Dagblaðið Vísir - DV - 18.03.2011, Síða 8

8 | Fréttir 18.–20. mars 2011 Helgarblað
Aðstandandi látins manns undrandi á vinnubrögðum öryggisfyrirtækis:
Varar við neyðarhnöppum
Maður á fertugsaldri segir í samtali við
DV að neyðarhnappar sem settir voru
upp í íbúð aldraðs föður hans hafi ekki
virkað sem skyldi þegar mest á reyndi.
Faðir mannsins lést á heimili sínu
í júlí síðastliðnum en aðstandendur
hans gerðu athugasemdir við frágang
neyðarhnapps sem Öryggismiðstöð-
in hafði sett upp heima hjá honum.
Neyðarhnappurinn var tengdur við
landlínu eins og vaninn er en aðstand-
endur mannsins vilja meina að slakur
frágangur við tengingu hafi valdið því
að síðar slitnaði snúran úr sambandi,
og símtenging rofnaði.
Á dánarstundinni var því ekkert
símasamband á heimili mannsins og
neyðarhnappurinn virkaði ekki. Sonur
mannsins er undrandi á vinnubrögð-
unum og vill vekja athygli á málinu,
öðrum til varnaðar. Hann segir fullt af
fólki telja sig fullkomlega öruggt með
neyðarhnappa en það gleymist að út-
skýra fyrir fólki að ef símtenging rofni
einhverra hluta vegna sé voðinn vís.
Hann segir mikilvægt að aðstandend-
ur séu meðvitaðir um kosti og galla
slíkra öryggistækja, en að oft geti slík
tæki veitt falskt öryggi, eins og í dæmi
föður hans.
Ómar Örn Jónsson, markaðsstjóri
Öryggismiðstöðvarinnar, kannast við
umkvartanirnar en að ekki sé við Ör-
yggismiðstöðina að sakast. Hann seg-
ir það reglu við uppsetningu neyðar-
hnappa að þeir séu prófaðir og að slíkt
hafi verið gert í þessu tilviki. Þá tekur
hann fram að öryggishnappar fyrir-
tækisins sendi frá sér merki einu sinni
á sólarhring, og ef slíkt merki berist
ekki sé það kannað nánar. Ómar seg-
ir öryggishnappana hafa margsannað
gildi sitt, enda komi á hverju ári upp
fjöldi atvika þar sem hnappurinn skipti
sköpum. Hann hvetur fólk þó til þess
að prófa hnappinn reglulega og hafa
samband við stjórnstöð.
jonbjarki@dv.is
2011
Fermingarboðskor t V ið gerum boðskor tin í ferminguar veislunaVerð frá 135kr. stk.
www.myndval. is
Þönglabakki 4 - sími 557 4070
Ótraustvekjandi Hér sést neyðar­
hnapps tengingin sem brást. Aðstandendur
vilja meina að slæmur frágangur hafi valdið
því að sambandið rofnaði.
Sækja til Norðurlanda:
„Algjör
sprenging“
Mikil eftirspurn er meðal Íslend-
inga eftir upplýsingum um flutn-
ing til hinna Norðurlandanna.
Þrír fundir hafa verið skipulagðir
á næstu vikum þar sem ítarlega
verður farið í gegnum hvað þurfi
að vita og hvað þurfi að gera þegar
flutt sé frá Íslandi til hinna Norður-
landanna. „Þetta byrjaði fyrir 5
eða 6 árum og í byrjun var þetta
afskaplega rólegt og voru kannski
30 þátttakendur á þremur nám-
skeiðum, en frá haustinu 2008
hefur orðið algjör sprenging í þátt-
töku í þeim,“ segir Alma Sigurðar-
dóttir, verkefnastjóri Halló Norður-
lönd. „Haustið 2008 voru eitthvað á
þriðja hundrað skráð á námskeiðin
en smám saman höfum við fjölgað
námskeiðunum og það hefur verið
margföld þátttaka frá því sem var
áður.“ Fyrirspurnum rignir líka inn
til upplýsingaþjónustunnar en hún
óx gríðarlega í kjölfar hrunsins og
hefur haldist nokkuð stöðug síðan.
Á námskeiðunum er farið vel
yfir þau atriði sem þarf að hafa í
huga þegar flutt er frá Íslandi til
hinna Norðurlandanna. „Í ár verð-
ur þetta þannig að EURES, sem er
evrópsk vinnumiðlun, mun kynna
atvinnuleit og gefa fólki upplýsing-
ar um atvinnuástandið í þessum
löndum og ráð um hvernig best sé
að haga atvinnuleitinni, því það
eru ekki alveg sömu reglurnar sem
gilda í öllum löndum. Svo mun
ég, sem fulltrúi Halló Norðurlönd,
fara yfir öll þessi praktísku atriði
sem fylgja flutningum,“ segir Alma.
Meðal atriðanna sem hún fer yfir á
námskeiðunum er hvernig félags-
lega kerfið virkar, hvernig atvinnu-
leysisbætur virka sem og húsa-
leigu- og barnabætur. „Svo í ár
fáum við í fyrsta skipti fulltrúa frá
ríkisskattstjóra sem ætlar að gefa
ráð varðandi skatta.“
Námskeiðunum hefur verið vel
tekið og hefur fólk verið ánægt með
upplýsingarnar sem þar koma fram
segir Alma. „Norrænir samningar
gera að verkum að Norðurlöndin
eru það svæði sem auðveldast er að
flytja til fyrir norræna ríkisborgara.“
adalsteinn@dv.is
„Það er alveg ljóst að skref yrði tekið á
leiðinni til afnáms gjaldeyrishaftanna
– jafnvel stórt skerf – með því að ljúka
Icesave-deilunni með samningum
og hafa hana þar með að baki,“ segir
Helgi Magnússon, formaður Samtaka
iðnaðarins, í samtali við DV.
Helgi er jafnframt stjórnarfor-
maður Lífeyrissjóðs verslunarmanna.
Hann segir bagalegt fyrir svo stór-
an lífeyrissjóð að þrengt sé að ávöxt-
unarkostum með gjaldeyrishöftum.
„Lífeyrissjóðurinn er með um 40
milljarða króna á bankabók og við
mundum einnig horfa til ávöxtun-
arkosta erlendis ef gjaldeyrishöftin
stæðu ekki í veginum.“
Mjórra á munum
Mjórra er nú á munum en áður milli
JÁ- og NEI-hreyfinganna fyrir Icesave-
þjóðaratkvæðagreiðsluna 9. apríl
næstkomandi. Þetta má ráða af nýrri
könnun sem MMR hefur gert og birt
var í Viðskiptablaðinu fyrir helgina.
Liðlega 52 prósent þeirra sem afstöðu
tóku eru samþykk Icesave-lögunum
en tæplega 48 prósent eru andvíg
þeim.
Jákvæð fylgni er milli afstöðu til
aðildar að ESB og afstöðunnar til
Icesave-laganna, en það var kann-
að sérstaklega. Þeir sem andvígastir
eru aðild að ESB eru jafnframt mestu
andstæðingar Icesave-samningsins.
Þrír af hverjum fjórum, sem segjast
ætla að greiða atkvæði gegn Icesave-
samningnum, eru mjög andvígir að-
ild að ESB. Þrír af hverjum fjórum,
sem segjast ætla að samþykkja Ice-
save-samninginn, eru jafnframt mjög
fylgjandi aðild að ESB.
Stuðningurinn við Icesave-samn-
inginn er 85 til 90 prósent meðal kjós-
enda stjórnarflokkanna. Mest er and-
staðan meðal framsóknarmanna; þrír
af hverjum fjórum ætla að greiða at-
kvæði gegn honum, samkvæmt nið-
urstöðum MMR-könnunarinnar.
Aðeins um 40 prósent kjósenda Sjálf-
stæðisflokksins ætla að fylgja for-
manni sínum, Bjarna Benediktssyni,
og samþykkja Icesave-samninginn.
Niðurstöðurnar benda til þess að 60
prósent kjósenda flokksins ætli að
greiða atkvæði gegn samningnum.
Eining var ekki heldur innan þing-
flokks Sjálfstæðisflokksins þegar lög-
in um Icesave voru afgreidd, en alls
um 70 prósent kjörinna þingmanna
studdu Icesave-samninginn og laga-
setningu þar að lútandi.
Vilja Icesave út úr myndinni
Aðeins þrjár vikur eru þar til þjóðar-
atkvæðagreiðslan fer fram. Ríkis-
stjórnin hefur haldið sér til hlés og
ólíklegt að stjórnvöld beiti sér í mál-
inu með öðrum hætti en að gangast
fyrir dreifingu á upplýsingarefni.
Hörður Arnarson, forstjóri Lands-
virkjunar, segir ljóst að Icesave-deilan
geti enn tafið fjármögnun Búðarháls-
virkjunar; lánin verði óhagstæðari og
til skemmri tíma en ella dragist málið
á langinn. Engu að síður hefur Lands-
virkjun nú fengið lán með skilyrðum
frá Norræna fjárfestingarbankanum.
„Óvissa vegna fyrirhugaðrar þjóð-
aratkvæðagreiðslu um Icesave-samn-
inginn og sú staðreynd að áætlun um
losun gjaldeyrishafta hefur enn ekki
verið að fullu lokið gefur tilefni til sér-
stakrar aðgæslu um þessar mundir,“
sagði í greinargerð peningastefnu-
nefndar Seðlabankans samhliða nýrri
stýrivaxtaákvörðun í vikunni.
Tvístígandi Bjarni
Bjarni Benediktsson, Sjálfstæðis-
flokki, gerði fátæklegar fjárfestingar í
atvinnulífinu að umtalsefni á Alþingi í
vikunni. Hann sagði að ríkisstjórninni
hefði mistekist að skapa réttu skilyrð-
in og fjárfestingarstigið væri 150 millj-
örðum króna lægra en að var stefnt
fyrir tveimur árum. Þetta ógnaði nú
kjarasamningum og friði á vinnu-
markaði.
Jóhanna Sigurðardóttir forsætis-
ráðherra kvaðst deila áhyggjum með
Bjarna; fjárfestingar væru aðeins um
13 prósent af landsframleiðslu en
þyrftu að vera 18 til 20 prósent.
Bjarni sagði það mikil tíðindi að
forsætisráðherra viðurkenndi fjár-
festingarvandann. Taldi hann að fjár-
festingartregðuna mætti meðal ann-
ars rekja til þess að ríkisstjórnin héldi
sjávarútvegi í óvissu og áætlanir um
afnám gjaldeyrishafta væru seint á
ferð. Þótt Bjarni hafi lýst því að hann
ætli að styðja Icesave-samninginn og
að það séu falsrök að ætla að þjóð-
in losni undan vandanum með því
að hafna honum í þjóðaratkvæða-
greiðslu, minntist hann ekkert á að
Icesave-deilan kynni að hafa verið
dragbítur fyrir fjárfestingarstigið eða
gjaldeyrishöftin líkt og Seðlabankinn,
Samtök iðnaðarins og fleiri telja vera.
n Skref yrði stigið frá gjaldeyrishöftum með samningi um Icesave, segir formaður SI
n Formaður Sjálfstæðisflokksins tvístígandi n Stjórnarliðar og ESB-sinnar ætla að
samþykkja n Framsóknarmenn harðastir gegn samningum
Slagurinn um
Icesave harðnar
„ Niðurstöðurnar
benda til þess
að 60 prósent kjósenda
flokksins ætli að greiða at-
kvæði gegn samningnum.
Jóhann Hauksson
blaðamaður skrifar johann@dv.is
Icesave og höftin Helgi Magnússon segir
ljóst að stórt skref yrði stigið frá gjaldeyris­
höftum með því að semja um Icesave.
Formaður í klemmu
Bjarni Benediktsson finnur
að gjaldeyrishöftum og lítilli
fjárfestingu en tengir ekki
vandann við Icesave. Aðeins
4 af hverjum 10 sjálfstæðis­
mönnum ætla að samþykkja
Icesave líkt og hann.