Dagblaðið Vísir - DV - 30.09.2009, Blaðsíða 6

fréttir
Viðskiptaráðherr-
ann Björgvin taldi
rétt að taka fast á
gagnrýni á íslensku
útrásarfyrirtækin.
6 miðvikudagur 30. september 2009
Fíkniefnasali
í Grafarholti
Fíkniefni fundust við húsleitir á
tveimur stöðum í Grafarholti um
helgina. Á öðrum staðnum var
um að ræða hátt í 200 grömm
af fíkniefnum, aðallega marijú-
ana en einnig kókaín. Jafnframt
var lagt hald á stera. Piltur um
tvítugt hefur viðurkennt að eiga
fíkniefnin en hann hefur áður
komið við sögu hjá lögreglu í
málum sem tengjast sölu og
dreifingu fíkniefna. Á hinum
staðnum fundust um 60 grömm
af amfetamíni og einnig marijú-
ana en í minna mæli. Eigandi
fíkniefnanna er karl á þrítugs-
aldri en hann hefur sömuleið-
is komið við sögu hjá lögreglu
áður.
Stálu kastara
Óprútnir aðilar stálu ljóskast-
ara af þaki Hamarsskóla í Vest-
mannaeyjum í síðustu viku.
Lögreglan lýsir eftir vitnum að
atburðinum sem gætu leitt til
að gerandinn finnist. Í dagbók
lögreglunnar í Vestmannaeyjum
yfir síðustu viku kemur fram að
tíundi aðilinn á árinu hafi verið
staðinn að akstri undir áhrifum
áfengis. Fram kemur að á sama
tíma í fyrra hafi 21 ökumaður
verið stöðvaður af sömu sökum.
555 fyrirtæki
gjaldþrota
Fyrstu átta mánuði ársins
2009 er fjöldi gjaldþrota fyrir-
tækja kominn í 555 en fyrstu
átta mánuði ársins 2008 voru
470 fyrirtæki tekin til gjald-
þrotaskipta. Þetta jafngildir
17 prósenta aukningu milli
ára. Í ágúst 2009 voru tólf
fyrirtæki tekin til gjaldþrota-
skipta samanborið við 20
fyrirtæki í ágúst í fyrra. Eftir
atvinnugreinum fyrstu átta
mánuði ársins voru flest
gjaldþrot, eða 150, í bygging-
arstarfsemi og mannvirkja-
gerð og 103 í heild- eða smá-
söluverslun og viðgerðum á
vélknúnum ökutækjum.
Býður sig fram
til formanns
Sigurvin Guðmundsson hefur
ákveðið að gefa kost á sér sem
formaður Ungra jafnaðarmanna
en landsþing þeirra fer fram um
næstu helgi í Reykjavík. Sigur-
vin er 24 ára gamall launþegi
og jafnaðarmaður. Hann dáðist
af jafnaðarstefnunni ungur að
aldri og er umhugað um þá sem
minna mega sín. Hann segir
gildi formanns eigi að snúast um
málefni, ekki menntun og fyrri
störf og aldrei megi missa sjónar
á því fyrir hvað jafnaðarstefnan
gengur út á.
Í gær opnaði Katrín Jakobsdóttir,
menntamálaráðherra, nýja vefsíðu á
vegum Landsbókasafns sem ber nafn-
ið vefsafn.is. Þar er meðal annars hægt
að fá aðgang að vefsíðum sem hafa
verið lokaðar. Björgvin G. Sigurðsson,
þingmaður Samfylkingarinnar og fyrr-
verandi viðskiptaráðherra, hefur sætt
gagnrýni fyrir að hafa lokað vefsíðu
sinni bjorgvin.is skömmu fyrir banka-
hrunið haustið 2008. Nú er hins vegar
hægt að lesa gamla pistla eftir Björgvin
þar sem hann fer fögrum orðum um
útrásina og segir frá traustri stöðu ís-
lensku bankanna á árinu 2008.
Vísar gagnrýni á bug
„Kostulegt er hvað hægt er að spinna
sömu ósannindarulluna aftur og aft-
ur til þess að gera fólk tortryggilegt.
Því hefur ítrekað verið haldið fram
af pólitískum andstæðingum mín-
um að ég hafi lokað vef mínum eftir
bankahrunið til að „fela“ greinar um
bankana og útrásina,“ sagði Björgvin
G. Sigurðsson, þingmaður Samfylk-
ingarinnar og fyrrverandi viðskipta-
ráðherra, sjálfum sér til varnar í pistli
á vefsíðu Pressunnar í gær. Björg-
vin bætir því við að vefsíðunni hafi
verið lokað síðsumars 2008 af þeirri
ástæðu að hún hafi verið lítt uppfærð
mánuðum saman og hafi auk þess
verið úrelt. Það séu hrein ósannindi
að halda því fram að honum hafi ver-
ið lokað eftir hrunið. „Það var gert
mörgum vikum áður,“ segir Björgvin.
Kostuleg ummæli
Í starfi sínu sem viðskiptaráðherra
tók Björgvin mjög eindregna afstöðu
með útrásinni og gagnrýndi þá sterk-
lega sem vöruðu við henni. Í október
2007 fór Björgvin til Kaupmanna-
hafnar þar sem hann flutti lofsam-
lega ræðu um íslensku útrásarfyr-
irtækin og gaf það í skyn að Danir
þyrftu ekki að hafa miklar áhyggjur af
störfum þeirra. Lauk ferðinni í Tívolí-
inu í Kaupmannahöfn þar sem Stoð-
ir, eignarhaldsfélag, kynnti samruna
félagsins við nokkur önnur undir
nýjum formerkjum.
Frægustu skrif Björgvins eru þó
líklega greinin „Útrásin og árangur
bankanna“ sem birtist í Viðskipta-
blaðinu í lok árs 2007. Þar talar hann
um að útrásin hafi heppnast „ævin-
týralega“ vel. Auk þess talar hann um
danska og finnska „grátkórinn“ sem
tali um slæma stöðu íslensku bank-
anna. Á árinu 2008 skrifaði Björgvin
síðan nokkra pistla á vefsíðu sína þar
sem hann ítrekaði að staða íslensku
bankanna væri sterk. Einnig minnist
hann í mars 2008 á að innlánsherferð
bankanna erlendis dreifi fjármögn-
unaráhættu þeirra. Er þá meðal ann-
ars verið að tala um Icesave-reikn-
inga Landsbankans. „Því eru þeir
betur í stakk búnir til að standa af sér
áföll og þrengingar en nokkru sinni
fyrr,“ sagði Björgvin, en þá var þegar
byrjað að kreppa verulega að krón-
unni og bönkunum.
annas sigmundsson
blaðamaður skrifar: as @dv.is

Björgvin um útrásina
bjorgvin.is 25. júlí 2007
n „Kaup Novators á Actavis renna enn frekari stoðum undir útrásina. Stærstu
viðskipti Íslandssögunnar og verða vonandi til þess að auka enn á styrk
útrásarmanna til frekari landvinninga erlendis.“
bjorgvin.is 25. júlí 2007
n „Við þurfum að ná sama eða ennþá meiri slagkrafti í útrás orkufyrirtækja
erlendis en þar eru óendanleg tækifæri fyrir okkur. Einn útrásarmanna lét hafa
eftir sér að næðum við að leysa úr læðingi kraftinn í orkufyrirtækjunum yrði sú
útrás margföld á við útrás fjármálafyrirtækjanna. Ekki laklegt það.“
Viðskiptablaðið desember 2007
n „Kraftur, kjarkur og góð þekking íslensku útrásarmannanna skilaði meiri
árangri hraðar við fjárfestingar erlendis en hægt var að sjá fyrir og víkingurinn
hefur vakið athygli á alþjóðavísu.“
n „Athygli vekur þó að háværasta gagnrýnin kemur frá samkeppnisaðilum
bankanna á erlendum vettvangi. Löngum hafa sérfræðingar Danske bank haft
horn í síðu íslensku bankanna en fyrir skemmstu bættust Finnskir bankamenn
í „grátkórinn“. Aðstoðarforstjóri Nordea í Finnlandi, Markku Pohojla, gefur til
dæmis opinberlega í skyn að íslensku bankarnir munu fljótlega lenda í miklum
vandræðum. Hann gengur jafnvel svo langt að gera því skóna að íslensku
bankarnir verði ekki til staðar eftir nokkra mánuði... Þessi markaðssókn kemur
sér vitanlega illa fyrir Nordea sem til þessa hefur ekki treyst sér til að bjóða jafn
góð kjör og íslensku bankarnir bjóða.“
n „Ásakanir þessar eru alvarlegar þar sem þær beinast einnig að íslenskum
eftirlitsaðilum. Sérstaklega Fjármálaeftirlitinu en einnig að hluta Seðlabankan-
um. Ítarleg greining þessara tveggja lykilstofnanna gefa ekkert annað til kynna
en að íslenska bankakerfið sé mjög stöndugt. Í ofanálag eru innlán Finna í
íslenskum bönkum tryggð með innistæðutryggingum. Að því leyti sem finnskar
reglur þaraðlútandi veita betri réttindi en íslenskar myndu finnskir bankar
bæta tjón sparifjáreigenda ef svo ólíklega vildi til að einhverjir bankar kæmust í
lausafjárskort.“
bjorgvin.is 9. janúar 2008.
n „...Almennt er talið að Fjármálaeftirlitið sé með þeim öflugustu...Við blasir
að bankar og sparisjóðir standa traustum fótum og að íslenska fjármálakerfið
standi að sama skapi á traustum grunni, enda ekkert bent til annars en þess.“
bjorgvin.is 17. janúar 2008.
n „Staða þeirra [bankanna] er hinsvegar traust. Þeir standa vel og er lausafjár-
staða þeirra prýðileg og fjármögnun þeirra allra lokið til lengri tíma. Ég hef
ásamt mínu fólki í viðskiptaráðuneytinu fundað með fjölda manns á liðnum
dögum um stöðu og horfur á fjármálamarkaði og stöðu fjármálafyrirtækjanna
okkar.... Niðurstaða þeirrar yfirferðar er sú að íslensku bankarnir standa vel. Þá
bendir margt til þess að umróti loknu náist ágætt jafnvægi í íslensku efna-
hagslífi þar sem verðbólga er nálægt viðmiðunarmörkum Seðlabanka, gengi
krónunnar gangi hægt og jafnt niður og að vaxtalækkunarferli hefjist innan
skamms.“
Viðskiptablaðið mars 2008
n „Allir hafa þeir [innsk. bankarnir] einnig ráðist í stórátak við öflun innlána á
erlendum vettvangi sem dreifir fjármögnunaráhættu þeirra verulega. Því eru
þeir betur í stakk búnir til að standa af sér áföll og þrengingar en nokkru sinni
fyrr... Við blasir að átak þarf til að rétta þá mynd sem gjarnan er dregin upp af
íslensku fjármálakerfi í erlendum miðlum. Íslensk stjórnvöld þurfa að koma
hinni raunverulegu stöðu fjármálakerfisins á framfæri sem víðast.“
Tókst vel til Björgvin G. Sigurðsson, þáverandi viðskiptaráðherra, á ársfundi
Fjármálaeftirlitsins (FME) í lok nóvember 2007. Með honum á myndinni er Lárus
Finnborgason, þáverandi stjórnarformaður FME, og Jónas Fr. Jónsson, þáverandi
forstjóri FME. Þar sagði Björgvin að FME hefði tekist vel til frá árinu 2006 að fylgja eftir
og halda í við framrás íslenskra fjármálafyrirtækja.
LoFSamaði
útráSina
Ummæli Björgvins g.
sigurðssonar, fyrrverandi
viðskiptaráðherra, á vefsíðu
sinni bjorgvin.is eru nú að-
gengilegar á heimasíðunni
vefsafn.is. Björgvin lokaði
vefsíðunni stuttu fyrir banka-
hrunið. Þar er að finna mikið
af greinum eftir Björgvin þar
sem hann fer fögrum orðum
um íslensku útrásarfyrir-
tækin og ítrekar sterka stöðu
íslensku bankanna.