Dagblaðið Vísir - DV - 23.07.2010, Blaðsíða 44

KÓLUMBÍSKA SKEPNAN
Luis Alfredo Garavito Cubillos, einnig þekktur sem „Skepnan“, er kólumbískur raðmorðingi og nauðgari.
Fórnarlömb Garavitos voru drengir á aldrinum sex til sextán ára. Hann hefur játað á sig 140 morð, en fórnar-
lömbin kunna að vera mun fleiri.
Fjöldi fórnarlamba Kólumbíu-
mannsins Luis Garavito gæti
verið meiri en þrjú hundruð, en
matið byggist á korti sem hann
teiknaði í fangelsi en á því var
að finna staðsetningar haus-
kúpa fórnarlamba hans. Gara-
vito hefur verið lýst í fjölmiðl-
um á heimaslóðum sínum sem
„heimsins versta rað morðingja“.
Garavito, sem einnig er þekktur
sem „La Bestia“, Skepnan, játaði
árið 1999 á sig morð og nauðg-
un á 140 drengjum, en ef marka
má kortin sem hann hefur teikn-
að kann fjöldi fórnarlambanna að
vera meiri.
Þegar Garavito var
handsamað ur var hann dæmd-
ur til þyngstu leyfilegu refsingar
sem möguleg var í Kólumbíu, eða
þrjátíu ára fangelsisvistar. En þar
sem hann var samvinnuþýður og
hjálpaði yfirvöldum að finna lík
fórnarlamba sinna gat hann sam-
kvæmt þarlendum lögum sótt um
ýmis fríðindi. Refsing Garavit-
os var stytt í tuttugu og tvö ár og
hann kann jafnvel að verða frjáls
maður enn fyrr vegna frekari
samvinnu við yfirvöld og góðrar
hegðunar.
Lagðist á börn
Luis Garavito fæddist 25. janúar
1957 í Génova í Kólumbíu. Hann
er elstur sjö bræðra og talið víst
að hann hafi sætti bæði líkam-
legu og andlegu ofbeldi af hálfu
föður síns. Sjálfur sagðist hann
hafa sætt kynferðislegu ofbeldi
sem ungt barn.
Ung börn, og sum eitthvað
eldri, voru einmitt fórnarlömb
Garavitos. Börnin voru sex til sex-
tán ára, fátæk börn, börn bænda
eða götukrakkar. Garavito gaf sig
að þeim á götum úti eða úti í sveit
og bauð þeim gjafir eða smáaura.
Þegar hann hafði unnið traust
fórnarlambsins fór hann með
það í göngutúr sem varði þar til
það þreyttist og þá lét Garavito
til skarar skríða. Hann nauðgaði
fórnarlömbum sínum, skar þau
á háls og sundurlimaði yfirleitt
líkama þeirra. Flest líkanna sem
fundist hafa bera merki pyntinga.
Of vægur dómur
Þrátt fyrir að hafa játað á sig 140
morð þegar hann var handtekinn
þann 22. apríl 1999 sætir Garavito
ennþá rannsókn vegna 172 morða
í yfir 59 sýslum í Kólumbíu. Hann
var sakfelldur fyrir 138 morð, en
rannsókn stendur enn yfir á hin-
um. Garavito nýtur góðs af því að
lög landsins heimila aðeins 30 ára
fangelsisvist því dómurinn yfir
honum hljóðaði upp á 1.853 ára
og níu daga fangelsisvist.
Hin síðari ár hafa Kólumbíu-
menn í auknum mæli komist á þá
skoðun, nú þegar styttist í að Gara-
vito verði sleppt úr fangelsi, að refs-
ing hans sé ekki næg í ljósi glæpa
hans. Margir Kólumbíu menn
gagnrýndu mögulega snemmbúna
lausn Garavitos og sumir voru
þeirrar skoðunar að hann ætti skil-
inn lífstíðardóm eða jafnvel dauða-
dóm.
Upphaflega var hvergi að finna
gloppu í réttarkerfi Kólumbíu sem
gert hefði kleift að dæma Garavito
til lengri fangelsisvistar, þar sem
raðmorð á borð við þau sem Gara-
vito framdi eiga sér ekkert fordæmi.
Gerði lítið úr ódæðum sínum
Árið 2006 tók sjónvarpsþáttar-
stjórnandi að nafni Pirry við-
tal við Luis Garavito. Að sögn
Pirrys reyndi Garavito í viðtalinu
að gera sem minnst úr ódæðum
sínum. Til að bæta gráu ofan á
svart lýsti Garavito einnig yfir
áformum um að hefja stjórn-
málaferil með það að markmiði
að hjálpa börnum sem beitt
hefðu verið ofbeldi. Í sjónvarps-
þættinum lýsti Pirry einnig að-
stæðum Garavitos í fangelsinu
og hafði á orði að Garavito gæti,
með tilliti til góðrar hegðunar,
sótt um lausn innan þriggja ára,
eða árið 2009.
Í kjölfar útsendingar þáttarins
varð mál Garavitos alræmt bæði
í fjölmiðlum landsins og innan
stjórnmálanna. Því fór svo að
málið var endurskoðað í ýmsum
lögsagnarumdæmum og í ljós
kom að hægt yrði að framlengja
dóminn og tefja lausn Garavitos
vegna þeirra glæpa sem hann
hafði ekki játað sig sekan um og
hafði því ekki verið dæmdur fyr-
ir. Garavito yrði að svara til saka
fyrir hvert mál sérstaklega.
Luis Garavito situr enn á
bak við lás og slá og ekki hefur
fengist úr því skorið hvort hann
verður frjáls maður fyrr en ætl-
að var.
44 SAKAMÁL UMSJÓN: KOLBEINN ÞORSTEINSSON kolbeinn@dv.is 23. júlí 2010 FÖSTUDAGUR
Þegar hann hafði unnið
traust fórnarlambs-
ins fór hann með það
í göngutúr sem varði
þar til það þreyttist og
þá lét Garavito til skar-
ar skríða.
Luis Garavito „Skepnan“
frá Kólumbíu lagðist á
berskjölduð börn.