Dagblaðið Vísir - DV - 30.08.2010, Blaðsíða 16

16 erlent 30. ágúst 2010 mánudagur
Hollensk rannsóknarnefnd, sem
skipuð var fyrir nokkrum mánuðum
til að rannsaka kynferðislega mis-
notkun innan kaþólsku kirkjunnar
í landinu, hefur fengið 900 skýrslur
meintra fórnarlamba inn á sitt borð.
Yfirvöld og stjórn kirkjunnar ákváðu
í mars að stofna sannleiksnefnd til að
rannsaka í þaula tugi meintra kyn-
ferðisbrota innan kaþólsku klerka-
stéttarinnar frá sjöunda og áttunda
áratugnum.
Rætt hefur verið við fórnarlömb
og aðstandendur þeirra og í sumum
tilfellum hafa prestarnir sjálfir, grun-
aðir barnaníðingar, gefið sig fram og
játað á sig brot.
Kaþólska kirkjan hefur á síðustu
árum þurft að þola gífurleg hneyk-
lismál vegna barnaníðs presta um
gervalla Evrópu, aðallega í Austur-
ríki, Belgíu, Írlandi og Þýskalandi –
og einnig í Bandaríkjunum og Suð-
ur-Ameríku. Benedikt sextándi páfi
hefur verið undir miklum þrýstingi
að upplýsa hvaða vitneskju hann býr
yfir hvað varðar ofbeldi innan vé-
banda kirkjunnar af hálfu kaþólskra
presta.
Fyrr í ár komu fram ásakanir á
hendur eldri bróður páfa, Georg
Ratzinger biskup, vegna rannsókn-
ar á kór sem hann fór fyrir í eina
tíð. Kórinn Domspatzen, eða Dóm-
kirkjuspörvarnir, sætir rannsókn
vegna ásakana um kynferðislega
misnotkun innan vébanda hans.
„Ég vissi ekkert,“ sagði Ratzin-
ger í viðtali við ítalska dagblaðið La
Repubblica og bætti við að um væri
að ræða mál sem ætti rætur að rekja
til sjötta áratugarins.
Fyrrverandi nemandi heimavist-
arskóla sem tengdist kórnum, Franz
Wittenbrink, sagði hins vegar í við-
tali við þýska tímaritið Der Spieg-
el að hann „gæti ekki skilið“ hvern-
ig misnotkunin gat farið fram hjá
Ratzinger.
Talsmaður Páfagarðs hefur hald-
ið því stöðugt fram að ásakanirnar
séu hluti af herferð gegn páfanum og
kaþólsku kirkjunni.
helgihrafn@dv.is
Hollendingar rannsaka kynferðisbrot innan kaþólsku kirkjunnar:
900 fórnarlömb presta í Hollandi
Ríkisstjórn Luiz Inácio Lula da Silva,
forseta Brasilíu, hefur gefið grænt ljós
á byggingu þriðju stærstu vatnafl-
svirkjunar veraldar, sem byggð verð-
ur með stíflu í þverá Amasonfljóts-
ins. Aðeins Þriggja gljúfra-stíflan í
Kína og Itaipu-stíflan sem Brasil-
íumenn og Paragvæar reka saman
eru stærri en Belo Monte, fyrirhug-
uð Amason-stífla. Mikið hefur verið
deilt um byggingu stíflunnar í Brasil-
íu en gagnrýnendur hennar segja að
hún muni leggja lífríki á stóru svæði í
rúst og eyðileggja heimili um fimmtíu
þúsund indjána.
Stjórnvöld segja að stíflan sé nauð-
synleg fyrir hagvöxt í Brasilíu og muni
veita mörg störf. Eftir mikið þrátefli í
réttarkerfinu og í þinginu hefur Lula
da Silva forseti skrifað undir sam-
komulag við orkufyrirtækin sem reisa
munu stífluna.
Skipti um skoðun
Í síðustu viku sagði Lula da Silva að
hann hefði í fyrstu verið andsnúinn
stíflunni, en að honum hefði snúist
hugur þegar hann hefði fræðst meira
um hana. „Þið getið ekki ímyndað
ykkur hversu oft ég talaði gegn Belo
Monte-stíflunni án þess að vita neitt
um hana, og nú er það ríkisstjórnin
mín sem kemur henni af stað,“ sagði
forsetinn. „Þetta er mikill sigur fyrir
orkugeirann í Brasilíu. Við höfum far-
ið yfir alla umhverfisþættina og það
sem snýr að samfélaginu á svæðinu.“
Deilt um áhrif stíflunnar
Stíflan, sem á að byggja í Xingu-
fljóti, þverá Amasonfljótsins, hef-
ur lengi verið þrætuepli í Brasilíu.
Fyrst var rætt um að byggja hana á
níunda áratugnum, en eftir háværa
gagnrýni í Brasilíu, og víða um lönd,
var hætt við verkefnið. Samtök um-
hverfissinna segja að stíflan, sem á
að verða sex kílómetra löng, muni
ógna tilveru ótal ættflokka indjána á
Amasonsvæðinu, og muni hafa áhrif
á fimmtíu þúsund manns, en uppi-
stöðulón hennar verður á um 500
ferkílómetra svæði, en til saman-
burðar skal nefnt að Þingvallavatn
þekur 84 ferkílómetra.
Ráðamenn segja umhverfissinna
fara með rangt mál, stíflan muni ekki
valda miklum skaða. Auk þess hafa
fyrirtækin sem munu byggja stífluna
verið skylduð til að verja um hundr-
að milljörðum íslenskra króna til
verndar umhverfinu.
„Stjórnvöld hafa skrifað und-
ir dánarvottorð Xingu-fljótsins
Stjórnvöld hafa skrifað undir
dánarvottorð Xingu-
fljótsins og dæmt þús-
undir íbúa til að fara.
Risastífla í amason
helgi hrafn guðmunDSSon
blaðamaður skrifar: helgihrafn@dv.is
Þriðja stærsta stífla veraldar mun rísa í einni af þverám hins
mikla Amasonfljóts á næstunni en lula da Silva, forseti Brasil-
íu, hefur gefið grænt ljós á byggingu hennar. Umhverfissinnar
óttast að hún muni valda mikilli eyðileggingu í lífríkinu og
rústa lífsháttum frumbyggja á stóru svæði.
Ógnar lífríkinu IndjániafChicrin-þjóðarbrotinuhorfirá
ánaBacaja,hliðaráXingu-fljótsins.Eftiráratugalangardeilur
hefurríkisstjórnBrasilíuloksákveðiðaðhefjasthandavið
þriðjustærstustífluveraldarásvæðinuþarsemþúsundir
frumbyggjahafaáttheimiliímargaraldir.
mynD reuterS
Reiði í garð
filipps eyinga
Þúsundir manna gengu um götur
Hong Kong á sunnudaginn og lýstu
yfir gremju sinni vegna meðhöndl-
unnar filippseyskra stjórnvalda á
gíslatökunni í síðustu viku.
En lögregluyfirvöld á Filippseyj-
um hafa viðurkennt að þau hafi ekki
haft nægilega menntun, búnað eða
reynslu til að takast á við gíslatök-
una. Þá lokaði vopnaður fyrrverandi
lögreglumaður sig inni í rútu sem
full var af ferðamönnum frá Hong
Kong. Átta þeirra létust eftir margra
klukkustunda samningaviðræður
við manninn sem fóru úr böndun-
um þegar hann fór að skjóta gísla
sína á meðan lögreglumennirn-
ir reyndu að brjótast inn í rútuna.
Sérfræðingar segja að lögreglan hafi
beitt röngum úrræðum og gengið
hægt og máttlaust fram.
Engin lokapróf
í Harvard
Harvard-háskóli í Bandaríkjunum
tók þá ákvörðun í júlí að hætta að
nota lokapróf sem mælikvarða. Þá
hafði skólinn áður skyldað kennara
sína til þess að sækja um undanþágu
ef þeir kusu að halda ekki lokapróf,
en nú er þessu öfugt farið. Kennar-
ar við skólann þurfa að láta yfirvöld
skólans vita ef þeir vilja hafa loka-
próf í sínum námskeiðum. Sumir
hafa gagnrýnt þessa ákvörðun skól-
ans, og sagt þetta enn eina tilraun til
þess að lækka gæðastaðal námsins
og um leið hlutfall áreynslu sem
starfsmenn og nemendur þurfa að
veita við námið.
fyrsti frumbygginn
á þing
Fyrsti þingmaðurinn af ætt ástr-
alskra frumbyggja hefur verið kos-
inn á þjóðþing landsins í fyrsta sinn
í sögunni. Ken Wyatt er í hinum
hægrisinnaða Frjálslynda flokki. Í
kosningunum í Ástralíu á dögun-
um vann hvorugur stóru flokkanna,
Verkamannaflokkurinn og Frjáls-
lyndi flokkurinn, þingmeirihluta.
Hann segir að pósthólfið sitt hafi
fyllst af bréfum frá kynþáttahötur-
um sem eru æfir yfir því að maður
af frumbyggjakyni fái að setjast á
þingið. Wyatt lét bréfin ekki trufla sig
og segir að Ástralar verði að takast á
við fortíðina til þess að þróast í betra
samfélag.
Páfamessa Kaþólskakirkjanerívandastöddvegnaásakanaumkynferðisbrot
klerkastéttarinnarvíðaumlönd. mynD reuterS