Dagblaðið Vísir - DV - 08.02.2010, Blaðsíða 19

Hver er maðurinn?
„Örlygur Smári lagahöfundur.“
Hvað drífur þig áfram?
„Vá, ég er bara alveg tómur.“
Hvar ólstu upp?
„Ég er alinn upp í Stokkhólmi í Svíþjóð
og svo Vesturbænum í Reykjavík.“
Hvar vildirðu helst búa ef ekki á
Íslandi?
„Ætli það sé ekki bara Stokkhólmur eða
þá einhvers staðar sem er hlýtt.“
Hver er uppáhaldsmaturinn þinn?
„Það er pestó-pasta konunnar.“
Hvert fórstu síðast í frí?
„Ég fór norður til Akureyrar síðasta
sumar og einnig til Vestmannaeyja.
Ferðaðist innanlands.“
Hver voru þín fyrstu viðbrögð við
sigri lagsins?
„Gleði. Þetta var mjög gleðilegt fannst
mér og sérstaklega þá fyrir hönd Heru.
Hún á svo skilið að fara út finnst mér og
vera fulltrúi okkar í þessari keppni. Hún
er ótrúlega góð söngkona sem hefur
sterka útgeislun og er mikill gleðigjafi
hvar sem hún kemur.“
Bjóstu við sigri?
„Ekkert frekar. Ég hef tekið þátt í þessu
áður og hef lært að það er ekki hægt að
búast við neinu. Það kemur alltaf manni
eitthvað á óvart.“
Hvenær samdirðu lagið?
„Við Hera sömdum þetta lag síðla
sumars í fyrra. Við tvö höfum verið að
vesenast saman í músík undanfarið og
leikið okkur að búa til lög.“
Vildirðu alltaf fá Heru til að syngja
lagið?
„Já, það kom náttúrlega ekkert annað
til greina þar sem við vorum að vinna
þetta saman.“
Til hvers hlakkarðu mest varðandi
Eurovision-fárið?
„Það er kannski ekkert eitthvað eitt.
Þetta er allt bara svo rosalega
skemmtilegt og spennandi. Fjölbreytn-
in af fólki er svo mikil þar sem þarna eru
þátttakendur frá svo mörgum löndum.
Það vita það allir sem hafa farið í
Eurovision að þetta er mikið ævintýri.“
HEFUR ÞÚ BREYTT NEYSLUVENJUM ÞÍNUM EFTIR BANKAHRUNIÐ?
„Ég skoða verðið meira en áður og
reyni að spara.“
FITORE VESELAJ
18 ÁRA NEMI
„Ég breytti engu við bankahrun, ég
spara alltaf.“
ERLA KRISTINSDÓTTIR
30 ÁRA VERKEFNISSTJÓRI
„Nei, eiginlega ekki, ég skoða verðið
kannski meira.“
GUÐMUNDUR GUÐFINNSSON
51 ÁRS BAKARI
„Já, ég hugsa mig tvisvar um og velti
fyrir mér verðinu.“
ARMI LINDEN
33 ÁRA VEITINGASTJÓRI
DÓMSTÓLL GÖTUNNAR
ÖRLYGUR SMÁRI er höfundur lagsins
Je ne sais quoi sem vann Söngvakeppni
Sjónvarpsins og verður framlag Íslands í
Eurovision. Þetta er í annað skiptið á
þremur árum sem Örlygur vinnur
keppnina en This is My Life, framlag
Íslendinga 2008, samdi hann líka.
EUROVISION
ER ÆVINTÝRI
„Ég fylgist betur með verði, velti
krónunum meira fyrir mér og reyni að
nýta allt betur.“
GUÐRÚN FRÍÐUR HEIÐARSDÓTTIR
46 ÁRA FJÁRMÁLASTJÓRI
MAÐUR DAGSINS
Það var alltaf eitthvað dulrænt við
búsáhaldabyltinguna. Það var dans-
að í kringum elda eins og frum-
byggjar í Ameríku, það voru nornir
viðstaddar og undarlegir
sjúkdómar ráðamanna. Þegar
táragasi var varpað breyttist vind-
áttin og feykti því aftur í átt að lög-
reglu. Því er kannski ekki að undra
að á ársafmæli þessara
tímamótaviðburða hafi verið
ókyrrt í lofti. Eldingar sáust í fyrsta
sinn í manna minnum yfir Reykjavík
og veturkyrrðin var rofin af þrumum
eins og hún eitt sinn var af
einkaþotum auðmanna. Bús-
áhaldabyltingin hefði líklega ekki
verið jafnfjölmenn ef ekki hefði ver-
ið hlýtt í lofti þann 20. janúar 2009.
Ári síðar var gott að vera staddur
innandyra.
Eitthvað varð þó að gera til að
fagna, og fátt meira viðeigandi en að
horfa á Kastljósumfjöllun Ríkissjón-
varpsins eða þá að fara í Háskólabíó
og sjá Maybe
I Should Have. Í kjölfar hruns
nasismans varð í Þýskalandi til bók-
menntagrein sem kennd er við „Ver-
gangenheitsbewältigung“ eða að
sættast við/gera upp fortíðina. Hrun
frjálshyggjunnar á Íslandi mun skila
sér út í íslenskar bókmenntir á
næstu árum og áratugum, en fyrstu
hrunaskáldsögurnar komu út fyrir
síðustu jól. Fyrsta
heimildarmyndin, Guð blessi Ís-
land, kom einnig út síðustu jól en sú
önnur birtist nú á árs afmæli bylt-
ingarinnar.
Tortola og peningahimnaríkið
Rétt eins og Michael Moore í Capi-
talism: A Love Story, heldur kvik-
myndargerðarmaður af stað, með
sjálfan sig í forgrunni, að leita að
peningunum sem hurfu. Það er í
raun stórmerkilegt að fylgja
Gunnari leikstjóra til Tortola, eyjar
sem fæstir geta staðsett á kortinu en
er skyndilega orðin afar stórt fyrir-
bæri í vitund
Íslendinga. Helst býst maður
við að sjá útrásarvíkinga þar dansa
stríðsdans og gleðjast yfir óförum
þjóðarinnar, inn á milli þess sem
þeir fórna börnum og
baða sig í blóði hreinna meyja.
Staðreyndin hins vegar virðist vera
að líklega hafa fæstir þeirra komið
þangað. Einu ummerkin um þá er
pósthólf í byggingu sem
hýsir hundruð fyrirtækja að
nafninu til.
Það er eitt af undrum alheim-
skapítalismans að íslenska þjóðin
er ábyrg fyrir skuldum manna sem
skráðu lögheimili sitt á landi sem
þeir hafa ef til vill aldrei
komið til. Þeir borguðu ekki einu
sinni skatta til íslenska ríkisins, en
nú þarf að hækka skattana hér til að
borga fyrir athafnasemina. En hvað
varð þá um
peninginn? Björgólfur Thor seg-
ir þá hafa farið til peningahimnarík-
is, þangað sem allir góðir peningar
fara þegar þeir eru afskrifaðir.
Hverju breytti byltingin?
Gunnar leikstjóri finnur engar rúst-
ir eftir íslenska efnahagsundrið
á Tortola. Hinsvegar finnur hann
þær í Lúxemborg. Þar standa tómar
bankahallir sem voru
færðar út úr móðurfélögunum
með hraði á fyrstu dögum hruns-
ins. Ef við eigum að endurheimta
horfið fé væri líklega réttast að byrja
að leita þar. Það er hinsvegar meira
heldur en einn kvikmyndargerðar-
maður getur gert. En ef til vill hefur
hann komið okkur á sporið. Í
Kastljósinu var rætt við þau Guðna
Th., sem er nokkurs konar opinber
sagnfræðingur hrunsins, og Ásdísi
Thoroddsen leikstjóra sem barði á
pott í byltingunni og ánafnaði síð-
ar þjóðminjasafninu. Vafalaust er
það rétt hjá henni að íslenska bylt-
ingin var afar friðsöm miðað við
fjöldamótmæli í nágrannalöndun-
um, þó Guðni hafi sagt á móti að
það sé ekki oft sem menn leggja eld
að Alþingishúsi lands síns. Þau voru
hins vegar bæði á því að afar fátt
hefði breyst í kjölfarið. Það þarf þó
ekki nema að horfa á upphafsatriði
Maybe I Should Have til þess að sjá
að eitthvað hefur breyst samt. Það
umhverfi sem þar er lýst, árin 2002-
2008 þegar bæði almenningur og
stjórnmálamenn löptu upp allt sem
kom frá útrásarvíkingunum með
óttablandinni aðdáun, er ekki leng-
ur til. Kannski þurfti byltingu til.
Hvað varð af peningunum okkar?
KJALLARI
MYNDIN
UMRÆÐA 8. febrúar 2010 MÁNUDAGUR 19
STÓR STUND Heru Björk Þórhallsdóttur hefur lengi dreymt um að vinna Eurovision-keppnina og því var það stór stund á laugardag þegar hún sigraði í Söngvakeppni
Sjónvarpsins með naumindum. MYND BJÖRN BLÖNDAL