Dagblaðið Vísir - DV - 13.08.2010, Blaðsíða 15

föstudagur 13. ágúst 2010 fréttir 15
Vinsæli airbrush og naglaskólin er að
hefjast.
Kennt verður með LCN naglaefni,Naturasun
airbrush efni og Ruth gerviaugnhár.
Skráning er hafin á hafnarsport@simnet.is og í
síma 8202188/6613700.
Höfum bætt við okkur kennslu í augnahára-
lengingum, það flottasta í Evrópu.
Tannhvíttunarefni sem allir mæla með.
NATURAGLO
,,Engir flekkir’’
Virtasta brúnkuefnið
á markaðinum í dag
Aðeins 20 mín. meðferð!
Pantanir: www.hafnarsport.is
& hafnarsport@simnet.is
,,BEAUTYWHITE’’
STÝRIR BROTLEGU FÉLAGI
OG SITUR Í BANKARÁÐINU
Katrín Olga Jóhannesdóttir er lykilstjórnandi fjarskiptafyrirtæksisins Skipta hf. sem var gert að greiða
400 milljóna króna stjórnvaldssekt vegna ólöglegs verðsamráðs á farsímamarkaði. Katrín Olga á einnig sæti
í bankaráði Seðlabanka Íslands fyrir Sjálfstæðisflokkinn. Talsmaður Skipta vill ekki svara því hver hlutur
Katrínar Olgu var í hinu ólöglega samráði.
Katrín Olga Jóhannesdóttir, sem sit-
ur í bankaráði Seðlabanka Íslands
fyrir hönd Sjálfstæðisflokksins, er
lykilstjórnandi Skipta hf. sem Sam-
keppniseftirlitið gerði að greiða um
400 milljónir króna í stjórnvalds-
sekt vegna ólögmæts samráðs milli
Hátækni og Tæknivara á heildsölu-
markaði um sölu á farsímum.
Katrín Olga er framkvæmdastjóri
stjórnunarsviðs Skipta, en Brynj-
ólfur Bjarnason er forstjóri félags-
ins. Félagið ákvað í sumar að semja
við Samkeppniseftirlitið og féllst á
að greiða þessa háu sekt til þess að
komast hjá því að málið yrði kært til
lögreglu. Hefur því sekt félagsins ver-
ið talin óumdeilanleg og Skipti hef-
ur séð hag sinn í því að semja strax
um skuldina í stað þess að málið færi
lengra.
Hlutverk Katrínar hjá Skiptum
er að  bera ábyrgð á samþættingu
stefnumörkunar innan félagsins og
dótturfélaga þess. Þá segir að hún
eigi að fylgja eftir markmiðum og að-
gerðaáætlunum og styðja við upp-
byggingu á skipulagi félagsins. Hún
var kjörin aðalmaður í bankaráð
Seðlabanka Íslands af Alþingi þann
11. ágúst á síðasta ári.
Rannsókn stendur yfir
Pétur Þ. Óskarsson, framkvæmda-
stjóri samskiptasviðs Skipta, segir í
skriflegu svari við fyrirspurn DV um
þátt Katrínar Olgu í hinu ólöglega
samráði, að fyrirtækið geti ekki tjáð
sig um efnisatriði málsins umfram
það sem hefur komið fram í tilkynn-
ingu sem Samkeppniseftirlitið sendi
út 9. júlí. Pétur segir þó að, jafnvel
þó málinu sé að fullu lokið gagn-
vart fyrirtækjum innan Skipta-sam-
stæðunnar, þá hafi komið fram að
rannsókn á öðrum þáttum málsins
standi enn yfir. „Við höfðum frum-
kvæði að því að upplýsa málið að
fullu í samvinnu við Samkeppniseft-
irlitið og viljum fara mjög varlega í
yfirlýsingum um málið uns rannsókn
lýkur,“ segir Pétur í svarinu.
DV spurði Pétur hvaða stjórnend-
ur fyrirtækisins, fyrir utan Brynjólf
forstjóra, bæru ábyrgð á brotunum
og þá sérstaklega hvort Katrín Olga,
væri ein þeirra sem bæri ábyrgð á
málinu innan fyrirtækisins.
Þung viðurlög
Í apríl á þessu ári framkvæmdi Sam-
keppniseftirlitið húsleit hjá Skiptum
og dótturfélögum þess, Símanum og
Tæknivörum ehf. Gögn sem fund-
ust í þeirri leit urðu til þess að gerð
var leit hjá Hátækni ehf. og móðurfé-
lagi þess Olíuverslun Íslands, nokkr-
um vikum síðar. Húsleitin var fram-
kvæmd vegna gruns um ólögmætt
samráð milli Hátækni og Tæknivara
á heildsölumarkði fyrir sölu á far-
símum. Í kjölfar húsleitanna ákváðu
Skipti og Tæknivörur að setja sig í
samband við Samkeppniseftirlitið og
veittu liðsinni við að upplýsa málið.
Skipti féllst á að greiða 400 milljóna
króna sekt og viðurkenndi að Tækni-
vörur hefði brotið gegn samkeppn-
islögum með umfangsmiklu ólög-
mætu samráði við Hátækni. Skipti
féllst einnig á að selja allan eignahlut
sinn í Tæknivörum.
Samkvæmt samkeppnislögum
hefði Samkeppniseftirlitið getað
kært stjórnendur fyrirtækisins til lög-
reglu, en þeir hefðu átt allt að sex ára
fangelsi yfir höfði sér ef þeir hefðu
verið sakfelldir. Hvorki náðist í Katr-
ínu Olgu, né í Láru V. Júlíusdóttur,
formann bankaráðs Seðlabanka Ís-
lands við vinnslu fréttarinnar.
valgeiR öRn RagnaRssOn
blaðamaður skrifar: valgeir@dv.is
Við höfðum frumkvæði að
því að upplýsa málið
að fullu í samvinnu við
Samkeppniseftirlitið og
viljum fara mjög var-
lega í yfirlýsingum um
málið uns rannsókn lýk-
ur.
seðlabanki Íslands KatrínOlgaJóhannesdóttir,aðalmaðuríbankaráðiSeðlabanka
Íslands,ereinnframkvæmdastjórahinsbrotlegafjarskiptafyrirtækisSkiptahf.