Morgunblaðið - 13.06.2015, Qupperneq 23

FRÉTTIR 23Erlent
MORGUNBLAÐIÐ LAUGARDAGUR 13. JÚNÍ 2015
Mest seldu ofnar
á Norðurlöndum
Skúli Halldórsson
sh@mbl.is
Yfirvöld í Þýskalandi hafa ákveðið að
hætta að rannsaka meintar hleranir
Þjóðaröryggisstofnunar Bandaríkj-
anna á síma kanslarans Angelu Mer-
kel. Skrifstofa ríkissaksóknarans,
Haralds Range, sagði í yfirlýsingu í
gær að stofnunin hefði ekki lagt fram
næg sönnunargögn til að réttlæta
ákæru á hendur henni.
Ásakanir um hleranir stofnunar-
innar komu í kjölfar þeirra gagna
sem uppljóstrarinn Edward Snow-
den opinberaði um víðtækar njósnir
Bandaríkjamanna árið 2013, og þótti
það reyna verulega á samband
Þýskalands og Bandaríkjanna. Í yf-
irlýsingu frá Hvíta húsinu á þeim
tíma var ásökununum ekki neitað af-
dráttarlaust, heldur sagt að sími
Merkel sætti ekki hlerunum um þær
mundir og myndi ekki verða hlerað-
ur í framtíðinni.
Í júní á síðasta ári sagði Range að
fullnægjandi sönnunargögn væru til
staðar um að meðlimir bandarísku
leyniþjónustunnar hefðu hlerað síma
kanslarans. Í desember opinberaði
hann hins vegar að rannsóknin gengi
illa og að hann hefði ekki fengið næg
gögn til að ná árangri í réttarsal.
Fréttaskýrandi BBC í Berlín seg-
ir að Þjóðverjum sé virkilega um-
hugað um einkalíf sitt vegna sögu
þjóðarinnar. Eftirlit með borgurum
var enda eitt einkenna þýska ríkisins
á valdatímum nasista og hins komm-
úníska Austur-Þýskalands.
Þrátt fyrir að tengsl ríkjanna
tveggja hafi stirðnað að einhverju
leyti eftir ásakanirnar sýnist flestum
sem leiðtogunum sé vel til vina þegar
til þeirra sést á opinberum vett-
vangi. Merkel sagði í yfirlýsingu til
bandarískra yfirvalda í október 2013
að „vinir eigi ekki að njósna um vini
sína“. Eftir allt saman virðist sem af-
leiðingarnar hafi verið einna verstar
fyrir Edward Snowden sjálfan, sem
lifir í útlegð í Moskvuborg.
Hætta við rannsókn
AFP
Samtal Leiðtogunum virðist vera vel til vina. Mynd tekin á fundi G7 í gær.
 Stofnunin ekki lagt fram fullnægjandi
sönnunargögn fyrir ákæru á hendur sér
Skúli Halldórsson
sh@mbl.is
Áströlsk yfirvöld borguðu áhöfn
smyglbáts, sem var á leið með fólk
frá Indónesíu til Ástralíu, fyrir að
snúa aftur við til Indónesíu. Þetta
fullyrðir James Lynch, talsmaður
Mannréttindaráðs SÞ. Segir hann í
samtali við fréttaþjónustu breska
ríkisútvarpsins að farþegar hafi séð
smyglarana þiggja greiðslur eftir að
skip Ástrala hafði stöðvað bátinn á
leið sinni, áður en hann sneri svo við.
Forsætisráðherra Ástralíu, Tony
Abbott, játaði í gær að strandgæsl-
an notaðist við „skapandi“ aðferðir
við að stöðva áhafnir báta sem
hyggjast smygla fólki inn til lands-
ins, en neitaði að greina nánar frá
aðferðunum.
Ráðherra innflytjendamála og
utanríkisráðherra hafa báðir neitað
því að nokkur greiðsla hafi farið
fram. Lynch sagði BBC í viðtali að
Ástralía hefði skuldbundið sig á
grundvelli sáttmála Sameinuðu
þjóðanna til að kanna hvort einhver
í hópi fólksins þarfnaðist alþjóðlegr-
ar verndar.
Sakaði hann stjórnvöld landsins
um að „gefa frá sér röng skilaboð“ til
annarra landa á svæðinu, þar á með-
al Mjanmar, Indónesíu, Malasíu og
Taílands, en SÞ hafa reynt að þrýsta
á löndin að taka við flóttafólki.
Hælisleitendur, aðallega frá Afg-
anistan, Srí Lanka, Írak og Íran,
reyna reglulega að ferðast frá
Indónesíu til Jólaeyjar sem tilheyrir
Ástralíu og jókst tíðnin verulega í
kringum áramótin 2012-2013.
Fengu greitt fyrir að snúa aftur
AFP
Ferðalag Smyglarar fara reglulega
með fólk til Jólaeyjar frá Indónesíu.
 Áströlsk stjórnvöld sökuð um að hafa brotið gegn sáttmála SÞ
Barn horfir djúpt í linsu ljósmyndara AFP á meðan foreldrar þess hvíla sig
undir trjám á torgi við hlið Tiburtina-lestarstöðvarinnar í Róm. Torgið
gengur undir nafninu „Skógurinn“ en það er heimili fjölda flóttamanna,
sem margir hverjir eru konur og börn. Á fólkið rætur sínar einkum að
rekja til Eþíópíu, Sómalíu og Erítreu, en þaðan hefur það komið undan-
farna mánuði, norður yfir Miðjarðarhafið með bátum frá Líbíu.
AFP
Allir vegir liggja til Rómar
Fólk á flótta nýtur skjóls í skugga trjáa
Seðlabanki Simbabve vinnur nú að
því að skipta út gjaldmiðli landsins
fyrir erlenda miðla, sem hafa verið
notaðir fyrir flest viðskipti síðan
árið 2009. Frá og með mánudegi
geta íbúar landsins skipt 175 kvaðr-
illjónum simbabveskra dala fyrir
fimm Bandaríkjadali. Kvaðrilljón
er þúsund trilljarðar eða 1024. Efna-
hagur Simbabve hefur átt erfitt
uppdráttar síðan ríkisstjórnin gerði
upptækar bújarðir hvítra manna,
sem orsakaði hrun í útflutningi. Í
lok árs 2008 var ársverðbólga orðin
231.000.000% og átta af hverjum tíu
voru atvinnulausir.
Kvaðrilljónir fyrir
fimm Bandaríkjadali
Fimm Afríkulönd
hafa samið um að
setja á laggirnar
sameinað herlið
undir forystu
Nígeríu til að
berjast gegn sam-
tökum íslamista,
Boko Haram.
Leiðtogar land-
anna náðu samningum um þetta á
ráðstefnu nýkjörins forseta Nígeríu,
Muhammadu Buhari.
Meirihluti hermannanna mun
koma frá Nígeríu, en Tsjad, Kamer-
ún, Níger og Benín munu einnig
leggja sitt af mörkum. Undanfarin
sex ár hafa þúsundir manna látist í
árásum samtakanna og hundruðum
verið rænt.
NÍGERÍA
Sameinast í baráttu
gegn Boko Haram
Liðsmenn FARC-skæruliðasamtak-
anna í Kólumbíu hafa skotið þrjá lög-
reglumenn til bana og skorið á raf-
magnsleiðslur til heimila 500.000
manna, samkvæmt upplýsingum frá
kólumbíska hernum. Friðarviðræður
eru í gangi á milli ríkisstjórnarinnar
og samtakanna, en þær miða að því
að binda enda á átök sem staðið hafa
í yfir 50 ár og skilið meira en 200.000
manns eftir í valnum.
Í síðasta mánuði bundu samtökin
enda á einhliða vopnahlé og drápu 11
hermenn. Forseti landsins, Juan
Manuel Santos, svaraði með því að
skipa fyrir um sprengjuárásir á búðir
skæruliðanna. Sérfræðingar hafa
velt því upp hvort FARC sé að reyna
að reita almenning til reiði svo þrýst
verði á forsetann að kalla til tvíhliða
vopnahlés.
KÓLUMBÍA
Skáru á leiðslur
og drápu lögreglu