Dagblaðið Vísir - DV - 08.02.2010, Blaðsíða 16

16 MÁNUDAGUR 8. febrúar 2010 FRÉTTIR
Hjúskaparmál Jacobs Zuma, forseta
Suður-Afríku, hafa verið í umræð-
unni undanfarið enda kvæntist hann
í fimmta sinn í síðasta mánuði og á
nú þrjár eiginkonur og eina unnustu
að auki. Zuma á tuttugu börn en um
helgina þurfti hann að biðjast afsök-
unar því sitt síðasta barn eignaðist
hann utan hjónabands.
Málið er hið vandræðalegsta og
hugsa flokksfélagar hans í Afríska
þjóðarráðinu, ANC, honum þegjandi
þörfina og telja málið allt hið vand-
ræðalegasta fyrir flokkinn og að Zuma
hafi brotið loforð sem hann gaf eftir
að hann var kjörinn leiðtogi flokks-
ins árið 2007. Þá hét Zuma að verða
flokknum ekki til minnkunar með
málum tengdum kynlífi.
Iðrast sárlega
Jacob Zuma, sem er 67 ára, hefur ver-
ið sakaður um að grafa undan bar-
áttunni gegn HIV með því að stunda
óvarið kynlíf með Sonono Khoza,
39 ára dóttur eins skipuleggjanda
heimsmeistarakeppninnar í knatt-
spyrnu . Það var suðurafríska dag-
blaðið Sunday Times sem ljóstraði
því upp að Zuma hefði eignast barn
með henni í október.
Í yfirlýsingu sem Zuma sendi frá
sér sagðist hann hafa íhugað vel og
vandlega þau mál sem snertu fram-
hjáhald hans. „Þau hafa sett gífur-
legan þrýsting á fjölskyldu mína og
stofnun mína, ANC. Ég iðrast sárlega
að hafa valdið fjölskyldu minni sárs-
auka, ANC... og Suðurafríkumönn-
um almennt,“ sagði Zuma.
Nauðgunarákæra og HIV
Kynlíf Jacobs Zuma hefur áður kom-
ist í kastljósið en hann var sýknað-
ur af nauðgunarákæru árið 2006.en
viðurkenndi að hafa gert þau mistök
að hafa kynmök við konu sem hann
vissi að var HIV-sýkt, án þess að nota
verju.
Við réttarhöldin varð Zuma sér til
háðungar þegar hann sagðist hafa yf-
irgefið svefnherbergið eftir kynmök-
in og farið í sturtu því það myndi
„minnka hættuna á að fá sjúkdóm-
inn“.
Á síðasta ári var Jacob Zuma hyllt-
ur og sagður ferskur andvari í kjölfar
Thabo Mbeki, forvera hans í starfi.
Thabo Mbeki var gagnrýndur fyr-
ir umdeildar skoðanir sínar á HIV
sem hann sagði ekki vera einu orsök
eyðnisjúkdómsins.
Vatn á myllu andstæðinga
Síðasta uppákoman hjá Zuma hefur
orðið vatn á milly andstæðinga hans
og Afríska þjóðarráðsins og sakaði
FJÖLLYNDUR FORSETI
Kvenna- og ástamál Jacobs Zuma, forseta Suður-Afríku, eru orðin vandræðaleg fyrir Afríska þjóðarráðið, ríkj-
andi stjórnarflokk landsins. Zuma kvæntist í fimmta sinn í síðasta mánuði og nýlega var upplýst að hann hefði
eignast barn utan hjónabands.
KOLBEINN ÞORSTEINSSON
blaðamaður skrifar: kolbeinn@dv.is
Við réttarhöldin varð Zuma sér til háðung-ar þegar hann sagðist hafa yfirgefið svefn-
herbergið eftir kynmökin og farið í sturtu því það
myndi „minnka hættuna á að fá sjúkdóminn“.
Vladimír Pútín, forsætisráðherra
Rússlands, var ómyrkur í máli fyr-
ir helgi þegar hann las flokksbræðr-
um sínum pistilinn. Pútín brýndi
fyrir þeim að þeir yrðu að veita hin-
um venjulega kjósanda meiri gaum,
en aðeins örfáir dagar voru þá liðn-
ir frá viðamestu mótmælum stjórn-
arandstæðinga í áratug. Þá komu
saman um 10.000 manns í Kalíngrad
og kröfðust þess að sveitarstjórinn
þar yrði settur af. Mótmælin urðu til
þess að Pútín sendi embættismenn
á staðinn til að komast að ástæðum
óvinsælda svæðisstjórans.
Á fundinum sagði Pútín háttsett-
um flokksmeðlimum að þær ættu að
forðast að auka væntingar fólks með
loforðum um tafarlausar betrum-
bætur, og hundsa svo kjósendur að
afstöðnum kosningum.
„Þið megið ekki breytast í „lofara“,
sem lofa eingöngu til... að komast til
valda og eyða síðan tíma sínum í að
leysa eigin vandamál,“ sagði Pútín.
Sveitarstjórnakosningar fara fram
í Rússlandi 14. mars og sagði Vladi-
mír Pútín flokksbræðrum sínum að
vara kjósendur við afleiðingum þess
að greiða óreyndum flokkum at-
kvæði. Pútín sagði að flokkurinn yrði
ávallt að útskýra ítarlega að „áreiðan-
legir og vel skipulagðir leiðtogar eru
ávallt færir um að leysa öll vanda-
mál og í fjarveru slíkra leiðtoga lifir
stjórnleysi“.
Atvinnuleysi, sem hefur aukist
um þriðjung síðan 2007, og hækk-
andi verðlag hefur aukið verulega
á óánægju víða í Rússlandi. Um sex
milljónir eru nú án atvinnu.
Vladimír Pútín lagði flokksbræðrum sínum reglurnar:
Ekki breytast í „lofara“ Vladimír Pútín Vill að kjósendur verði varaðir við.
MYND AFP
Kona borgarstjóri
Ramallah
Leila Ghannam, fyrrverandi yfir-
maður í palestínsku leyniþjónust-
unni, er fyrsta konan sem skipuð
hefur verið borgarstjóri Ramallah,
óopinberrar höfuðborgar Vestur-
bakkans. Ghannam, 35 ára, er dokt-
or í sálfræði en reis til metorða inn-
an palestínsku leyniþjónustunnar.
Mahmoud Abbas, forseti Palestínu,
skipaði Ghannam í embættið og
hefur fyrirskipað henni að tryggja að
Hamas-samtökin nái ekki að hrifsa
til sín völdin af Fatah-flokknum á
Vesturbakkanum líkt og þau gerðu á
Gaza árið 2007.
Stefnir í kalt stríð
Meira en helmingur Kínverja sem
þátt tóku í könnun á vegum kín-
verska ríkisdagblaðsins Global Tim-
es eru þeirrar skoðunar að það stefni
í kalt stríð á milli Kína og Bandaríkj-
anna.
Önnur sjálfstæð könnun sem
gerð var fyrir breska blaðið Sun-
day Times leiddi í ljós að embættis-
menn í sjó- og landher Kína spá því
að til hernaðaraðgerða komi, og að
stjórnmálaleiðtogar hvetja til þess
að Kínverjar selji meira af vopnum
til fjandmanna Bandaríkjanna.
Í augum Kínverja er afstaða
Bandaríkjamanna og loforð Baracks
Obama um aukna hörku í viðskipta-
sambandi ríkjanna viðbrögð gegn
auknu valdi Kína.
Hvítur borgar-
stjóri kjörinn
Í fyrsta skipti í yfir þrjátíu ár er
borgarstjóri New Orleans úr röðum
hvítra manna. Mitch Landrieu var
kjörinn borgarstjóri á laugardag
með yfir fimmtíu prósentum at-
kvæða og sagði hann í sigurræðunni
að sigur hans sýndi þann vilja borg-
arbúa að borgin yrði „sameinuð en
ekki sundruð“.
Um tveir þriðju borgarbúa New
Orleans eru þeldökkir og talið er að
Landrieu hafi notið góðs af föður
sínum, Moon Landrieu, sem var síð-
asti hvíti borgarstjóri borgarinnar og
vann það sér til frægðar að afnema
aðskilnaðarstefnu í henni.