Húnavaka - 01.05.1991, Blaðsíða 29

HÚNAVAKA
27
gjörsamlega, setti eins mikið á toppinn og hægt var, sömuleiðis í
kerruna en varð samt að skilja eftir uppfrá. Þá var ég með af-
greiðsluna hér heima og kom sendingunum ekki alltaf öllum inn.
Það var líf í þessu og þetta var
gaman, en eríitt.
Flugið hingað hefur gengið
eftir vonum, þó varð eitt slys. Eg
var þá í sumarfríi suður í Stóru-
Skógum og ætlaði að koma
heim daginn eftir. Eg heyrði
þetta í útvarpinu, en svoleiðis
voru símalínurnar um kvöldið
að það var ekki nokkur leið að
ná hingað norður.
Eg hef alltaf verið að staglast á
því við mína yfirmenn, að flug-
vallaverðir hafa engin völd. Ef
einhver ætlar í loftið hjá mér og
ég veit að hann hefur ekki vit á
því hvernig veðrið er þá get ég
ekki stoppað hann. Eg hef talað
við menn sem hafa ætlað að
leggja í tvísýnu og fengið marga
dl að hætta við. Þeir hafa þakk-
að mér fyrir það seinna. Eg vil að flugvallaverðir geti lokað völlun-
um dl að menn fari ekki í loftið þegar það er ófært að okkar dómi.
Aðstaðan við flugvöllinn hefur verið að batna smátt og smátt.
Hann er orðinn mjög vel lýstur og síðasta framfarasporið er að
það var byggður nýr, ágætur flugturn. Það sárasta við þetta allt er
þó það, að þegar aðstaðan er orðin svona góð þá er flugið að detta
niður.
Fyrir fáum árum var haldið mót hér á vellinum. Þá komu hingað
milli 40 og 50 flugvélar. Þá var orðið þröngt á þingi en allt fór vel
fram. Mótshaldarar ætluðu að fá mann úr Reykjavík til að stjórna
umferðinni en hann kom ekki. Eg var þarna og það fór svo að ég
stjórnaði þessu. Eg var alveg óviðbúinn en veðrið var gott og þetta
gekk ágætlega. Um kvöldið æduðu flesdr burt, en þá gerði svarta
þoku og það komust ekki nema fjórar eða fimm vélar í lofdð.
Sverrir vígir nýja harmónikku á
sjötugsafmœlinu.