Dagblaðið Vísir - DV - 18.05.2012, Blaðsíða 17

Kvótinn Keypti Moggann
Fréttir 17Helgarblað 18.–20. maí 2012
Einkatímar
á gítarLærðu á gítar á eigin forsendum ísumar á góðu verði.
Benjamín sími 696 8078 ben@benjaminarnason.com
S&S Smáralind 588-0550
S&S Glerártorgi 461-2828
facebook.com/snudar
Fjölbreytt úrval af 100%
melamín vörum frá RICE
Barnaskór fyrir 1-4 ára sem má nota
inni og úti. Verð 3.990 kr.
Handunnir danskir óróar
Verð: 2.590 kr.
Uglubolur frá Minymo.
Verð 2.990 kr.
Glæsilegar svuntur
fyrir fullorðna
Snúðar & Snældur bjóða upp á vönduð
dönsk barnaföt á góðu verði og
skemmtilega hönnunarvöru.
n Áhersla eigenda Morgunblaðsins er á átökin um sjávarútveg n Eiga um þriðjung kvótans á Íslandi n Þrettánfaldur byggðakvóti
Mogginn bjargaði þjóðinni
Óskar Magnússon, útgefandi og
einn eigenda Morgunblaðsins,
þakkar blaðinu fyrir hvernig
Icesave fór. Hann segir
eigendur leggja áherslu á
átökin um sjávarútveg og
hugsanlega aðild Íslands að
Evrópusambandinu.
Hagsmunir í húfi
Hagsmunasamtök útgerðarmanna
eru ein elstu hagsmunasamtök
landsins. LÍÚ var stofnað árið 1939 af
um fimmtíu útgerðarmönnum. Með
stofnun samtakanna var hagsmuna-
barátta útvegsmanna um allt land
í höndum eins félags í stað margra.
Fjallað var um sögu LÍÚ í fréttabréfi
félagsins, Útvegurinn sem kom út árið
1999. „Tildrögin að stofnun LÍÚ voru
fyrst og fremst þau, að á árunum eftir
1930 hafði sjávarútvegurinn í landinu
átt í sífelldum og auknum erfiðleikum,“
skrifar Kristján Ragnarsson sem þá
var formaður LÍÚ. Félagið fer með
hagsmuni útvegsmanna og er málsvari
þeirra í almennum hagsmunamálum
auk þess sem félagið fer samningsgerð
við vátryggingafélög fyrir hönd félags-
manna. LÍÚ hefur það að hlutverki að
gæta hagsmuna útvegsmanna við gerð
kjarasamninga.
Ungir útvegsmenn
Ungir útgerðarmenn stofnuðu félag
árið 2007, sem vinna átti að almennri
fræðslu í sjávarútvegsmálum og stuðla
að opinni umræðu.
Formaður og
stofnandi félagsins
var Friðbjörn Orri
Ketilsson eigandi
vefmiðlunar sem
rekur meðal annars
vefinn AMX.is sem
og sax.is, upp-
lýsingavef um sjávarútveg. „Það var
orðið tímabært að tengja saman það
unga fólk sem starfar í greininni, tengist
henni eða starfar í tengslum við hana,“
sagði Friðirk Orri í samtali við fréttavef-
inn Skip.is vegna stofnunarinnar.
Nokkur virkni var á vegum félags-
ins um tíma en hópurinn sendi
mjög gjarnan frá sér tilkynninga.
„Vinstriflokkar í framboði til Alþingis
hafa það á stefnuskrám sínum að gera
aflaheimildir sjávarútvegsfyrirtækja
upptækar undir yfirskrift fyrningar-
leiðar. Slík aðgerð kollvarpar því trausta
og hagkvæma skipulagi sem ríkt hefur í
sjávarútvegi um árabil og setur afkomu
tugþúsunda einstaklinga um land allt í
mikla óvissu,“ sagði meðal annars á vef
samtakanna.
Félagið var gagnrýnt fyrir pólitíska
slagsíðu og var meðal annars ýjað
að óeðlilegum tengslum við stjórn-
málaflokka.
Hótað sigla í land
Útvegsmenn hafa samþykktu í janúar
á þessu ári að fiskiskipaflotanum yrði
siglt í land og hann bundinn við bryggju
léti ríkisstjórnin ekki af áformum um
fyrningu kvótans. LÍÚ hefur heimild til
slíkra samþykkta og hefur raunar beytt
þessari aðferð
áður. Aðspurður um
hvort aðferðin væri
eðlileg sagði Friðrik
J. Arngrímsson
framkvæmda-
stjóri LÍÚ að hann
líti ekki svo á að
um hótun væri að
ræða. Stjórnvöld
væru í raun þau sem
hótuðu. Þau hóti því
að taka veiðiheimildir af fyrirtækjunum
og menn hljóti að bregðast við hót-
unum um að setja þau í þrot og þar með
íslenskan sjávarútveg í gjaldþrot.
Árið 1982 hótaði LÍÚ að stöðva
flotann en þá samþykkti 25 manna
trúnaðarráð félagsins að stöðva
flotann á miðnætti 10 september
vegna óánægju með ákvörðun
fiskverðsnefndar um verðlag á fiski.
Útgerðarmenn töldu þá nauðsynlegt
að hækka viðmiðunarverð um 40
prósent sem áður var og höfnuðu boði
um 20 prósent hækkun. Í frétt Tímans
frá málinu segir að þetta sé í fyrsta sinn
sem heimild trúnaðarráðs til að stöðva
flotann sé beitt.
Dauður sjór
án útgerðar
„Þjóðareign sem enginn kann að nýta er
einskis virði,“ segir í auglýsingu LÍÚ frá
árinu 1998 en það ár var einmitt ár hafsins.
„Það kostar mikið að gera út skip. Það er
ekki sjálfgefið að útgerð gangi upp og skili
hagnaði. En án útgerðar verða engin auðæfi
sótt í hafið,“ segir í sömu auglýsingu. Önnur
auglýsing samtaka útvegsmanna bar
yfirskriftina „Afkoman ræðst í útlöndum“.
Þar segir að fiskur sem enginn kaupi skapi
engin verðmæti.
Auglýsingarnar
vöktu mikla
athygli og voru
nokkuð umdeildar.
Samtök um
þjóðareign sökuðu
útgerðarmenn
meðal annars
um villandi
auglýsingar. Þá sá
Sjómannadagsráð
Reykjavíkur og
Hafnarfjarðar sig tilneytt til að svara
herferðinni með eigin auglýsingu sem bar
yfirskriftina „Við veiðum fiskinn“.
„Okkur fannst auglýsingar LÍÚ þess eðlis
að nauðsynlegt væri að rétta þær aðeins
af. Við viljum minna á að útgerðarmaður og
skip ná ekki aflaheimildunum, heldur þarf
til þess framsækna og duglega sjómenn,“
sagði Guðmundur Hallvarðsson, formaður
Sjómannadagsráðs, við Morgunblaðið á
sínum tíma.
Skelfileg áhrif og
ekkert samráð
„Af hverju læra stjórnvöld ekki af reynsl-
unni?“ spyrja íslenskir útvegsmenn á vefsíðu
sinni sem stofnuð var vegna andstöðunnar
gegn frumvarpi Jóns Bjarnasonar, þáverandi
sjávarútvegsráðherra, sem lagt var fyrir
þingið um mitt síðasta ár. Vefur hópsins er í
eigu Landssambands íslenskra útvegsmanna
en auk vefsins var blásið til auglýsingaher-
ferðar þar sem varað var við breytingunum.
Að vanda vakti auglýsingaherferðin nokkrar
deilur en að þessu sinni dróst Ríkisútvarpið
inn í deilurnar þegar auglýsingadeild
stofnunarinnar neitaði að birta auglýsingar
Einars Steingrímssonar sem titlaði sig
borgara. „Er herferð útgerðaraðals gegn
almenningi siðleg? Borgari,“ sagði ein
þeirra auglýsinga sem RÚV neitaði að
birta á þeim forsendum að borgari væri
of almennt. Þangað til hafði RÚV þó ekki
gert athugasemd við auglýsingar merktar
íslenskum útvegsmönnum. Engin samtök eru
til með því heiti og ekki eru allir útgerðarmenn
innan LÍÚ.