Dagblaðið Vísir - DV - 09.11.2009, Blaðsíða 4

4 mánudagur 9. nóvember 2009 fréttir
Gestir Heilsugæslunnar í Grafarvogi kvarta yfir málverki sem sýnir karlkynskynfæri
á biðstofu sjúklinga. Verkið er gagnrýnt þar sem það gæti sært blygðunarkennd gesta
eða vakið óæskilegar tilfinningar, einkum hjá yngstu gestum heilsugæslunnar.
„Ég yrði ekki hrifin af því að sitja með
mín börn þarna, þetta myndi koma
við mig,“ segir Björk Einisdóttir, fram-
kvæmdastjóri Heimilis og skóla.
Á biðstofu heilsugæslustöðv-
ar Grafarvogs hangir stórt málverk
sem sýnir nakta líkama tveggja karl-
manna, einhvers konar púka, þar
sem bakhlið annars þeirra og fram-
hlið hins eru sýndar. DV veit til þess
að heilsugæslugestum hefur brugð-
ið vegna myndbirtingar á kynfærum
púkans þar sem algengt sé að börn
sitji á biðstofunni. Björk tekur undir
gagnrýnina og telur að nekt af þessu
tagi væri aðeins réttlætanleg und-
ir formerkjum fræðslu. „Mér finnst
þetta spurning og einkennilegt að
sýna þetta. Ég sé ekki tilgang með því
að hafa þetta verk til sýnis, ég skil það
eiginlega ekki,“ segir hún.
Ekki fyrir börn
Margrét Júlía Rafnsdóttir, verkefna-
stjóri hjá Barnaheill, undrast einnig
verkið og telur mikilvægt að vernda
börn gegn óviðurkvæmilegu efni.
„Börn eiga rétt á vernd gagnvart öllu
efni sem getur misboðið þeim eða
skaðað þau á einhvern hátt. Tján-
ingarfrelsi listarinnar er ansi vítt en
stangast þarna á við vernd barna.
Svona myndskreyting væri til dæmis
ekki sett inn í barnabækur eða ann-
að efni sem ætlað er börnum. Það
væri aldrei leyft og því er heilsugæsl-
an þarna á gráu svæði,“ segir Margét
Júlía.
„Ég tel eðlilegt að forsvarsmenn
heilsugæslunnar yrðu beðnir um að
fjarlægja þetta málverk. Það ætti að
vera auðsótt. Þetta passar alls ekki á
biðstofu þar sem fjöldi barna á leið
um. Svona myndskreyting á ekki
heima innan um börn, á svona al-
menningssvæði. Kynferðisleg mynd-
birting á ekki heima fyrir augum
barna.“
Vilja ekki særa
Svanhvít Jakobsdóttir, forstjóri
Heilsugæslu höfuðborgarsvæðisins,
skilur gagnrýnina og telur sjálf mik-
ilvægt að hugað sé að því hvað sé til
sýnis fyrir framan börn. Hún bendir
á að verkið hafi verið valið af mann-
eskju frá Listskreytingasjóði ríkisins.
„Eðlilega þarf að huga að því hvað er
til sýnis þegar börn eiga í hlut og ég
virði það. Sjálf er ég alveg sammála
því að gæta þarf að því hvað er til
sýnis í svona biðstofum þar sem fólk
á öllum aldri fer í gegn. Við megum
ekki særa blygðunarkennd eða vekja
óæskilegar tilfinningar,“ segir Svan-
hvít.
„Í ljósi gagnrýninnar munum við
auðvitað skoða þetta. Ef þetta særir
einhverja gesti okkar skoðum við það
vel og tökum þetta niður ef það særir
einhverja. Það er alls ekki markmið-
ið því þvert á móti eiga málverkin að
skapa hlýju og gera biðstofuna meira
aðlaðandi.“
TrausTi hafsTEinsson
blaðamaður skrifar: trausti@dv.is
„Sjálf er ég alveg sam-
mála því að gæta þarf
að því hvað er til sýnis
í svona biðstofum þar
sem fólk á öllum aldri
fer í gegn. Við megum
ekki særa blygðunar-
kennd eða vekja óæski-
lega tilfinningar.“
NEKTARMÁLVERK
VELduR dEiLuM
Bannað börnum Ekki er víst
að málverkið særi alla en bent
á að börn eigi rétt á vernd
gegn efni sem getur sært eða
vakið óæskilegar tilfinningar.
mynd sigTryggur ari
Fasteignafélag olíufélagsins N1,
Umtak, skuldar rúmlega 13,5 millj-
arða króna samkvæmt ársreikningi
félagsins frá árinu 2007. Skuldin er
við Kaupþing líkt og kemur fram í
lánayfirlitinu frá bankanum sem
birt var á heimasíðunni Wikileaks
á sínum tíma en heildarskuldir fé-
lagsins við bankann nema rúmum
130 milljónum evra. Félagið á flest-
ar þær fasteignir sem N1 notar í
sínum daglega rekstri.
Í yfirlitinu kemur einnig fram
að veðið fyrir láninu hafi verið í
fasteignum félagsins, sem metnar
voru á tæpa 13,5 milljarða króna.
Sé miðað við lækkandi gengi krón-
unnar má áætla að skuld félagsins
hafi hækkað til muna síðan þá og
sé nú meira en 20 milljarðar króna.
Veðið fyrir láninu, eignir félags-
ins, myndu því ekki duga upp
í skuldina ef gengið yrði að fé-
laginu.
Kaupþing er þó ekki stærsti lán-
veitandi félagsins því Glitnir hef-
ur á síðustu árum verið aðalvið-
skiptabanki N1. Ástæðan er meðal
annars sú að eigendur N1, meðal
annars Einar Sveinsson, voru stór-
ir hluthafar í Glitni á árunum fyrir
hrunið.
Ekki er almennilega vitað hver
staða Umtaks og N1 er í dag þar
sem ársreikningur félagsins hef-
ur ekki verið birtur en þó má full-
yrða að hún hlýtur að vera nokk-
uð strembin þar sem nánast allar
fasteignir félagsins duga ekki fyrir
skuldum félagsins við banka sem
er ekki einu sinni helsti lánveitandi
þess. ingi@dv.is
Fasteignafélag olíufélagsins N1 í erfiðum málum:
Skuldaði 13,5 milljarða
skuldugt fasteignafélag Fasteigna-
félag olíufélagsins skuldar Kaupþingi
meira en sem nemur veðinu fyrir láninu.
Kastaði lyfjum í
fangelsisgarð
Á laugardagskvöld handtók lög-
reglan á Akureyri stúlku á tvítugs-
aldri þegar hún reyndi að kasta
pakka inn í fangelsisgarðinn á
Akureyri. Einnig var einn refsi-
fangi í fangelsinu handtekinn,
grunaður um að hafa ætlað að
taka á móti pakkanum. Pakkinn
reyndist innihalda lyfseðilsskyld
lyf, sprautur og nálar. Þess má
geta að sama stúlkan var einnig
handtekin á Akureyri fyrir viku
vegna gruns um fíkniefnamisferli.
Dóp á Akureyri
Í vikunni hafa komið upp fjögur
önnur fíkniefnamál í umdæmi
lögreglunnar á Akureyri. Á
þriðjudag voru tveir drengir
handteknir og reyndist annar
þeirra vera með smáræði af
fíkniefnum á sér . Í kjölfarið hélt
lögregla til leitar í húsi í bæn-
um, þaðan sem drengirnir voru
að koma þegar lögreglan stöðv-
aði þá. Þar innandyra var mað-
ur um þrítugt handtekinn og
við leit á heimilinu fundust um
40 grömm af fíkniefnum, bæði
örvandi efnum og kannabis-
efnum. Aðfaranótt laugardags-
ins voru höfð afskipti af tveimur
aðilum í miðbæ Akureyrar sem
reyndust hafa smáræði af fíkni-
efnum á sér, en lögregla var
með óeinkennt eftirlit í og við
skemmtistaði bæjarins.
Færri greiðslu-
þrot en spáð var
Færri fyrirtæki hafa orðið
greiðsluþrota á árinu en búist
var við í upphafi árs. Þetta kem-
ur fram í skráningu upplýsinga-
fyrirtækisins Creditinfo. Rakel
Sveinsdóttir, framkvæmdastjóri
fyrirtækisins, sagði á málþingi
Félags kvenna í atvinnurekstri á
föstudag að mörg jákvæð teikn
væru á lofti um bata í efnahags-
lífinu, enn geti þó brugðið til
beggja vona. RÚV hafði eftir
Rakel að aðgerðir bankanna
hafi skipt höfuðmáli um að ekki
fleiri fyrirtæki væru þegar farin
í greiðsluþrot. Í ársbyrjun hafi
verið áætlað að 3.500 fyrirtæki
færu í greiðsluþrot á árinu.
Fyrstu tíu mánuði ársins hafi
hins vegar tvö þúsund fyrirtæki
farið í þrot sem er mun minna
en áætlað var.
Álverð fer
hækkandi
Verð á ál- og sjávarafurðum hefur
verið mun lægra í ár en undan-
farin ár. Seðlabanki Íslands gerir
þó ráð fyrir að afurðaverðið muni
hækka næstu árin en útflutningur
á afurðum þessara tveggja iðn-
greina nemur áttatíu prósentum
vöruútflutnings á Íslandi á fyrstu
átta mánuðum ársins. Seðlabanki
Íslands gerir ráð fyrir að álverð
muni hækka um fimmtung á
næsta ári og um rúm tíu prósent
til viðbótar til ársins 2012. Álverð
var undir miklum þrýstingi þegar
bankakreppan stóð sem hæst
á seinasta ári og féll um ríflega
helming á seinni hluta ársins.
Verðið tók að hækka á ný í apríl
og um miðjan október var það
30% hærra en í ársbyrjun. Meðal-
verð ársins verður þó 36% lægra í
ár en í fyrra.