Dagblaðið Vísir - DV - 30.08.2010, Blaðsíða 2

2 fréttir 30. ágúst 2010 mánudagur
Böðvar Jónsson, bæjarfulltrúi Sjálf-
stæðisflokksins og formaður bæjar-
ráðs Reykjanesbæjar, vísar á bug frétt
DV fyrir helgina um að hagsmunir
kröfuhafa í VBS fjárfestingarbanka
hafi verið fyrir borð bornir þegar
Reykjanesbær tók til sín 70 prósent
Hjallalandsins í byrjun þessa árs. Það
var gert með samningum Reykjanes-
bæjar og VBS fjárfestingarbankans,
skömmu áður en bankinn var tekinn
til gjaldþrotaskipta.
Árni Sigfússon bæjarstjóri hafði
samþykkt með undirskrift sinni 22.
janúar 2008 að landið skyldi veðsett
VBS fyrir 1 milljarð króna á vegum
bræðranna Vilhjálms Þórs Vilhjálms-
sonar og Eyjólfs Kristins Vilhjálms-
sonar og fleiri aðila í Reykjanesbæ.
Þeir áttu og ráku einkahlutafélag-
ið Toppinn sem og félagið Iceland
MotoPark, en markmið þess var
að byggja upp aksturssvæði í landi
Hjalla sunnan Reykjanesbrautar og
vestan Grindavíkurafleggjarans.
Bræðurnir eiga langa gjaldþrota-
sögu og voru áform þeirra um upp-
bygginguna í landi Hjalla runnin út
í sandinn skömmu fyrir bankahrun.
DV hefur ekki tekist að afla upplýs-
inga um hvað varð af milljarði króna
sem þeir fengu að láni hjá VBS gegn
veði í landi Hjalla. Eftir því sem næst
verður komist vinna Vilhjálmur Þór
og Eyjólfur Kristinn við það nú að
setja upp gullnámu á Grænlandi fyr-
ir fyrirtæki sem ber heitið Angel Min-
ing.
Ekki haldbær veð
„Grundvallaratriðum málsins um
að veðsetningin hafi verið samþykkt
með ítarlegum og ströngum skilyrð-
um um uppbygginarhraða er ekki
komið á framfæri heldur látið að
því liggja að Reykjanesbær hafi ver-
ið að klúðra málum, bæjarstjórinn
hafi undirritað einhver skjöl sem
hann mátti ekki undirrita, bygging-
arfulltrúi hafi brotið starfsskyldur
sínar, farið hafi verið á svig við sveit-
arstjórnarlög og ég veit ekki hvað
fleira,“ segir Böðvar Jónsson um frétt
DV. „Hvergi er komið inn á hluti sem
hljóta að skipta meginmáli í þessari
frétt, það er að hugsanlega hafi VBS
veitt lán án þess að hafa til þess eðli-
leg og haldbær veð,“ segir Böðvar.
Hróbjartur Jónatansson, formað-
ur slitastjórnar VBS, sagði í sam-
tali við DV fyrir helgi að samningur
VBS og Reykjanesbæjar um að skila
Reykjanesbæ aftur 70 prósentum
Hjallalandsins verði skoðaður.
Í ljósi orða Böðvars um lánafyrir-
greiðslu VBS við Vilhjálm Þór, Eyjólf
Kristinn og félög í þeirra eigu, virðist
ástæða til að ætla að forsvarsmenn
Reykjanesbæjar hafi verið meðvitað-
ir um mikla áhættu samfara samn-
ingi bæjarfélagsins við bræðurna um
uppbyggingu og verðmætaaukningu
í landi Hjalla.
Bæjarstjórn með hreinan skjöld
„Reykjanesbær hefur algjörlega
hreinan skjöld í þessu máli og
tryggði sig mjög vel gegn þeirri stöðu
sem kynni að koma upp. Veðsetning
landsins var að sjálfsögðu eingöngu
í þeim réttindum sem menn höfðu
samkvæmt lóðarleigusamningum en
bæði lóðarleigusamningur og veð-
setning var háð þeim ströngu skil-
yrðum að verði uppbyggingu lands-
ins ekki lokið innan 5 ára frá gerð
lóðarleigusamnings falli lóðarút-
hlutunin úr gildi. Veðsetningin laut
sömu skilyrðum. Landið sjálft er að
sjálfsögðu ekki veðsett á neinn hátt
enda er það ekki nema að hluta til í
eigu sveitarfélagsins.“
Böðvar lítur svo á að staða máls-
ins sé sú í dag að VBS eða kröfuhaf-
ar hafi rétt til að byggja á lóðum á
umræddu landssvæði í samræmi við
deiliskipulag. Til þess hafi þeir tæp-
lega 3 ár. „Verði landið ekki byggt
upp á þeim tíma fellur lóðarúthlut-
un og veðsetningar á landinu niður
og lóðarréttindi samkvæmt lóðar-
leigusamningi ganga á ný til sveitar-
félagsins.
Væntanlega er það rétt að kröfu-
hafar VBS geti kannað hvort mögu-
legt sé að rifta samningi VBS og
Reykjanesbæjar frá því í febrúar 2010
þar sem 70 prósentum landsins var
skilað til sveitarfélagsins gegn því að
viðbótarfrestur fengist til uppbygg-
ingar á þeim 30 prósentum sem eftir
eru. Með því væru kröfuhafar þá að
taka á ný við fyrri skilmálum lóðar-
leigusamnings og veðsetningarinnar
að uppbyggingu svæðisins þurfi að
vera lokið fyrir 1. júlí. Að að öðrum
kosti missi þeir réttindi samkvæmt
lóðarleigusamningi og veðsetning-
unni verði aflýst.
Ég tel þó líklegra að kröfuhafar
VBS vilji halda sig við það samkomu-
lag sem gert var í febrúar í þeirri von
að verðmæti lóðarréttinda á þessu
svæði hækki á næstu 3 árum þannig
að eitthvað fáist til baka upp í kröfur
bankans.“
Draumurinn sem hrundi
Böðvar telur ólíklegt að nokkur upp-
bygging verði í landi Hjalla næstu
þrjú árin og því muni lóðarréttinding
ganga á ný til Reykjanesbæjar 1. ág-
úst 2013 eins og samningar Reykja-
nesbæjar við VBS frá því í febrúar
síðastliðnum gera ráð fyrir. Þar með
falli veðsetningar landsins niður.
„Lánveitingar VBS til Toppsins, sem
ekki hafa verið greiddar, tapast þar
með,“ segir Böðvar í orðsendingu til
DV og bætir við að vel geti farið svo
að skuldina þurfi að afskrifa og það
bitni á skattborgurunum. Þetta sé
þó alls ekki neitt sem rekja megi til
bæjarstjórnar eða Árna Sigfússon-
ar bæjarstjóra Reykjanesbæjar eins
og skilja hefði mátt á fréttaskýringu
DV síðastliðinn föstudag. „Skilning-
ur lesenda er hins vegar klárlega sá
að bæjarstjóri Reykjanesbæjar hafi
skrifað undir skjöl sem leiða til þess
að skattborgarar þurfi að greiða þær
skuldir sem lánað var til,“ segir Böðv-
ar og telur slíkt tilhæfulaust með öllu.
LoftkastaLar bæjarstjórnar
MotoPark, akstursíþróttagarðurinn á Reykjanesi, var skipulagður og samþykktur af bæjaryfirvöldum
í Reykjanesbæ í samvinnu við aðila sem fengu einn milljarð króna að láni hjá VBS gegn veði í landinu
sem átti að fara undir hann. Þremur mánuðum eftir að milljarðurinn var leystur út voru þeir komnir
í þrot og landið komið í hendur VBS fjárfestingarbankans. Formaður bæjarráðs Reykjanesbæjar segir
bæjarstjórn hafa hreinan skjöld en efast um að landið hafi veitt VBS nægilegar tryggingar.
jóhann hauksson
blaðamaður skrifar: johannh@dv.is
Formaður bæjarráðs „Lánveitingar
VBStilToppsins,semekkihafaverið
greiddar,tapastþarmeð,“segirBöðvar
JónssoníorðsendingutilDV.
• Dregur úr vöðvaspennu
• Höfuð- háls- og bakverkjum
• Er slakandi og bætir svefn
• Notkun 10-20 mínútur í senn
• Gefur þér aukna orku og vellíðan
Verð: 9.750 kr.
Nálastungudýnan
Opið virka daga frá kl. 9 -18
Sími 569 3100 • Stórhöfða 25 • www.eirberg.is