýtum hvert tækifæri til
þess að bæta þjónustu okkar enn
frekar. Maður er alltaf að læra þrátt fyrir
alla reynsluna,“ segir Hörður.
veidarfaeri.is
Veiðarfæraþjónustan
Ægisgötu 3, Grindavík
Sími 426 7717
veidarfaeri@veidarfaeri.is
Klárir í hvað sem er
þegar kemur að
veiðarfærum
Hörður Jónsson og hans menn í Veiðarfæraþjónustunni í Grindavík ganga fumlaust til allra
verka. Þegar kemur að veiðarfærum er leitun að fjölþættari þjónustu.