Dagblaðið Vísir - DV - 10.07.2009, Side 13

fréttir 10. júlí 2009 föstudagur 13
20 STÆRSTU ÚTRÁSARVÍKINGARNIR
Sigurjón Árnason:
IceSAVe-mAðURINN
óGURleGI
Sigurjóns Árnasonar, fyrrver-
andi bankastjóra Landsbank-
ans, verður tvímælalaust einna
helst minnst í Íslandssögunni
sem arkitektsins að hinum al-
ræmdu Icesave-reikningum. Þeg-
ar Icesave-reikningarnir þóttu
ganga sem best í Bretlandi sagði
Sigurjón hróðugur að þeir væru
„tær snilld“. Annað átti þó eftir
að koma á daginn og Icesave fór
frá því að vera snilld fyrir Lands-
bankann yfir í að vera hörmung
fyrir íslensku þjóðina. Sjaldan
hefur eitt mál valdið jafn miklum
deilum á Íslandi á liðnum árum
og einmitt Icesave-reikningar
Sigurjóns og hvort þjóðinni beri
að samþykkja eða fella Icesave-
samninginn sem mun skuldsetja
þjóðina um ókomin ár.
Þennan kross mun Sigurjón
þurfa að bera og önnur verk sem
hann kann að hafa unnið falla al-
gerlega í skuggann af hugmynd-
inni um Icesave sem ætlað var
að redda Landsbankanum út úr
lausafjárkrísunni sem hófst 2006
til að fjármagna móðurbankann
á Íslandi.
Sigurjón var ekki stórtækur í
fjárfestingum á dögum góðæris-
ins, svo vitað sé, en hann telst vera
útrásarvíkingur því hann stjórn-
aði útrás Landsbankans í Evrópu,
meðal annars með Icesave-reikn-
ingunum. Markmið bankans var
svo að mergsjúga alla markaði
með Icesave-snilldinni.
Frá efnahagshruninu hefur
Sigurjón unnið sem fjármálaráð-
gjafi og kennt fjármálaverkfræði
í Háskólanum í Reykjavík. Hann
hefur mikið verið í umræðunni
á þeim tíma, meðal annars fyrir
að láta mágkonu sína leppa fyrir
sig kaup á lúxusbílnum sem hann
hafði afnot af meðan hann var
bankastjóri og fyrir að taka lán í
eigin lífeyrissparnaði.
Hannes Smárason:
Fl-GRÚppAN
Hannes Smárason, Magnús Ár-
mann og Þorsteinn M. Jónsson eru
lykilmennirnir í fjárfestingafélag-
inu FL Group sem tók flugið upp
í hæstu hæðir en hrapaði svo aft-
ur. Hannes Smárason var lengst af
forstjóri FL Group. Hann er fæddur
árið 1967. Hann lauk MBA-prófi frá
MIT-háskólanum í Bandaríkjun-
um árið 1992. Hannes kom hingað
heim til þess að starfa hjá Decode
og varð á endanum aðstoðarfor-
stjóri félagsins. Hann var stjórnar-
formaður Flugleiða til 2005, þeg-
ar hann varð forstjóri FL Group.
Upphafið að veldi Magnúsar var
árið 2001 þegar hann keypt hlut í
Karen Millen ásamt Sigurði Bolla-
syni. Þorsteinn er hins veg-
ar þekktastur fyrir að vera
stærsti eigandi Vífilfells.
Þann 16. október
2006 var FL Group skil-
ið frá Icelandair Group.
Félagið fjárfesti
helst í flugiðnaði,
keypti og seldi
hið danska
flugfélag Sterl-
ing, fram og til
baka. Í desem-
ber 2006 keypti
FL Group svo
stóran hlut í
American Airlines fyrir um 29 millj-
arða króna, félagið jók hlut sinn í
AMR í 8,63 prósent og varð stærsti
hlutahafinn á tímabili. Þá keypti FL
Group hlut í hinum þýska Comm-
erzbank fyrir 69 milljarða króna. Fé-
lagið átti einnig stóra hluti í Finnair
og breska fjárhættuspilafyrirtækinu
Inspired Gaming Group. Allt lék í
lyndi framan af en gengi bréfa í FL
Group lækkaði hratt árið 2007 og
á haustmánuðum vék Hannes úr
stóli forstjóra. Þrátt fyrir slakt gengi
árið 2007 fékk Hannes 139 milljón-
ir í laun og 90 milljóna króna starfs-
lokasamning.
Magnús Þorsteinsson:
VeRSTI ÚTRÁSAR-
VÍKINGURINN
Magnús Þorsteinsson auðgaðist
af viðskiptum sínum í Rússlandi
með Björgólfsfeðgum. Hann hafði
verið framkvæmdastjóri Viking
Brugg á Akureyri áður en hann
fór með Björgólfsfeðgum til Rúss-
lands. Hann stofnaði Bravo Group
1996 og Avion Group árið 2004
ásamt öðrum. Í maí árið 2005
keypti Avion Group 94,1 prósents
hlut Burðaráss hf. í Eimskipafé-
lagi Íslands á 21,6 milljarða króna.
Sama ár seldi Magnús hlut sinn
í Samson. Með kaupum Avion
á Eimskipi réð fyrirtækið yfir 67
þotum og 22 skipum. Sagði Magn-
ús kaupin ganga undir nafninu
„Himinn og haf“ en engin dæmi
voru um slíkt í heiminum.
Á árunum 2004 til 2006 keyptu
Avion og Eimskip og félög þeim
tengd 22 erlend félög. Margar af
þeim fjáfestingum áttu eftir að
leggja Eimskip í rúst. Sem dæmi
keypti Eimskip breska félagið Inn-
ovate árið 2006. Árið 2008 þurfti
Eimskip af afskrifa níu milljarða
vegna Innovate. Árið 2006 seldi
Avion breska flugfélagið XL Leis-
ure fyrir 34 milljarða króna með
tíu milljarða hagnaði. Þeir seldu
reyndar sjálfum sér félagið. Við
gjaldþrot XL Leisure árið 2008
féll 26 milljarða ábyrgð á Eim-
skip. Björgólfsfeðgar höfðu reynd-
ar lofað að taka þessa ábyrgð á
sig. Magnús var fyrir hrun skráð-
ur fyrir 33 prósenta hlut í Eimskipi
og tíu prósenta hlut í Icelandic
Group gegnum félag sitt Frontline
Holding.
Björgólfsfeðgar yfirtóku rekst-
ur Eimskips í lok árs 2007 eftir
að Magnús hafði klúðrað rekstr-
inum „big time“ eins og Sindri
Sindrason orðaði það. Magnús
var nú nýverið lýstur gjaldþrota af
Héraðsdómi Norðurlands vegna
kröfu sem Straumur átti á hend-
ur honum. Hann flutti til Rúss-
lands áður en hann var lýstur
gjaldþrota. Samkvæmt heimild-
um Stöðvar 2 er verðmæti eigna
Magnúsar í Rússlandi meira en ís-
lenskra eigna. Lögfræðingur taldi
ólíklegt að hægt væri að nálgast
eigur hans í Rússlandi þar sem
landið er ekki aðili að Lugano-
samningnum.
Þorsteinn Már Baldvinsson:
SóTTUR AF JóNI ÁSGeIRI
Þorsteinn Már Baldvinsson keypti
í félagi við frændur sína, Þorstein
og Kristján Vilhelmssyni, nær allt
hlutafé í Samherja hf. árið 1983. Þor-
steinn hefur verið forstjóri félagsins
allar götur síðan.
Utan Íslands er Samherji með
starfsemi í Þýskalandi, Póllandi,
Bretlandi, Máritaníu, Marokkó og
Færeyjum. Eftir að hafa byggt Sam-
herja upp sem alþjóðlegt sjávarút-
vegsfyrirtæki og auðgast mikið færði
hann sig, líkt og aðrir sægreifar, út
í fjármálastarfsemi. Í febrúar árið
2008 varð Þorsteinn Már stjórnar-
formaður Glitnis. Hann var ráðinn
faglegur stjórnarformaður að ósk
stærsta hluthafans FL Group og
Jóns Ásgeirs Jóhannessonar. Hann
byrjaði á því að taka til í rekstri bank-
ans með því að lækka laun stjórn-
armanna umtalsvert. Hann gaf það
einnig út að í sinni stjórnartíð yrðu
ekki gerðir frekari starfslokasamn-
ingar. Hann var ekki stjórnarfor-
maður lengi, því bankinn var þjóð-
nýttur síðasta haust, en þá sögu
þekkja vafalaust flestir. Blaðið Sirkus
mat eignir hans á 25 milljarða króna
árið 2007.
Ágúst og Lýður Guðmundssynir:
ÚTRÁS Í KRAFTI KAUpþINGS
Bakkabræðurnir Ágúst og Lýður
Guðmundssynir stofnuðu félag-
ið Bakkavör árið 1986. Árið 1995
gerðist sjávarútvegsfyrirtækið
Grandi hluthafi í Bakkavör og frá
þeim tíma hafa tengsl Brynjólfs
Bjarnasonar, þáverandi forstjóra
Granda og núverandi forstjóra
Símans (Skipta), og bræðranna
verið órjúfanleg. Árið 1994 var
velta Bakkavarar 222 milljónir
króna. Í lok árs 2002 voru Bakka-
bræður orðnir stærstu hluthaf-
arnir í Kaupþingi en þá yfirtóku
þeir félagið Meiði ehf. sem þá var
stærsti hluthafi Kaupþings. Árið
2003 sameinaðist síðan Kaup-
þing Búnaðarbankanum. Árið
2007 var hlutur Bakkabræðra í
Exista í gegnum hollenska félag-
ið þeirra Bakkabraedur Holding
metinn á nálægt 200 milljarða
króna. Þá voru samanlagðar eignir
bræðranna metnar á 160 milljarða
króna í blaðinu Sirkus. Ári seinna
mat Markaðurinn eignir þeirra
beggja á 40 milljarða króna.
Annar lykilmaður í viðskipta-
veldi Bakkabræðra er Sigurður
Einarsson, fyrrverandi stjórnar-
formaður Kaupþings. Samskipti
þeirra hófust árið 1995 og eru
lykillinn að viðskiptaveldi þeirra.
Kaupþing lánaði þeim peninga
við alla útrás þeirra og var hlut-
hafi í öllum fyrirtækjum þeirra.
Má þar nefna Bakkavör, VÍS, Ex-
ista og Símann.
Árið 2005 keyptu Skipti ehf.
sem voru í meirihlutaeigu Exista
og Kaupþings Símann á 66,7 millj-
arða króna.
Bakkavör hefur verið í mikilli
útrás frá því upp úr aldamótum.
Árið 2001 keypti það fyrirtækið
Katsouris. 2005 keypti Bakkavör
breska félagið Geest á um 60 millj-
arða króna og líka Hitchen Foods
á fimm milljarða króna. Árið 2006
keypti félagið kínverska salat-
framleiðandann Creative Food.
Um þann rekstur var stofnað fé-
lagið Bakkavör China sem Glitnir
átti 40 prósent í.
Árið 2007 keypti Exista um tíu
prósenta hlut í Storebrand á um
20 milljarða íslenskra króna. Eftir
bankahrunið keypti norska fyrir-
tækið Gjensidige 8,7 prósenta hlut
Existu í Storebrand á 800 milljónir
króna. Árið 2007 keypti Exista 15
prósenta hlut í finnska tryggingar-
fyrirtækinu Sampo fyrir 109 millj-
arða íslenskra króna. Exista átti
um 25 prósenta hlut í Kaupþingi.
Framhald á
næstu opnu