Dagblaðið Vísir - DV - 08.02.2010, Blaðsíða 9

FRÉTTIR 8. febrúar 2010 MÁNUDAGUR 9
Borgarspítalinn boðinn upp í kostnað á þrjá milljarða króna:
Mælt fyrir hátæknisjúkrahúsi
Mælingamenn á vegum Landspítal-
ans voru að störfum í síðustu viku við
að mæla út fyrir nýju hátækniháskóla-
sjúkrahúsi við Hringbraut. Mæling-
arnar eru undirbúningur fyrir hönn-
unarsamkeppni sem er í fullum gangi
og miðast við að valið verði úr hug-
myndum í sumarbyrjun.
Með nýju háskólasjúkrahúsi verður
öll starfsemin færð undir einn hatt og
því losnar um húseignina í Fossvogi,
þar sem áður var Borgarspítalinn.
Spítalamenn vonast til þess að þrír
milljarðar fáist fyrir eignina og hafa
boðið íslenska ríkinu hana upp í heild-
arkostnaðinn. Þá eru eftir 30 milljarð-
ar en fjöldi lífeyrissjóða hefur boðist til
að kosta verkið og fá til baka greiðslur
í formi húsaleigu. Ef allt gengur eftir
verður spítalinn vígður árið 2016.
Deiliskipulag svæðisins vegna nýja
sjúkrahússins liggur ekki fyrir en yfir-
menn Landspítalans treysta á að ráðist
verði í skipulagsvinnu eftir hönnunar-
samkeppnina. Aðspurður segir Ingólf-
ur Þórisson, forstöðumaður fasteigna-
sviðs Landspítalans, að verkið sé í raun
hafið þó svo að fyrsta skóflu stungan
verði ekki tekin fyrr en á næsta ári.
„Það er mikil hagræðing og þægindi
að geta sameinað starfsemina undir
sama þak og við það losnar um verð-
mæta eign í Fossvoginum því við höf-
um þá ekki þörf fyrir hana. Við höf-
um nefnt við ríkið að hún losni þá og
í henni liggja verðmæti sem við höfum
bent á,“ segir Ingólfur.
Landspítalinn í Fossvogi er 30 þús-
und fermetrar að stærð og hjá ríkinu
er byrjað að spá í hvað verði gert við
húseignina. „Ég hef heyrt hugmyndir
um að þar gæti orðið hjúkrunarheim-
ili, öldrunardeildir eða að eignin verði
hreinlega seld. Það hefur ýmislegt ver-
ið nefnt í sambandi við hvaða starf-
semi gæti komið þarna.“
Forval er hafið að hugmyndum að
hönnun háskólasjúkrahússins nýja og
verður tekið við hugmyndum næstu
vikuna en fresturinn rennur úr næsta
mánudag. Út frá hug-
myndunum verða
valin fimm fyr-
irtæki sem fá að
keppa um hnoss-
ið. Í byrjun júní er
ætlast til að þess-
ar fimm tillögur
liggi fyrir og eftir
að besta hönnun-
in verður valin
verður ráðist
á fullu í að
útfæra þá hönnun. „Við höfum í raun
þegar hafist handa en framkvæmdirn-
ar hefjast á næsta ári. Við höfum vilja-
yfirlýsingu í höndunum um fjármögn-
un og skipulagsmálin klárast vonandi
þegar hönnunin liggur fyrir,“ segir
Ingólfur. trausti@dv.is
Boðið upp í kostnað Landspítalabyggingin í Fossvogi
er boðin upp í heildarkostnaðinn við nýja sjúkrahúsið og
þannig er vonast til að fá þrjá milljarða.
Þrítugur þriggja barna faðir sér fram
á að missa allt á næstum mánuðum.
Hann tók 3,1 milljónar króna lán
árið 2007 til þess að kaupa bíl fyrir
fjölskylduna. Fyrir hálfum mánuði
hirti fjármögnunarfyrirtækið Avant
bílinn af fjölskyldunni, en lánið var
þá komið upp í rúmar 8 milljónir
króna. Maðurinn, sem vill ekki láta
nafns síns getið, segir að hann hafi
keypt bílin á nærri 100 prósent lán-
um. „Afborganirnar á mánuði voru
38 þúsund krónur þegar ég keypti
bílinn, en þegar hann var tekinn af
mér voru þær orðnar um 160 þús-
und krónur á mánuði.“
Maðurinn rekur lítið fyrirtæki
sem hann segir að stefni í gjald-
þrot. Vegna erfiðrar skuldastöðu
stefnir í að fjölskyldan missi íbúð-
ina sína líka á næstunni. „Það sem
ég veit er að við missum húsnæðið
á næstu mánuðum og þá fara fjór-
ar kennitölur á hausinn, kennitalan
hjá fyrirtækinu, kennitalan hjá kon-
unni minni og kennitalan mín. Við
erum bæði að verða gjaldþrota. Síð-
an fer einn fjölskyldumeðlimur sem
á þetta með okkur í gjaldþrot. Það er
því miður ekki hægt að komast hjá
því,“ segir maðurinn.
„Svo komu þeir og hirtu hann“
„Við eru með þrjú börn þannig að við
keyptum okkur stærri bíl. Svo náttúr-
lega hækkaði lánið meira og meira og
var komið upp úr öllu. Við gátum ekki
borgað af þessu. Lánið sem var upp-
haflega þrjár milljónir var komið upp
í átta og hálfa milljón. Þeir hjá Avant
vildu ekki frysta lánið ef það var einn
mánuður í vanskilum. Það var kom-
inn slatti í vanskil svo þeir sögðu að ef
ég borgaði hálfa milljón myndu þeir
frysta lánið,“ segir maðurinn.
Aðspurður hvernig viðmótið
hafi verið hjá fjármögnunarfyrir-
tækinu, segir hann að þar á bæ hafi
menn viljað gera lítið. „Ég var búinn
að fá mörg bréf frá þeim þar sem
þeir sögðu að þeir tækju bílinn. Svo
komu þeir og hirtu hann. Ég afhenti
hann með góðu, en mér finnst það
grátlegt að borga átta milljónir af
þriggja milljóna bíl.“
Kaupir frekar spaghettí
en að borga af lánum
Maðurinn segir að hann hafi um það
bil 30 þúsund krónur í ráðstöfunarfé
á mánuði, þegar hann hefur greitt af
þeim skuldum sem hann ræður við
að greiða. Samkvæmt bréfi sem hann
fékk nýlega frá Avant er síðasti dag-
urinn í dag til þess að borga rúmlega
7 miljóna króna skuld við félagið,
þrátt fyrir að bílinn hafi verið tekinn
af honum. Hann reiknar með því að
þurfa að mæta fyrir dóm á næstunni.
Hann segir að bíllinn sem Avant tók
af honum, sé nú til sölu á tilboðs-
verði, rúmar tvær milljónir króna.
„Þannig að þeir eru að fá rúmar 9
milljónir þegar upp er staðið. Mér
finnst þetta bara fáránlegt. Ég ætla
frekar að nota peningana til að kaupa
hakk og spaghettí handa börnunum
mínum en að borga lánin til Avant.
Þetta er mjög leiðinlegt en sem betur
fer erum við konan bara svo ofboðs-
lega sterk. Við eigum eftir að komast
í gegnum þetta og við tökum þessu
ekki illa. Nú er bara að fara að leigja,
en auðvitað líður mér eins og ég sé í
fangelsi.“
„EINS OG ÉG
SÉ Í FANGELSI“
Þriggja barna faðir sér fram á að bæði hann og konan hans verði gjaldþrota á næstu mánuðum. Hann tók 3,1 milljón-
ar bílalán hjá Avant 2007. Lánið fór í vanskil og stóð í rúmum 8 milljónum þegar bíllinn var tekinn af honum. Hann
segir afborganir af bílnum hafa verið 38 þúsund í upphafi en komnar upp í 160 þúsund undir lokin. „Auðvitað líður
mér eins og ég sé í fangelsi.“
Stefnir í gjaldþrot Þriggja barna faðir
er að missa allt sitt. Eiginkona hans,
fjölskyldumeðlimur og fyrirtæki hans
eru öll að verða gjaldþrota vegna stökk-
breyttra skulda. Myndin er sviðsett.
MYND BRAGI JÓSEFSSON
Ég ætla frekar að nota pening-
ana til að kaupa hakk og
spaghettí handa börn-
unum mínum, en að
borga lánin til Avant.
VALGEIR ÖRN RAGNARSSON
blaðamaður skrifar: valgeir@dv.is