Morgunblaðið - 27.06.2015, Blaðsíða 9

FRÉTTIR 9Innlent
MORGUNBLAÐIÐ LAUGARDAGUR 27. JÚNÍ 2015
Þriðjungur úrgangs Landspítalans
fer til endurvinnslu, en sá áfangi
náðist nú í maí síðastliðnum. Jafn-
gildir það um 25 tonnum á mánuði,
eða um 300 tonnum á ári, og munar
um minna að því er kemur fram á
heimasíðu sjúkrahússins.
„Þetta er einn stærsti vinnu-
staður landsins, hefur mikil áhrif út
í samfélagið og við viljum vera til
fyrirmyndar í þessum málum,“ seg-
ir Hulda Steingrímsdóttir,
verkefnisstjóri umhverfis- og sam-
göngumála hjá Landspítala.
Landspítali heldur utan um tölur
sem tengjast umhverfisþáttum í
grænu bókhaldi, þar sem unnið er
að því að auka flokkun úrgangs,
draga úr notkun á einnota vörum,
minnka matarsóun og auka vistvæn
innkaup ásamt því að hvetja starfs-
menn til að nota vist- og heilsu-
væna ferðamáta til og frá vinnu.
Markmiðinu náð
Sjúkrahúsið hafði það að mark-
miði á grundvelli umhverfisstefnu
sinnar, sem samþykkt var árið
2012, að ná að flokka 30% af úr-
gangi spítalans. Til samanburðar
var endurvinnsluhlutfall 15% árið
2012.
„Mikill áhugi og skilningur var á
meðal starfsmanna spítalans á
mikilvægi þess að flokka sem mest
þann úrgang sem til fellur á þess-
um stærsta vinnustað landsins,“
segir Hulda, en mikil vinna fór í
undirbúning til að auðvelda starfs-
mönnum að ná tökum á flokkuninni
hratt og örugglega.
Vitundarvakning
„Fyrirtæki eru almennt að ná
góðum árangri í flokkun úrgangs
og sýna í senn samfélagslega
ábyrgð á umhverfinu,“ segir Ragna
Halldórsdóttir, deildarstjóri um-
hverfis- og fræðslusviðs hjá Sorpu.
„Það hefur þó tekið sinn tíma að
koma þessari vitundarvakningu af
stað, þannig að fyirtækjunum verði
ljós ávinningurinn af því að flokka
og setja í endurvinnslu,“ segir hún.
Það er einnig ódýrara að losa
flokkaðan úrgang og er ávinningur-
inn því aðallega fjárhagslegur.
Sorpa innheimtir lægra gjald fyr-
ir losun á flokkuðum úrgangi sam-
kvæmt gjaldskrá sem gefin er út ár
hvert. „Blandaður úrgangur er dýr-
asti úrgangsflokkurinn, en þá þarf
að greiða um 20 krónur á kílóið.“
laufey@mbl.is
30% úrgangs
Landspítala fara
í endurvinnslu
 Markmiðum umhverfisstefnu náð
 Grænt bókhald til að auka flokkun
Morgunblaðið/Ómar
Spítali Einn stærsti vinnustaður
landsins flokkar vel úrgang.
Opið virka daga frá kl. 10-18 laugardaga frá kl. 10-16
• Engjateigur 5
• Sími 581 2141
• www.hjahrafnhildi.is
Vertu vinur okkar á Facebook
Sumarskór í úrvali!
Sandalar, strigaskór og
ballerínuskór
St. 36–42,5
Bæjarlind 6, sími 554 7030
Við erum á facebook
Bolir
4.900 kr.
40–56Str: Fleiri litir
· Opið kl. 10–15 í dag ·
gisting.dk
499 20 40 (Íslenskur sími) 32 55 20 44 (Danskur sími)
Herbergi frá Dkk 300 Íbúðir frá Dkk 900
Kaupmannahöfn
Laugavegi 63 • S: 551 4422
GERRYWEBER -
TAIFUN
SUMAR-
SALAN
HAFIN
20-30%
AFSL
Húsið Vindhæli, sem stóð við
Vesturgötu á Akranesi, er á leið til
nýrra heimkynna. Það er raunar
komið langleiðina en á eftir nokkur
hundruð metra.
Vindhæli er reisulegt hús, byggt á
Vesturgötu 51 á Akranesi af Jóni
Sigurðssyni smið úr tilhöggnum viði
frá Noregi. Jón var fyrsti eigandi
hússins og þekktur smiður á Akra-
nesi. Svipuð hús standa í fjölda
byggðarlaga hér á landi.
Jón Friðrik Jónsson á Hvítár-
bakka keypti húsið og flutti að Hvít-
árbakka á síðasta ári. Hann er nú að
steypa sökkla og á eftir að steypa
upp eina hæð, í skógarlundi á eignar-
landi sínu á Hvítárbakka sem kallað
er Vindheimar. Þar ætlar hann að
setja húsið upp í sumar og búa í því.
„Þetta er fínasta hús. Það voru
slæmar minningar sem tengdust því
á Akranesi síðustu árin og allir vildu
það í burtu en hér mun það sóma sér
vel,“ segir Jón Friðrik. Húsið stóð í
rúm 100 ár á Akranesi og getur átt
eftir mörg góð ár á Hvítárbakka.
Íbúðarhús hefur ekki áður verið á
þeim hluta Hvítárbakkajarðarinnar
sem Magnús Guðmundsson, föður-
bróðir Jóns Friðriks, nefndi Vind-
heima. Afi Jóns Friðriks, Guðmund-
ur Jónsson bóndi á Hvítárbakka, og
síðar Magnús sonur hans plöntuðu
trjánum í lundinum.
helgi@mbl.is
Vindhæli á Akranesi flyst
í Vindheima í sveitinni
 Sögufrægu húsi
komið fyrir í fal-
legum trjálundi
Morgunblaðið/Helgi Bjarnason
Hvíld Ríflega hundrað ára gamalt hús hefur viðdvöl við Hvítárbakkaveg
þar til grunnur þess verður tilbúinn í trjálundi í Vindheimum.
Helgi Bjarnason
helgi@mbl.is
„Það er vegna þess að ekki hafa verið
gerðar endurbætur á veginum og
hann hefur versnað ef eitthvað er.
Vegurinn er bara heflaður einu sinni á
ári og oft illa,“ segir Jón Friðrik Jóns-
son á Hvítárbakka. Hann hefur lengi
varað við hættu á Hvítárbakkavegi
vegna lélegs slitlags.
Fyrir mörgum árum setti Jón Frið-
rik upp skilti við veginn með svofelld-
um skilaboðum: „Vegna viljaleysis og
fjárskorts hefur Vegagerð ríkisins
ekki getað viðhaldið Hvítárbakkavegi
513 (514) seinustu áratugi og er það
verkefni ekki á áætlun næstu ára.
Þess vegna eru vegfarendur beðnir að
fara varlega til að lágmarka það tjón
sem verða kann á ökutækjum (á veg-
slóðanum).“ Skiltið var sett upp í kjöl-
far þess að lögð var klæðing á veginn
heim að Bæ og býlum á þeim afleggj-
ara en Hvítárbakkavegur, sem var
mest notaði vegurinn á þessum slóð-
um, var skilinn eftir.
Þessi skilaboð Jóns Friðriks hafa
vonandi skilað sér til vegfarenda en
vegagerðarmenn hafa ekki tekið
mark á þeim. Vegurinn liggur heim
að þremur bæjum, auk Hvítárbakka.
Að vísu hefur íbúum fækkað mjög en
þó eru tvö gistiheimili rekin á Hvít-
árbakka og jörðin er nytjuð og bú-
skapur er í Stafholtsey.
Hann gerir þá kröfu að lagt verði
malarslitlag á veginn. Mölin úr Hvítá
sem á að vera slitlagið er fljót að
spænast upp eftir að heflað er og
lausamölin skapar hættu fyrir öku-
menn sem eru óvanir að aka við slík-
ar aðstæður og grjótið getur skemmt
bíla.
Mótmæli vegna vegar
hafa ekki borið árangur
 Einn af eigendum Hvítárbakka varar við slæmum vegi
Varúð Aðvörun Jóns Friðriks hefur
ekki náð til vegagerðarmanna.