Dagblaðið Vísir - DV - 08.04.2011, Blaðsíða 4

4 | Fréttir 8.–10. apríl 2011 Helgarblað
Sími 412 2500 - sala@murbudin.is - www.murbudin.is
– Afslátt eða gott verð?
Reykjavík - Reykjanesbæ
Akureyri - Húsavík
Vestmannaeyjum - Flúðum
Gæða glersteinn
– ótal lausnir
Faðir drengs í Öskjuhlíðarskóla ævareiður út í skólayfirvöld:
Kærður vegna hrekks
„Það var ekki bara verið að brjóta á
mér heldur syni mínum líka,“ segir
faðir drengs í Öskjuhlíðarskóla sem
var í vikunni boðaður á fund hjá fé­
lagsmálastofnun þar sem honum var
tilkynnt að hann hefði verið kærð­
ur til Barnaverndar fyrir vanrækslu
á fötluðum syni sínum. Mannin­
um brá heldur betur í brún en varð
ævareiður þegar í ljós kom hvernig í
pottinn var búið. Hann segir skóla­
félaga sonar síns hafa manað hann
til þess að ljúga því að kennaran­
um að pabbi hans gæfi honum ekki
að borða og væri vondur við hann.
„Sonur minn gerði þetta en málið
er að félagsráðgjafinn í Öskjuhlíðar­
skóla hafði ekkert samband við mig.
Ég er bara kærður til Barnaverndar
fyrir vanrækslu,“ sagði faðirinn mið­
ur sín í samtali við DV. Hann segist
hafa verið mjög reiður út í skólayfir­
völd í Öskjuhlíðarskóla og þykir með
ólíkindum að slíkar vinnureglur séu
viðhafðar. „Þetta er það ljótasta sem
hef nokkurn tíma lent í.“ Hann fékk
þó fund með félagsráðgjafa skólans,
eftir að hann mætti á fundinn hjá
félagsmálastofnun, þar sem hann
segist hafa verið beðinn innilega af­
sökunar, fyrir hönd skólans, vegna
málsins. Hann segir að sér hafi ver­
ið tjáð að þetta hefðu verið mistök
sem myndu ekki eiga sér stað aftur.
Þá segir hann að skólinn ætli sér að
kalla málið til baka frá Barndavernd.
Félagsráðgjafi Öskjuhlíðarskóla
sagðist í samtali við DV ekki geta tjáð
sig um einstök mál en ítrekaði að
hagur barnsins væri alltaf hafður að
leiðarljósi og að barnið yrði alltaf að
njóta vafans. Hann sagði að almenna
reglan væri sú að talað væri við for­
eldra áður en mál væru tilkynnt til
Barnaverndar. Það færi þó eftir því
hvers eðlis málin væru.
solrun@dv.is
Hrekkur Faðirinn segir son sinn hafa verið manaðan til að ljúga að kennaranum.
Frávísunarkröfu
Sigurðar hafnað
Frávísunarkröfu Sigurðar Einars­
sonar, fyrrverandi stjórnarfor­
manns Kaupþings, var hafnað
á fimmtudag í máli Kaupþings
gegn honum. Þrotabú Kaupþings
vill rifta þeirri ákvörðun stjórnar
Kaupþings að fella niður persónu­
legar ábyrgðir starfsmanna sem
bankinn hafði veitt lán á sínum
tíma. Þetta mál er eitt af mörgum
sem hafa verið höfðuð gegn fyrr­
verandi starfsmönnum Kaupþings
Banka hf. vegna fyrrnefndra per­
sónulegra ábyrgða.
Það sem kom á óvart við úr­
skurðinn var að lögmaður þrota­
bús Kaupþings var ekki viðstaddur
og því var farið fram á niðurfell­
ingu máls af hálfu lögmanns
Sigurðar Einarssonar. Lögmaður
Sigurðar fór einnig fram á greiðslu
málskostnaðar og ætlaði dómari
að taka málið til úrlausnar, það er
hvort málið verður fellt niður og
mögulega greiðslu málskostnaðar.
Ef svo fer að málið verði fellt
niður má álykta að það muni
skrifast að miklu leyti á lögmann
Kaupþings í þessu máli.
Guðmundur greiði
87 milljónir króna
Kaupsýslumaðurinn Guðmundur A.
Birgisson, kenndur við bæinn Núpa í
Ölfusi, var í Héraðsdómi Reykjavíkur á
fimmtudag dæmdur til að greiða Nýja
Landsbankanum rúmlega 87 milljónir
króna ásamt dráttarvöxtum.
Forsaga málsins er að 8. maí 2007
gerðu Landsbanki Íslands og Guð­
mundur með sér viðskiptasamning
um reikningslánalínu þar sem bank­
inn samþykkti að veita Guðmundi
lán, upphaflega allt að 95 milljónum
króna, sem hann fékk greitt inn á
bankareikning sinn 10. maí 2007. Eftir
að nokkrir viðaukar og framlengingar
höfðu verið gerð og Guðmundur hafði
fengið lánið var ákveðið 8. ágúst 2008
að gildistími samningsins myndi vera
til 14. október það ár. Vanskil urðu
hins vegar hjá Guðmundi og féll lánið
á gjalddaga. Höfuðstóll þess var, 14.
október 2008, rúmlega 84 milljónir
og áfallnir vextir tæpar þrjár milljónir.
Guðmundi var auk þess gert að greiða
200 þúsund krónur í málskostnað.
„Staðan er óbreytt, við vitum ekkert
enn. Við fjölskyldan erum bara að bíða
og sjá hvað setur,“ segir Sólrún Hösk­
uldsdóttir móðir Hrannar Benedikts­
dóttur, tvítugrar stúlku sem liggur nú
meðvitundarlaus á Landspítalnum
í Fossvogi. Hrönn fékk hjartastopp,
aðfaranótt síðastliðins sunnudags.
Hrönn var stödd á Billiardbarnum í
Faxafeni þegar atvikið átti sér stað.
Enginn á staðnum kunni skyndihjálp
og liðu því nokkrar mínútur þangað til
sjúkraflutningamenn mættu á staðinn
og endurlífgun hófst en það tók þá um
korter að lífga hana við.
Öllum brugðið
Magnús Grétar Árnason, starfsmaður
á Billiardbarnum, var á staðnum þegar
stúlkan hneig niður. Hann segir starfs­
mönnum brugðið eftir atvikið. „Eins
og öllum sem voru hérna,“ bætir hann
við. Starfsmenn staðararins munu fara
á skyndihjálparnámskeið á næstunni
og segir Magnús Grétar hverja mínútu
geta skipt máli í aðstæðum sem þess­
um.
Helena Hauksdóttir, besta vinkona
Hrannar, hefur stofnað Facebook­síðu
þar sem hún biður íslensku þjóðina
um að sameinast í bæn og biðja fyr­
ir vinkonu hennar. Hún sagði í við­
tali við Stöð 2 að það hefði vakið hjá
henni óhug hversu lengi Hrönn hafi
verið í hjartastoppi vegna þess að eng­
inn kunni skyndihjálp. Það hafi fengið
hana til að hugsa um það hvað skyndi­
hjálp sé rosalega mikilvæg. „Maður
veit aldrei hvað þetta er mikilvægt fyrr
en þetta kemur fyrir mann sjálfan,“
segir Helena.
Hrönn var haldið sofandi þangað
til á þriðjudaginn en þá var ákveðið
að taka hana af svæfingarlyfjum. Hún
hefur þó ekki vaknað þrátt fyrir það.
Helena segir litlar líkur á að vinkona
sín vakni aftur en heldur þó í vonina.
Hver mínúta skiptir máli
Allir geta lent í þeim aðstæðum að
þurfa að beita skyndihjálp og skipt­
ir þá miklu máli að geta brugð­
ist fljótt við. Ef einstaklingur fer í
öndunarstopp skiptir hver mínúta
máli.
Oddur Eiríksson, sjúkraflutn­
inga­ og slökkviliðsmaður og leið­
beinandi í skyndihjálp, segir al­
gengt að fólk frjósi í aðstæðum sem
þessum og þess vegna sé mikilvægt
að kunna rétt handbrögð. Oddur
hvetur alla til að fara á skyndihjálp­
arnámskeið og segir einstaklinga
sem hafi áhuga á því geta leitað til
Rauða krossins. Einnig geta hópar
leitað til leiðbeinanda sem getur þá
komið á vinnustað.
Hægt er að kaupa sjálfvirkt
hjartastuðtæki sem er lítið og ein­
falt í notkun en það hefur sýnt sig
að slíkt tæki auk hjartahnoðs og
blásturs auki líkur á árangri.
„Við erum
bara að bíða“
n Hrönn Benediktsdóttir fékk hjartaáfall um helgina n Móðir hennar segir stöð-
una óbreytta n Starfsmönnum Billiardbarsins brugðið og ætla þeir á skyndihjálp-
arnámskeið n Leiðbeinandi í skyndihjálp segir mikilvægt að bregðast rétt við
Hanna Ólafsdóttir
blaðamaður skrifar hanna@dv.is
1. Kalla á hjálp.
2. Athuga meðvitund í 3 til 5 sekúndur. Það
er gert með því að ávarpa viðkomandi og
snerta.
3. Ef hann sýnir engin viðbrögð skal hringja
á hjálp í síma 112.
4. Athuga öndun með því að hlusta
og snerta. Ef engin öndun er þá opna
öndunarveg með því að sveigja höfuðið
aftur. Athuga aftur öndun í 5 til 10 sekúndur.
Ef manneskjan andar ekki þá á að byrja
endurlífgun. Ef manneskjan andar þá slær
hjartað í honum.
5. Eftir að búið er að tryggja að hringt verði
á hjálp hefst endurlífgun.
6. Fara niður á hnén við hlið sjúklingsins.
Mikilvægt er að hann liggi á hörðu undirlagi.
7. Staðsetja þykkhöndina á bringubeinið
á milli brjósta. Hin höndin kemur yfir og
læsist hinni.
8. Þrýsta 30 sinnum 3 til 5 sentimetra niður.
Blása síðan tvisvar sinnum í munninn.
9. Þegar blásið er á að opna öndunarveg,
blása tvisvar varlega og sjá brjóstkassa
rísa. Færa skal munn frá eftir hvern blástur.
10. Halda áfram þangað til hjálp berst eða
endurlífgun ber árangur.
Svona bregstu við:
Óvissa Vinir og fjölskylda Hrannar Bene-
diktsdóttur bíða á meðan engar breytingar
hafa orðið á ástandi hennar.
Rétt viðbrögð mikilvæg Oddur
Eiríksson, sjúkraflutninga- og slökkviliðs-
maður og leiðbeinandi í skyndihjálp, segir
algengt að fólk frjósi þegar einstaklingur
fer í hjartastopp. MYND SIGTRYGGUR ARI