Dagblaðið Vísir - DV - 30.08.2010, Blaðsíða 18

Réttlæting
útRásaRvíkings
n Það hefur verið talið fjölmiðlum
til nokkurs vansa að taka svoköll-
uð drottningarviðtöl. Í þeim dúr
var viðtal Ólafs
Stephensens,
ritstjóra Frétta-
blaðsins, við
Sigurð Einars-
son, fyrrverandi
stjórnarformann
Kaupþings.
Sigurður lét
vaða á súðum
í viðtalinu og hraunaði yfir Ólaf
Þór Hauksson, sérstakan saksókn-
ara, og allt hans lið. Hann var ekki
spurður lykilspurninga um fram-
göngu sína í aðdraganda hrunsins.
Hugsanlegt er að þarna sé fyrsta
viðtalið í röð réttlætingarviðtala
útrásarvíkinga. Gárungar telja að
næsta viðtal Ólafs verði við Jón Ás-
geir Jóhannesson.
siðvæðing
landsbanka
n Steinþór Pálsson, bankastjóri
Landsbankans, er að feta nýjar
brautir í banka sínum með því að
segja upp framkvæmdastjórum
sem sumir hverjir eru með lík í lest-
inni. Þannig var sjö framkvæmda-
stjórum sagt upp fyrir helgi en
þeim gefinn kostur á að sækja um
aftur. Greinilega er þarna á ferð
tilraun til siðvæðingar og þykir ein-
hverjum tímabært. Innan bankans
er aftur á móti titringur.
Fitulag í
hæstu hæðum
n Besti flokkur Jóns Gnarr er á fley-
giferð við að taka til hjá Orkuveitu
Reykjavíkur, einu mesta sukkfyrir-
tæki samtímans.
Svo virðist sem
nýr meirihluti í
Reykjavík ætli
að fituskera fyr-
irtækið og kippa
stríðöldum gæð-
ingum sem eru á
jötu almennin-
ings niður á jörð-
ina. Víst er að það er mörgum í yf-
irstjórn fyrirtækisins sárt að þurfa
að yfirgefa efstu hæðina, sem fram
að þessu var skjól yfirstéttarinnar,
og hefur verið ákveðið að rýma og
setja í leigu. Þótt Orkuveituhúsið
sé nýlegt var þenslan slík að þegar
flutt var í húsið varð að leigja annað
húsnæði til að koma öllu fitulaginu
fyrir.
hRoki hönnu biRnu
n Þótt Jón Gnarr og félagar séu á
kafi í tiltekt hjá Reykjavíkurborg
og fyrirtækjum hennar er svo að
sjá sem minnihluti Sjálfstæðis-
flokkksins sé lítt hrifinn. Borgar-
stjórinn kvartar yfir því á dagbók
sinni á Facebook að mæta fálæti og
hroka Hönnu Birnu Kristjánsdótt-
ur og félaga hennar. „Efast um að ég
geti átt samvinnu við
Sjálfstæðisflokk-
inn. Mér finnst
ég sýna auðmýkt
en fá lítið á móti
nema töffaragang,
hroka og eða fálæti,
ég brosi, en fæ
lítið tilbaka. Á ég
að hætta líka að
brosa...?“ spyr Jón
Gnarr.
Sigurður Einarsson er lost-inn steini og þrumu yfir því hvernig farið er með hann. Í fyrsta lagi var sérstaki sak-
sóknarinn svo frekur að heimta að
hann kæmi í yfirheyrslu. Svo þegar
Sigurður var búinn að segja skýrt
nei við því, vegna þess að honum
líkaði ekki bónin, var hann eftir-
lýstur!
Sigurður Einarsson greindi frá því í viðtali við Fréttablaðið að hann er saklaus, en það er saksóknarinn sem er sekur.
Hann þarf að rannsaka.
Svarthöfði hefur sjálfur lent í svona aðstæðum. Eitt sinn var hann tekinn af löggunni fyrir að keyra alltof hratt.
Svarthöfði var að flýta sér og vildi
ekki stoppa, enda hefði það líklega
í för með sér kostnað fyrir hann. Á
endanum neyddist hann til að láta
undan valdníðslu og yfirgangi lögg-
unnar og stöðva ökutækið. En vegna
þessarar framkomu lögreglunnar
hefur Svarthöfði kært hana. Lög-
reglumaðurinn var nefnilega sjálf-
ur að keyra alltof hratt. Hann var
sjálfur sekur um það brot sem hann
vændi Svarthöfða um! Maður spyr:
Er það eðlilegt? Hræsni, valdníðsla
og tvískinnungur.
Dómstóll götunnar hefur dæmt Sigurð Einarsson. Fólk hreinlega talar um hann sem hvítflibba-
glæpon bara út af því að hann saug
milljarða út úr stærsta banka Ís-
lands, sem hann stýrði í eitt stærsta
gjaldþrot heimssögunnar, og blekkti
þjóðina þar til allt var of seint. Það
gleymist hins vegar að á Íslandi má
ekki tala um svona hluti fyrr en það
fellur dómur. Sigurður Einarsson er
saklaus uns sekt sannast. Aðgát skal
höfð í nærveru sálartetursins hans.
Það er áfellisdómur yfir fjöl-miðlum landsins hvern-ig fjallað hefur verið um Sigurð Einarsson og hann
bendlaður við ýmis efnahagsbrot
sem hann er saklaus af – þar sem
lagaleg sekt hefur ekki verið sönnuð.
Loksins um helgina gerðist það að
sannleikurinn var dreginn upp á
yfirborðið og birtur á forsíðu Frétta-
blaðsins. Það er sérstaki saksóknar-
inn sem er sekur.
Ísland er hræðilegt land. Þar geta menn ekki rústað efna-hagslífinu með prettum og fengið að flýja landið í friði með
góssið sitt góða. Og það er ömurleg
þjónusta í fangelsinu. Hreiðar Már
Sigurðsson var ekki yfirheyrður fyrr
en 10 dögum eftir að hann var settur
í gæsluvarðhald vegna rannsóknar-
hagsmuna. Og svo er talað opinber-
lega um saklausa menn í samhengi
við meint brot.
Sigurður lýsti því sjálfur á harmþrunginn hátt í viðtali við ritstjóra Fréttablaðsins hvað það er ósanngjarnt að
fólk gagnrýni hann og félaga hans.
Auðvitað er Eva Joly sek um að hafa
látið fólk gera það. „Refsingin á al-
þingi götunnar sem Frú Joly hefur
talað fyrir hefur því nú þegar náð
fram að ganga og verður aldrei tekin
til baka“.
Nú verður Svarthöfði að hætta, því tárin byrgja honum sýn...
Sigurður SaklauSi
„Já, við þurfum að gera það,“ segir
Ólafur ÞÓrðarSon,
þjálfari Fylkis, en
árangur liðsins í
úrvalsdeild karla í
knattspyrnu hefur
verið undir vænting-
um og ekki
skánaði staða
liðsins þegar
það tapaði
með
tveimur
mörkum
gegn
einu í
leik gegn
ÍBV á
sunnu-
dag.
Þurfið Þið að
fylkja liði?
„Ég er fórnar-
lamb Ólafs
Skúlasonar.“
n Dagbjört Guðmundsdóttir, sem gerði
tilraun til þess árið 1996 að segja kirkjunni frá
ofbeldi sem hún varð fyrir af hálfu Ólafs. - DV
„Hún er algjör
himnasending.“
n Petra Sif Gunnarsdóttir, sem eignaðist sitt
fyrsta barn með eggi systur sinnar. Barnið var
stúlka og var skírð í höfuðið á systur Petru. - DV
„Þetta kenndi mér að
treysta ekki fólki.“
n Særós Guðnadóttir, sem varð fyrir
kynferðislegri áreitni af hálfu Ólafs Skúlasonar
árið 1972, þá sautján ára gömul. - DV
„Það hefur ekki
mikið gerst á
vettvangi borg-
arstjórnar þetta
sumarið.“
n Hanna Birna Krisjánsdóttir, oddviti
Sjálfstæðisflokksins segir engan töffaragang í
flokknum, og menn megi ekki taka ágreiningi
persónulega, en Jón Gnarr hafði sakaði flokkinn
um töffaragang. - Visir.is
„Ég gerði mig sekan
um alvarleg mistök
í hita leiksins.“
n Tómas Joð Þorsteinsson, í yfirlýsingu sem
hann sendi frá sér eftir leik Fylkis og KR. Tómas
fékk að líta rauða spjaldið og stjakaði í kjölfarið
við dómara leiksins. - Visir.is
Enn er 2007 í Reykjanesbæ
DV hefur undanfarna daga fjallað um enn eitt mál sem sýnir þá óráðsíu sem einkennt hefur rekstur Reykja-nesbæjar. Bræður, sem stunda fjár-
festingar og eru íbúar í bænum, leigðu tæplega
200 hektara land af bænum árið 2006 til 75 ára
og veðsettu nýtingarréttinn á því samstundis
hjá fjárfestingarbankanum VBS, sem Spari-
sjóðurinn í Keflavík var stærsti hluthafinn í,
fyrir milljarð króna.
VBS er orðinn gjaldþrota og hafa 70 prósent
af landsvæðinu gengið aftur til Reykjanes-
bæjar. Ólíklegt verður að teljast að kröfuhafar
VBS muni nýta sér byggingarréttinn á lóðinni
á næstu árum og mun hann væntanlega fara
aftur til bæjarins á næstu árum.
Eftir stendur að bræðurnir sem tóku land-
ið á leigu og veðsettu það fengu milljarð króna
í vasann fyrir veðsetninguna á nýtingarrétti
lóðarinnar; milljarð króna sem líklegt er að
VBS muni þurfa að afskrifa að mestu leyti. Enn
sem komið er veit enginn hvert þessi millj-
arður fór. Íslenska ríkið er einn stærsti kröfu-
hafi VBS og má því segja að milljarðurinn sem
bræðurnir fengu sé að hluta til réttmæt eign
hins opinbera.
Þegar litið er á þessa viðskiptafléttu, þar
sem verið er að sýsla með eignir Reykjanes-
bæjar, og hvaða fjárhagslega ávinning Reykja-
nesbær hafði af henni þarf erfið staða bæjarins
ekki að koma á óvart – skuldir bæjarins nema
399 prósent af árstekjum hans. Hluti skýring-
arinnar á skuldastöðu bæjarins felst í því að
bærinn seldi nánast allar fasteignir sínar inn í
eignarhaldsfélagið Fasteign, sem er fjármagn-
að með lánum í erlendum myntum. Bærinn
leigir þær aftur fyrir himinhátt leiguverð sem
orsakast af falli íslensku krónunnar. Reykja-
nesbær rambar á barmi gjaldþrots vegna þess-
arar óstjórnar síðustu ár.
Sagan af skuldastöðu og yfirvofandi þroti
Reykjanesbæjar er því eins og smækkuð, verri
útgáfa af sögu íslensku þjóðarinnar á liðn-
um árum. Mitt í öllu ruglinu sem átt hefur sér
stað í bænum standa stjórnmálamennirnir
sem stýrt hafa Reykjanesbæ, Sparisjóðurinn
í Keflavík – sem var eins og lítill og þægilegur
fjölskyldubanki fyrir gæðingana í bænum sem
gátu sótt þangað fé nánast að vild – og loks fá-
mennur hópur kaupsýslumanna og verktaka
sem oft voru nátengdir stjórnendum bæjarins
og höfðu ítök í sparisjóðnum. Þetta hættulega
samkrull stjórnmála og viðskiptalífs í Reykja-
nesbæ var enn eitraðara þar en í landsmála-
pólitíkinni vegna þess hversu bærinn er lítill,
tengsl manna náin og opinbert eftirlit og að-
hald fjölmiðla takmarkað.
Munurinn á nærsögu íslensku þjóðarinnar
og Reykjanesbæjar er líka sá að á meðan ljóst
er að íslenska ríkisstjórnin og fjármálakerf-
ið beið skipbrot á þessum árum hefur engin
slík viðurkenning á mistökum átt sér stað hjá
stjórnendum Reykjanesbæjar eða Sparisjóðs-
ins í Keflavík. Sami meirihluti er enn við völd
í bænum og engin rannsókn er í gangi á spari-
sjóðnum. Opinbera skýringin á stöðu Reykja-
nesbæjar og sparisjóðsins er því að ekkert mis-
jafnt hafi átt sér þar stað jafnvel þó að dæmin
sem benda til hins gagnstæða séu orðin mörg.
Hrunið hefur því enn ekki átt sér stað í Reykja-
nesbæ, ef svo má segja, og enn síður uppgjörið
við það. Enn er árið 2007 í Reykjanesbæ.
ingi f. vilhjálmSSon fréttaStjóri Skrifar. Sami meirihluti er enn við völd í bænum og engin rannsókn virðist eiga að vera gerð á sparisjóðnum þar í bæ.
sandkorn
tryggVagötu 11, 101 reykjaVÍk
Útgáfufélag: DV ehf.
Stjórnarformaður:
Lilja Skaftadóttir
framkvæmdaStjóri:
Bogi örn emilsson
ritStjórar:
jón trausti reynisson, jontrausti@dv.is
og reynir traustason, rt@dv.is
fréttaStjóri:
Ingi Freyr Vilhjálmsson, ingi@dv.is
dv á netinu: DV.IS
aðalnÚmer: 512 7000, ritStjórn: 512 7010,
áSkriftarSími: 512 7080, auglýSingar: 512 7050.
SmáauglýSingar: 515 5550.
umbrot: DV. Prentvinnsla: Landsprent. dreifing: Árvakur.
DV áskilur sér rétt til að birta aðsent efni blaðsins
á stafrænu formi og í gagnabönkum án endurgjalds.
öll viðtöl blaðsins eru hljóðrituð.
leiðari
spurningin
svarthöfði
bókstaflega
18 umræða 30. ágúst 2010 mánudagur