Morgunblaðið - Sunnudagur - 10.05.2015, Qupperneq 15

hafsvæði, eins og til dæmis Suður-
Kínahaf, þar sem allt logar í ill-
deilum. „Vísindin eru í forgrunni
varðandi norðurskautið og miklum
fjármunum varið í rannsóknir.
Hvort tveggja er mjög ánægjulegt
og full ástæða fyrir íslenska fræði-
menn að gefa þessu svæði aukinn
gaum.“
Norðurskautsmál hafa ekki verið
áherslupunktur hjá Bandaríkja-
mönnum en margt bendir til þess
að það sé að breytast. „Það er
mjög ánægjulegt, ekki síst fyrir
okkur vísindamennina. Sjálfur hef
ég lengi haft áhuga á að tengjast
þessu bandaríska vísindasamfélagi
meira. Það er mjög skemmtileg
rannsóknamenning í Bandaríkjun-
um. Umræðan opin og miklir pen-
ingar í umferð. Ég held að veltan
hjá Duke, einum og sér, í rann-
sóknum hafi verið 130 milljarðar
króna á síðasta ári. Það er einfald-
lega galið. Það sem menn vilja
gera, það er gert.“
Doktorsverkefni Bjarna fjallaði
um ytri mörk og afmörkun land-
grunnsins utan 200 sjómílna og
hafa greinar eftir hann um sama
efni birst í fagtímaritum víða um
heim. Þá hefur honum verið boðið
að flytja erindi um rannsóknir sín-
ar allt frá Tromsö til Shanghai. Í
næsta mánuði gefur einn stærsti
forleggjari lögfræðibóka í heimi,
Brill/Nijhoff, út bók Bjarna, The
Continental Shelf Beyond 200
Nautical Miles – Delineation, De-
limination and Dispute Settlement,
en hún byggist á doktorsritgerðinni
sem hann varði við Edinborgarhá-
skóla í árslok 2012.
Tengslanetið mikilvægt
„Ég setti mér fimm ára plan árið
2010; að klára doktorsritgerðina og
þessa bók. Það náðist og núna þarf
ég að fara að gera aðra áætlun.
Þetta er mjög lifandi svið en mig
langar að rannsaka ýmislegt annað.
Ég er mjög þakklátur fyrir viðtök-
urnar sem þessar rannsóknir mínar
hafa fengið, mér hefur verið boðið
mjög víða til að kynna þær og
byggt upp gott tengslanet í leiðinni.
Það er gríðarlega mikilvægt í mínu
starfi.“
Bjarni er eini núlifandi íslenski
doktorinn í hafrétti en ein kona
vinnur nú að doktorsverkefni sínu
hjá sama leiðbeinanda í Edinborg,
Alan Boyle. „Ég fagna því. Það
verður gaman að fá annan íslensk-
an doktor á þessu sviði og ekki er
verra að það sé kona. Hafréttur er
rosalegt karlafag, hver áttræði
karlinn upp af öðrum á ráðstefn-
um.“
Spurður hvað sé brýnast í haf-
réttarmálum okkar Íslendinga um
þessar mundir segir Bjarni það
vera hver útkoman verði hjá land-
grunnsnefnd Sameinu þjóðanna
varðandi Reykjaneshrygg. Sú nið-
urstaða gæti legið fyrir í lok sum-
ars. „Það mál er mjög stórt og get-
ur skipt máli ekki bara fyrir Ísland
heldur líka önnur ríki varðandi
túlkun á hugtökunum „neðansjáv-
arhryggur“ og „neðansjávarhæðir“.
Ég gæti nefnt alls konar önnur
mál, það er alltaf eitthvað í deigl-
unni, og það verður að segjast eins
og er að þekking á hafréttarmálum
mætti vera meiri hér á landi. Það
er verkefni sem ég gæti vel hugsað
mér að koma meira að með ein-
hverjum hætti. Annars er þetta
alltaf spurning um það hvort maður
vill vera stórlax í lítilli tjörn eða síli
úti á rúmsjó. Mér finnst gaman að
ferðast og kynnast framandi slóð-
um og til þess hef ég fengið tæki-
færi í mínu starfi til þessa. Hver
fer til dæmis til Iqaluit á Baffins-
landi að eigin frumkvæði?“
Hann skellir upp úr.
Þarf ekki að ýta sér áfram
Bjarni hefur lítið unnið fyrir ís-
lensk stjórnvöld enn sem komið er
en býr að reynslu af störfum fyrir
önnur stjórnvöld. „Ég hef unnið
fyrir Bangladess og þvældist inn í
hvalveiðimál Japans og Ástralíu
gegnum prófessorinn minn í Ed-
inborg. Þá vann ég á sínum tíma
skýrslu fyrir framkvæmdastjórn
Evrópusambandsins varðandi laga-
legar hliðar siglinga á norðurskaut-
inu,“ segir Bjarni og bætir við að
hann sé kominn á þægilegan stað á
sínum ferli. Hann fái alls kyns boð
upp úr þurru um þátttöku í alþjóð-
legum rannsóknarverkefnum og
þurfi ekki lengur að ýta sér áfram.
Þetta er þriðji veturinn sem
Bjarni kennir við HR og kann hann
því vel. Hann kennir alþjóðalög í
grunnnámi og hafrétt í meistara-
námi, auk þess sem hann er að
þróa nýjan kúrs um alþjóðalög og
norðurskautið sem byrjað verður
að kenna haustið 2016.
„Laganámið hér í HR hefur
byggst hratt upp. Þá er skólinn
orðinn gildur þátttakandi í rann-
sóknum á sviði orkumála. Þetta er
auðvitað mun minna samfélag en
það sem ég kynntist í Miami og
Edinborg en kosturinn við það er
sá að það er mun auðveldara að
koma hlutunum í verk. Boðleiðirnar
eru stuttar og stjórnsýslan mjög
hröð. Það kann ég að meta. Þetta
er líka skemmtilegur vinnustaður
og tækifærin á hverju strái. Ég
geri fastlega ráð fyrir að vera hér
áfram.“
Þá er bara að muna eftir að-
gangskortinu.
Verkefni dr. Bjarna Más Magnússonar
fjallar um tilkall Bandaríkjanna til land-
grunnsins fyrir utan 200 sjómílur frá
ströndum Alaska og ýmsar flækjur er
skapast fyrir þær sakir að Bandaríkin
eiga ekki aðild að hafréttarsáttmála
Sameinuðu þjóðanna.
Veiðimannasamfélagið á Grænlandi á undir högg að sækja. Hér er Hjelmer Heimeken í veiðiferð á ísbreiðunni.
10.5. 2015 MORGUNBLAÐIÐ SUNNUDAGUR 15
Klæðskeraskæri
Verð kr. 5.230–
8.580 kr.
Stærðir 8“-12“
NÝ SENDING AF SPÆNSKU
EÐALSTÁLI
Laugavegi 29 | sími 552 4320 | www.brynja.is | brynja@brynja.is
Opið
virka
daga
frá 9-
18
lau fr
á 10-1
6
Hárskæri
kr. 5.170
16 cm
5.350 kr.
Bróderskæri
Kr. 2.565
Gaffall
3.115 kr.
3.290 kr.
20 cm
25 cm
4.860 kr.
20 cm
4.110 kr.