Dagblaðið Vísir - DV - 20.05.2011, Blaðsíða 11

Fréttir | 11Helgarblað 20.–22. maí 2011
ERUM VIÐ
OF SEIN?
www.heilaheill.is
Málþing Heilaheilla
laugadaginn 21.05.2011
á Grand Hótel Reykjavík
Til minningar um Ingólf Margeirsson
Hvað veit fólk um slög og TIA?
Hvað tekur við eftir að endurhængu líkur?
Slag?
DAGSKRÁ
10:00 – 10:20 Albert Páll Sigurðsson
10:20 – 10:40 Albert Páll Sigurðsson
10:40 – 11:00 Finnbogi Jakobsson
11:00 – 11:20 Kaffihlé
11:20 – 11:40 Ingvar Þóroddsson
11:40 – 12:00 Umræður
12:00 – 12:40 Matartími
12:40 – 13:00 Haiði Ragnarsson
13:00 – 13:20 Sigurður Helgason
13:20 – 13:40 Ingibjörg Loftsdóttir
13:40 – 14:00 Valþór Hlöðversson
14:00 - 14:20 Þórir Steingrímsson
14:20 - 14:40 Anna Sigrún Baldursdóttir
14:40 - 15:15 Pallaborðsumræður

Slög á Íslandi
Hversu hættuleg eru TIA?
Hver er vitneskja fólks um TIA og slög almennt?
Hvernig er staðið að endurhængu slagsjúklinga?
Hvernig er staðið að endurhængu slagsjúklinga?
Reynsla aðstandanda eftir að endurhængu lýkur
Þekkingamiðstöð Sjálfsbjargar
Hvernig er best að koma upplýsingum til fólks?
Hvaða hlutverki gegnir HEILAHEILL í samfélaginu?
Hvað segja stjórnvöld?
Ráðstefnustjóri GUÐMUNDUR BJARNASON
Öllum opið og aðgangur ókeypis
Þau fyrirtæki sem ekki skila inn árs­
reikningum sínum eiga von á sekt­
um. Sektirnar geta numið 250 eða 500
þúsund krónum. Félag Björns Inga
Hrafnssonar, Caramba – hugmyndir
og orð ehf., hefur ekki skilað inn árs­
reikningi síðan 2007 en sérstaklega var
minnst á félagið í Rannsóknarskýrslu
Alþingis. Ekki er hægt að slá því föstu,
þó ekki sé óeðlilegt að álykta svo, að
Björn Ingi hafi þegar fengið sekt að
upphæð 250 þúsund krónur vegna
vanskila á ársreikningi fyrir árið 2008
til Ársreikningaskrár en 3.229 fyrirtæki
hafa nú fengið sektir vegna vanskila
á ársreikningi fyrir árið 2009. Ekki er
óeðlilegt að álykta að félag Björns Inga
hafi fengið aðra sekt. Það gæti þýtt að
Björn Ingi hafi fengið sektargreiðslur
upp á 500 þúsund krónur vegna van­
skilanna.
Ekki náðist í Björn Inga vegna
málsins þrátt fyrir ítrekaðar tilraunir.
Lengi spurt um Caramba
Björn Ingi tók sér ótímabundið leyfi
frá starfi sínu sem ritstjóri vefmiðils­
ins Pressunnar og settist þess í stað
í stól útgefanda miðilsins, auk ann­
arra miðla sem Vefpressan, útgáfu­
félag Björns Inga og fleiri aðila, gefur
út. Þegar Björn Ingi tók þessa ákvörð­
un sendi hann frá sér tilkynningu þar
sem hann sagðist ætla að vinna að því
að hreinsa mannorð sitt og að ekkert
ólöglegt eða óeðlilegt hafi átt sér stað
í viðskiptum sínum í gegnum félagið,
sem var í eigu hans og eiginkonu hans
sem er löggiltur verðbréfamiðlari.
Þrátt fyrir þessi ummæli hefur Björn
Ingi verið tregur til að tjá sig um mál
tengd Caramba.
Í Rannsóknarskýrslu Alþingis
kom fram að Caramba hefði skuldað
560 milljónir króna við hrun bank­
anna. Taldi rannsóknarnefndin að
lán Kaupþings til félagsins hafi hugs­
anlega tengst markaðsmisnotkun en
Kaupþing var nær eini lánardrott­
inn félagsins. Lánið sem rannsókn­
arnefndin benti sérstaklega á var 280
milljóna króna lán sem bankinn lán­
aði til hlutabréfakaupa í Exista, móð­
urfélagi bankans, árið 2008.
Ríkisskattstjóri vill ný stjórntæki
„Það verður að fá íslenskum yfirvöld­
um þau verkfæri sem nauðsynleg
hafa verið talin hjá grannþjóðum til
að halda uppi þeirri festu að þeir sem
ekki hlíta almennum reglum dæmi sig
sjálfir úr leik,“ sagði í leiðara blaðsins
Tíund, sem gefið er út af ríkisskatt­
stjóra, í desember 2010. „Leynd um
hluthafa er einnig önnur brotalöm­
in, eitt af stærri vandamálum bæði
að því er snýr að viðskiptalífinu sjálfu
og starfi yfirvalda. Verður því að telja
mikilvægt að slíkri leynd verði aflétt
og hún lýst óheimil með lögum. Auk­
ið gagnsæi næst ekki nema tekið sé á
þessari alvarlegu brotalöm sem eng­
inn vafi er á að átti stóran hlut í því
að þenja bóluna út þangað til að hún
sprakk.“ Í leiðaranum er kallað eftir því
að heimild verði veitt í lögum til að af­
skrá fyrirtæki skili þau ekki tilskildum
gögnum. Þannig fengi félagið ekki að
starfa undir eigin kennitölu með tak­
markaðri ábyrgð. „Þetta hefði þær af­
leiðingar að eigendur tækju fulla og
ótakmarkaða ábyrgð á sínum rekstri
með einkaeignum sínum,“ segir í leið­
aranum.
Mögulega sektaður
um hálfa milljón
n Björn Ingi Hrafnsson hefur ekki skilað ársreikningi vegna Caramba n Ríkisskattstjóri
hefur sent fjölda fyrirtækja sektir n Rúmlega 3.000 fyrirtæki hafa fengið sektir
Aðalsteinn Kjartansson
blaðamaður skrifar adalsteinn@dv.is
„Þetta hefði þær
afleiðingar að
eigendur tækju fulla og
ótakmarkaða ábyrgð á
sínum rekstri með einka-
eignum sínum.
Enginn ársreikningur Björn Ingi hefur
ekki skilað ársreikningi vegna Caramba.
Sektir vegna vanskila á ársreikningum geta
numið allt að hálfri milljón króna.
Mynd KaRL PEtERsson
Flúor í beinum dýra tvöfaldaðist í kjölfar slyss:
Fundað með álrisum
Kristján Geirsson, á sviði umhverfis­
gæða hjá Umhverfisstofnun, segir
í samtali við DV að rannsókn stofn­
unarinnar hafi leitt í ljós talsverða
aukningu á flúori í beinum sauðfjár,
í kjölfar mengunarslyss í álverinu við
Grundartanga árið 2006. Magn flúors
í sauðfé og öðrum langlífum dýrum
tvöfaldaðist í kjölfar slyssins. Líklegt
verður að telja að að flúor í beinum
manna á svæðinu hafi einnig aukist
enda um langlíft dýr að ræða, en það
hefur ekki fengist staðfest. Þá marg­
faldaðist magn flúors í grasi á svæð­
inu í kjölfar slyssins, að sögn Krist­
jáns.
Umhverfisstofnun stefnir á heild­
stæða úttekt og skoðun á því hvort
og þá við hvaða aðstæður gæti skað­
legra áhrifa flúormengunar. Stofn­
unin hefur boðað til fundar með fé­
lagi álframleiðenda og hyggst taka
málið upp við umhverfisráðherra.
Árið 2006 sló reykhreinsivirki ál­
versins á Grundartanga út í tuttugu
klukkustundir með þeim afleiðing­
um að gríðarlegt magn flúors fór út
í umhverfið. Undanfarna daga hafa
fjölmiðlar fjallað um konu sem býr
í Hvalfirði sem fyrir tveimur árum
sendi Umhverfisstofnun erindi
vegna óþekktra veikinda sem hrjáðu
hross hennar. Taldi konan að mik­
ið magn flúors í beinum hrossanna
væri ástæða þess að hrossin virtust
finna fyrir verkjum í fótum og vera
með hnúða og stirðleika í makka.
Konan hafði gert samanburð á flúor­
magni í sínum hrossum og hrossum
á Norðurlandi sem sýndi fram á að
flúormagn í þeim fyrrnefndu mæld­
ist mun meira.
Það tók Umhverfisstofnun tvö ár
að komast að þeirri niðurstöðu að
veikindi hrossanna samræmdust
ekki skaða af flúormengun. Var sú
niðurstaða fengin frá sérgreiningar­
lækni hrossasjúkdóma hjá Matvæla­
stofnun. Í ljósi upplýsinga um aukn­
ingu á styrk flúors í beinum og í ljósi
sívaxandi álframleiðslu hér á landi
telur Umhverfisstofnun hins vegar
að komin séu fram veigamikil rök
fyrir því að ráðist verði í heildstæða
úttekt á málinu.
jonbjarki@dv.is
Margföldun flúors Mengunarslys árið
2006 varð til þess að flúormengun í grasi á
svæðinu margfaldaðist.