Ægir - 01.08.2014, Síða 163

Öflug greiningarvinna
Kallaður var til hópur lykilfólks til þess
að fá sem allra víðast sjónarhorn á þá
vinnu sem í hönd fór undir stjórn Þor-
steins Gunnarssonar, sviðstjóra frí-
stunda- og menningarsviðs Grindavíkur-
bæjar. Hluti af þeirri vinnu sem fram fór
fólst í greiningu á styrkleikum og veik-
leikum hafnarinnar og þeirrar þjónustu
sem þar er veitt.
Á meðal þess sem þessi grein-
ingarvinna leiddi í ljós var þörf fyrir
ákveðna grunnþjónustu, þar sem sem
heimafyrirtæki vorum sjálfum sér nóg en
aðkomuskip höfðu takmarkaðan að-
gang að. Þar má nefna löndunarþjón-
ustu sem sannaði rækilega gildi sitt í
sumar þegar makrílvertíðin stóð sem
hæst. Makrílaflinn sem landað var í
Grindavík í sumar varð á endanum rúm-
lega 2000 tonnum meiri en í fyrra.
Auka þarf tekjur
„Hafnir eru dýrar rekstrareiningar,“ segir
Sigurður Arnar. „Af þeim sökum skiptir
verulegu mái að auka nýtingu þeirra
mannvirkja sem fyrir eru og fá um leið
auknar tekjur, m.a. til að standa straum
af nauðsynlegum endurbótum. Viðlegu-
kanturinn í Grindavík er um 1000 metra
langur en nærri lætur að um fjórðungur
hans þarfnist nú gagngerra endurbóta.
Grindvíkingar horfa því til vongóðir til
frumvarps að nýjum hafnalögum sem
ekki náðist í gegn á Alþingi í vor. Kostn-
aður við hafnarframkvæmdir skiptist á
milli ríkis og sveitarfélaga og er skipt-
ingin breytileg eftir verkþáttum. Sam-
kvæmt frumvarpinu lætur nærri að
kostnaðarhlutdeild ríkisins gæti verið
70-80%. Við afgreiðslu frumvarpsins
kann því að opnast gluggi fyrir heima-
menn til að sækja um fjármagn til upp-
byggingar.
Draugar fortíðar
Í kjölfar greiningarvinnunnar, sem lagt
var í, hefur markvisst verið unnið að því
að efla þjónustu hafnarinnar og fyrir-
tækjanna sem tengjast henni og styrkja
jafnframt ímynd Grindavíkurhafnar. Sú
ímynd hefur að mati heimamanna allt of
lengi liðið fyrir það orðspor sem fór af
innsiglingunni áður en henni var breytt
til hins betra um aldamótin.
„Þetta eru draugar fortíðar sem er
löngu tímabært að kveða niður. Innsigl-
ingin hefur verið stórlega bætt. Við
þekkjum allar aðstæður nákvæmlega
og gefum út tilkynningar ef við teljum að
öryggi sjófarenda sé teflt í hættu. Það
heyrir til undantekninga að þetta sé
vandamál. Í dag er kjarni málsins sá að
Grindavíkurhöfn er örugg höfn með fjöl-
breytta og vaxandi þjónustu,“ segir
hafnarstjórinn Sigurður Arnar Krist-
mundsson.
Með það slagorð í huga fylkja Grind-
víkingar stórhuga liði á Íslensku sjávar-
útvegssýninguna i Kópavogi og ætla
sér ekkert annað en að sækja fram.
Sigurður Arnar Kristmundsson
hafnarstjóri í Grindavík.
159