Dagblaðið Vísir - DV - 06.09.2010, Blaðsíða 11

mánudagur 6. september 2010 fréttir 11
svona nálægt sér. Þetta er bara ömur-
legt. Maður er náttúrulega feginn að
það séu komin málalok en þetta var
bara það versta sem gat komið fyrir
mig. Ég er samt að öllu leyti mjög feg-
in því að þetta sé búið.“
Youtube-myndbandið
Eins og fram hefur komið í fjölmiðl-
um játaði Gunnar Rúnar ást sína á
Hildi í Youtube-myndbandi sem varð
vinsælt í netheimum. Þá hefur morð-
ið á Hannesi verið rannsakað sem
ástríðuglæpur. Hildur segir að í kjöl-
far birtingar myndbandsins hafi hún
gert Gunnari grein fyrir því hvar hún
stæði: „Ég gerði honum alveg fulla
grein fyrir því þegar hann gerði þetta
myndband að þetta væri ekki endur-
goldið. Ég væri hamingjusöm í mínu
sambandi og ég var ekki að fela það
fyrir neinum hvað ég var hamingju-
söm í mínu sambandi.“
Þá segir Hildur að hún hafi ekki
talað við Gunnar lengi á eftir. „Seinna
baðst hann afsökunar og það var allt í
lagi. Þetta var bara Gunni og ég fann
til með honum. Svo byrjaði ég að tala
við hann aftur og þá byrjaði hann að
vera með okkur á djamminu og gisti
heima hjá okkur og svona.“ Hún seg-
ir að Gunnar hafi aldrei nokkru sinni
eftir það talað við hana um að hann
bæri ennþá tilfinningar í hennar garð:
„Aldrei, eftir þetta myndband. En ég
heyrði það tveimur dögum eftir að
Hannes dó að Gunnar hefði talað
þannig við bróður vinkonu minnar.
Ég hafði ekki hugmynd um það fyrr
en eftir að Hannes var dáinn, þá fékk
ég að vita það.“
„Búið að rústa lífi mínu“
Hildur segist ekki hafa verið í neinu
sambandi við Gunnar Rúnar eftir
ódæðið. Hann hafi þó hringt í hana
fyrir um það bil tveimur vikum og
sagt við hana að hann væri búinn að
fá bílinn sinn úr rannsókn. Þá hafi
hann spurt hvort þau gætu hist á
næstu dögum og spjallað. „Ég var al-
veg í rusli þegar hann hringdi, ég vissi
ekkert, var ennþá í losti og sagði hon-
um að vera í bandi eftir helgi. Hann
var tekinn daginn eftir í gæsluvarð-
hald.“ Eins og fram hefur komið eru
Hildur og Gunnar Rúnar æskuvinir
frá því í grunnskóla en Hildur talaði
ekkert við hann frá því í tíunda bekk
og þar til fyrir tveimur árum þegar
þau byrjuðu að tala saman aftur. „Við
höfum bara verið djammfélagar og
erum búin að vera það síðustu ár, og
ég hef ekkert verið að hitta hann fyr-
ir utan djammið,“ segir Hildur þegar
hún er spurð út í hvers eðlis vinátta
þeirra hafi verið.
Hildur og Hannes höfðu verið
saman í eitt og hálft ár og höfðu þau
búið saman mestallan tímann. „Við
vorum búin að plana ýmislegt sem
tengdist framtíð okkar saman. Við
vorum virkilega ástfangin og mjög
hamingjusöm. Ég get ekki lýst því
hvað það er mikill tómleiki í lífi mínu.
Hann var mér allt. Í dag er enginn við
hliðina á mér, það vantar meira en
helminginn af mér.“
Hildur segir tilfinningarnar sem
hún hefur undanfarið upplifað í raun
vera ólýsanlegar: „Ég er búin að fara
stanslaust upp og niður. Ef ég er ekki
grenjandi, þá er ég ákaflega dofin og
annars er það bara þvílík reiði. Þetta
blandast allt saman í einn hræri-
graut og alveg rosalega mikið af því.
Ég eiginlega get ekki lýst þessu. Þetta
er bara gjörsamlega búið að rústa lífi
mínu og ég veit ekki hvað ég á að gera.
Þetta er í rauninni mjög óraunveru-
legt. Ég er ekki komin niður á jörðina
með þetta.“
„HANN SENDI MÉR SAMÚÐARSKEYTI“
Leitað að morðvopni Kafarar ríkislögreglustjóra hafa undanfarið leitað að morðvopninu við smábátahöfnina í Hafnarfirði.
Hildur og Hannes „Við vorum búin
að plana ýmislegt sem tengdist fram-
tíð okkar saman. Við vorum virkilega
ástfangin og mjög hamingjusöm,“
segir Hildur meðal annars.
framhald á
næstu síðu